ءۇزما:
جۇرتتىڭ ءبارى ماقتايتىن جاقسى كەلىن
انار بۇلت / شينجياڭ گازەتىنىڭ ءتىلشىسى دۋ جيانحۇي
2022.03.16 15:47 كەلۋ قاينارى : شينجياڭ گازەتى
”ءۇزما ءجون - جوسىقتى بىلەدى، ەنەسىن ۇزاق جىل كۇتىمدەدى، تاربيەلەگەن پەرزەنتتەرى تۇگەلدەي قايىرىمدى دا اقىلدى“. 2 - ايدىڭ 27 - كۇنى ءۇزمانىڭ كورشىسى ءميدا: ءۇزمانىڭ 7 - كەزەكتى اۆتونوميالى رايوندىق ءمورال ۇلگىسى بولۋى، شىنىمەن دە، اتىنا زاتى ساي بولدى، - دەدى اسەرلەنە سويلەپ.
بيىل 60 جاستاعى ءۇزما حوشۇت اۋدانى تاعارشى قالاشىعى عۇنامبۇق قىستاعىنىڭ تۇرعىنى ءارى قىستاقتاعى جۇرتتىڭ ءبارى ماقتايتىن جاقسى كەلىن. ول ناۋقاستانىپ توسەك تارتىپ جاتىپ قالعان ەنەسىن 8 جىل بويى بار پەيىلىمەن كۇتىمدەپ، ”بار ىزگىلىك اتا - اناعا وپالىلىقتان باستالادى“ دەيتىن جۇڭحۋانىڭ ءداستۇرلى اسىل ءمورالىن ءىس جۇزىندىك ارەكەتى ارقىلى ايگىلەپ، پەرزەنتتەرىنە ۇرپاقتان - ۇرپاققا جالعاساتىن رۋحاني بايلىق توپتادى.
2010 - جىلى ءۇزمانىڭ 88 جاستاعى ەنەسى شيگىرا ۇزاق ۋاقىت ناۋقاستانۋدان توسەك تارتىپ جاتىپ قالادى، ءجۇرىپ - تۇرا الماي، ءوز قاجەتىنەن شىعا الماي قالادى. جۇبايى باتۇبايىر جىل بويى سىرتتا زات تاسىمالىمەن اينالىساتىندىقتان، ول كاريانى كۇتىمدەپ قاراۋ سىندى اۋىر مىندەتتى ىرىقتىلىقپەن ارقالايدى.
ءۇزما ەنەسىنىڭ بەتى - قولىن جۋىپ، شاشىن تاراپ، ءتۇرلى ءدامدى تاعامدار ىستەپ بەرەدى؛ اۋا اشىق كۇندەرى قىستاق تۇرعىندارى ونىڭ ەنەسىن سىرتقا كۇن شۋاققا الىپ شىققاندىعىن كورەدى.
وتباسىنىڭ ەكونوميكالىق باسىمىن ازايتۋ ءۇشىن، ءۇزما كەستەشىلىك ونەرىن قايتادان قولعا الا ءجۇرىپ، ءبىر جاعىنان، ەنەسىنە قاراسا، ءبىر جاعىنان، كەستەشىلىك ۇيرەنەدى. 2012 - جىلى ءۇزما بايىنعولين موڭعۇل اۆتونوميالى وبلىسىنداعى ايەلدەردىڭ قولونەر شەبەرلەرى جارىسىندا 1 - دارەجەلى سيلىققا يە بولادى، ول جوبالاعان موڭعۇل ۇلتىنىڭ ءداستۇرلى كيىمىنىڭ ءبىر پارى 2000 يۋاننىڭ ۇستىندە ساتىلادى. كوپتەگەن ايەلدەر اتاعىن ەستىپ ودان ونەر ۇيرەنۋگە كەلەدى، ول ءوزىنىڭ تالاي جىلعى كەستەشىلىك تاجىريبەسىن جانە ونەرىن اياماستان باسقالارعا ۇيرەتەدى.
”شەشەم دۇنيەدەن وتكەندە 96 جاستا ەدى، قىستاقتاعى ۇزاق ءومىر كورگەن كاريا سانالادى، مۇنىڭ ءبارى ايەلىمنىڭ ەڭبەگى. سالدانىپ توسەك تارتىپ جاتقان شەشەمدى كۇتۋ ءۇشىن، ول تالاي جىلدار بويى ۇيدەن ۇزاپ شىعا المادى، وعان شىن جۇرەكتەن العىس ايتامىن“، - دەدى باتۇبايىر تەبىرەنىپ.
”ۇلكەندى قۇرمەتتەپ، كىشىنى ايالاۋ ءبىزدىڭ ءداستۇرلى اسىل ءمورالىمىز ءارى پەرزەنتتەرىمىزدىڭ ىستەۋگە ءتيىستى ءىسى. ۇلكەندەرگە قايىرىمدى بولساق، وتباسىمىز ءتىپتى دە جاراسىمدى بولادى، پەرزەنتتەرىمىز دە اقىلدى بولادى“، - دەدى ءۇزما.
ءۇزما باسقا تۋىس - تۋعاندارىنا دا توتەنشە كوڭىل ءبولىپ، قامقورلىق جاساي ءبىلدى. 2020 - جىلى ءۇزمانىڭ كۇيەۋىنىڭ كىشى شەشەسى جىرعىل جۇرەك اۋرۋىنا دۋشار بولادى، ونىڭ بالاسى سىرتقا مال باعۋعا شىعاتىندىقتان كاريانى قاراۋعا امالسىز قالادى. بۇل احۋالدان حابار تاپقان سوڭ، ءۇزما ۇنەمى جىرعىلدىڭ ۇيىنە بارىپ تۇرادى، كاريانى سەيىلدەۋگە ەرتىپ شىعادى، قاسىندا بولىپ اڭگىمە دۇكەن قۇرادى.
ءۇزمانىڭ وسىناۋ جىلدارداعى سوزىمەن دە، ىسىمەن دە ۇلگى بولۋىن پەرزەنتتەرى كورىپ ءوستى، ۇلكەندەردى قۇرمەتتەپ، كىشىنى ايالاۋدىڭ تۇقىمى ولاردىڭ دا جۇرەگىندە تامىر تارتىپ، 2 بالاسى ۇنەمى اجەسىنىڭ اياعىن جۋىپ، ارقاسىن ۋقالاپ بەرەتىن بولدى.
بۇگىنگى كۇندە ءۇزمانىڭ ۇلى مەن قىزى الدەقاشان قىزمەتكە شىقتى، باس قۇرادى. ”اكە - شەشەمىز ءومىر بويى جاپا شەكتى، اپەكەم ەكەۋىمىز ولارعا كەزەكتەسىپ قارايلاسىپ، اتا - انامىزدىڭ ءبىزدى باعىپ - قاققان ەڭبەكتەرىن اقتايمىز“، - دەدى ءۇزمانىڭ ۇلى حاشي.
”كوپشىلىكتىڭ ريزالىعىن العانىما ءوزىمدى ماقتانىش سەزىنەمىن. مەن ۇلگىلىك، باستاماشىلدىق رولىمدى ويداعىداي ساۋلەلەندىرىپ، جاستاردى جۇڭحۋا ۇلتىنىڭ ءداستۇرلى اسىل ءمورالىن جالعاستىرۋعا جەتەكتەيمىن، بۇل مەنىڭ ارمانىم“، - دەدى ءۇزما.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
