زاڭ شۋۋ:
22 جىلدا بۇقارانىڭ 200 مىڭ يۋان ءدارى - دارمەك اقىسىن كەشىرىم ەتتى
انار بۇلت / شينجياڭ گازەتىنىڭ ءتىلشىسى جاڭ جىلي، ەرىكتى ءتىلشى ۋاڭ جينشيا
2022.03.16 15:46 كەلۋ قاينارى : شينجياڭ گازەتى
”قانشا اتاق - داڭققا يە بولسام دا، ايتارىم تاعى سول ءسوز: ناۋقاستاردىڭ اۋرۋ جاعدايى جاقسارسا بولعانى كوڭىلىم مارقايىپ قالادى؛ ماعان ريزا بولعاندىقتارىڭىزدىڭ وزىنە قاناعاتتانامىن“، - دەدى 2 - ايدىڭ 15 - كۇنى 7 - كەزەكتى اۆتونوميالى رايوندىق ءمورال ۇلگىسى بولىپ باعالانعان زاڭ شۋۋ قىستاققا قايتقاننان كەيىن اۋىلداستارىنا.
اۋات اۋدانى بەسارىق قالاشىعى كۇنچيسۇڭ قىستاعىندا قىستاق شيپاگەرى زاڭ شۋۋ جايلى ءسوز بولسا بولعانى، كوپتەگەن قىستاق تۇرعىندارى كەرەمەت دەپ القايدى. ولار ول كىسىگە بىلاي دەپ باعا بەرەدى: زاڭ شيپاگەردىڭ ەمشىلىك ونەرى جاقسى، ادامگەرشىلىگى جاقسى، قىزمەت وتەۋى جاقسى؛ وعان بارىپ ناۋقاس كورسەتسەڭ، از اقشا جۇمساپ اۋرۋدان تەز ساقاياسىڭ؛ ول قىستاق تۇرعىندارىن تۋىسىنداي كورەدى، قىستاق تۇرعىندارى دا ول كىسىنى جان اشىر جاقىنىنا بالايدى...
ءار جىلعى كوكتەم مەرەكەسىندە قىستاق تۇرعىنى ياسىن ءمامات زاڭ شۋۋعا مەرەكەشىلەپ بارادى. اسىلىندە، 2011 - جىلى كوكتەم مەرەكەسىنە قاراعان تۇندە ياسىن جارىم تۇندە قاتتى قىزىپ، توسەكتە دىرىلدەپ - قالشىلداپ جاتىپ قالعان، ايەلى بالاسىن ەرتىپ زاڭ شۋۋدىڭ ۇيىنە بارىپ كومەك سۇراعان ەكەن. سول كەزدە باس قوسۋ تاماعىن ءىشىپ بولىپ ۇيىقتاپ قالعان زاڭ شۋۋ شۇعىل قاعىلعان ەسىك داۋىسىنان ويانىپ كەتەدى، ياسىننىڭ ايەلىنىڭ ءسوزىن ەستىپ، ول ابىرجىپ قالادى: ”قاتەرلى! تۇنىمەن قىزا بەرەتىن بولسا، مەنينگيت بولىپ قالۋى مۇمكىن“. ول ءارى - ءسارى بولماستان، ءدارى سومكەسىن الا سالىپ، قىزىل اسىقتان كەلەتىن قاردى ومبىلاي باسىپ جولعا شىعادى.
ياسىننىڭ ۇيىنە جەدەل جەتكەن سوڭ، زاڭ شۋۋ دياگنوز قويىپ، ۋكول اسىپ، ءتۇنى بويى قاربالاستىققا تۇسەدى. كەلەسى كۇنى تاڭەرتەڭ ياسىننىڭ قىزۋى اقىرى قايتادى، زاڭ شۋۋ وعان ءدارى بەرىپ، كوڭىل بولۋگە ءتيىستى ىستەردى قايتا - قايتا تاپسىرعان سوڭ الاڭسىز ۇيىنە قايتادى. بىرنەشە كۇننەن كەيىن ياسىن ساقايادى. ول العىس جاۋدىرا بىلاي دەيدى: كوكتەم مەرەكەسى ءبىر جىلداعى ەڭ ماڭىزدى مەرەكە، زاڭ شيپاگەر جىل بويى قاربالاس بولىپ، ارەڭ ۋاقىت شىعارىپ وتباسىنداعىلارمەن بىرگە مەرەكە وتكىزگەندەگى قىمباتتى ۋاقىتىن مەنىڭ اۋرۋىمدى كورۋگە قۇربان ەتتى.
مىنە وسىنداي كۇن - ءتۇن دەمەي، مەرەكە - مەيرامعا قاراماي، قاشان شاقىرسا سول كەزدە تىزگىن ۇشىمەن جەتەتىن مىسالدارعا كۇنچيسۇڭ قىستاعىنداعى تۇرعىنداردىڭ كوزى ءۇيىر. وزگەلەر ونى ءاردايىم ”ادامگەرشىلىگى كۇشتى“ دەپ ماقتاعان كەزدە زاڭ شۋۋ ۇنەمى بىلاي دەپ جاۋاپ بەرەتىن: ”ناۋقاس ەمدەپ، ادام قۇتقارۋ مەنىڭ قىزمەت جاۋاپكەرشىلىگىم!“.
زاڭ شۋۋدىڭ ”ادامگەرشىلىگى كۇشتى“ دەگەندى اۋىزعا العاندا، كورشى قىستاق قاشباشى قىستاعىنىڭ تۇرعىنى ماحمۇت ساۋىت تا قاتتى ريزا بولادى. 2008 - جىلى 5 - ايدا ماحمۇت اعاش كەسىپ جاتقاندا ابايسىزدا اعاشتان قۇلاپ كەتىپ، باسى تاسقا ءتيىپ جارىلىپ، قان توقتامايدى. كومەك سۇراعان تەلەفوندى قابىلداعان سوڭ، زاڭ شۋۋ ءدارى سومكەسىن اسىنىپ، موتوتسيكلمەن ناق مايدانعا جەتەدى. ول، ءبىر جاعىنان، ماحمۇتتىڭ اققان قانىن توقتاتىپ، ەندى ءبىر جاعىنان، اۋات اۋداندىق حالىق شيپاحاناسىنىڭ شۇعىل قۇتقارۋ ورتالىعىنا حابارلاسادى. شۇعىل قۇتقارۋ اۆتوكولىگى كەلىپ جەتكەن سوڭ، ول كومەكتەسىپ ماحمۇتتى كوتەرىسىپ شۇعىل قۇتقارۋ اۆتوكولىگىنە شىعارادى ءارى اۆتوكولىكپەن بىرگە شيپاحاناعا بارىپ، ماحمۇتتىڭ شيپاحاناعا جاتۋ قاراجاتىن تولەيدى. دەر كەزىندە قۇتقارىلعاندىقتان، ماحمۇت قاتەردەن امان قالادى.
قيىنشىلىعى بار قاۋىم ناۋقاس كورسەتە كەلگەندە، زاڭ شۋۋ ۇنەمى ءدارى - دارمەك اقىسىن ازايتىپ، كەشىرىم ەتىپ، ولارعا كومەكتەسەتىن. شيپاگەرلىكپەن اينالىسقان 22 جىلدا ول كۇنچيسۇڭ قىستاعىنداعى جانە ماڭايداعى قىستاق بۇقاراسىنا جالپى كەشىرىم ەتكەن ءدارى - دارمەك اقىسى 200 مىڭ يۋاننان استى.
”كەزىندە قىستاقتا شيپاگەر بولۋدى تاڭداۋداعى ماقساتىم بۇقارانىڭ ءىس جۇزىندىك قيىنشىلىعىن شەشۋ ءۇشىن بولاتىن. قازىر اۋىلداستاردىڭ تۇرمىسى جاقساردى، مەن ءالى دە اۋەلگى ماقساتىمدى ۇمىتپاي، جالعاستى ولاردى ۋايىم - قايعىدان ارىلتامىن“، - دەدى زاڭ شۋۋ. ونىڭ بالالىق كەزى كۇنچيسۇڭ قىستاعىندا وتكەن، 7 جاسىندا جياڭسۋ ولكەسىنىڭ گانيۇي اۋدانىنداعى (قازىرگى ليانيۇنگاڭ قالاسى گانيۇي رايونى) اتا مەكەنىنە قايتىپ وقۋعا تۇسەدى، 1994 - جىلى نانجيڭ مەديتسينا داشۋەسىنە قابىلدانادى، مەكتەپ بىتىرگەن سوڭ ءاسىلى گانيۇي اۋداندىق حالىق شيپاحاناسىندا قىزمەت ىستەۋىنە بولاتىن ەدى، الايدا ول 1999 - جىلى شينجياڭعا تۋىسشىلاي كەلگەن كەزدە كۇنچيسۇڭ قىستاعىنداعى جانە ماڭايداعى قىستاق تۇرعىندارىنىڭ ەمدەلۋى قيىن بولۋ ماسەلەسى ءالى دە وتە كورنەكتى ەكەنىن كورىپ، وسى اراعا كەلىپ ەمحانا اشۋعا بەكيدى.
وسىلايشا، تابانى كۇرەكتەي 22 جىل ىستەگەن زاڭ شۋۋ مەن قىستاق تۇرعىندارىنىڭ دوستىق سۇيىسپەنشىلىگى بارعان سايىن تەرەڭدەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
