ۋاڭ فىڭ:
بىرەۋ قامىڭدى جەسە، جۇرەگىڭ جىليدى
انار بۇلت / شينجياڭ گازەتىنىڭ ءتىلشىسى سۇي يۇنيان
2022.03.16 15:47 كەلۋ قاينارى : شينجياڭ گازەتى
”قارامايلى قالاسى جايرانبۇلاق رايونى قازىر ساۋلەتتى دە كورىكتى بولىپ كەتتى، 20 نەشە جىلدىڭ الدىندا بۇل ارانىڭ ءبارى جاتاعان ۇيلەر بولاتىن“. 2 - ايدىڭ 25 - كۇنى 7 - كەزەكتى اۆتونوميالى رايوندىق ءمورال ۇلگىسى، قارامايلى قالاسى قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ حالىق ساقشىسى ۋاڭ فىڭ وسىلاي دەدى. ول جايرانبۇلاق رايونىندا 10 نەشە جىل قىزمەت ىستەدى، وندا ونىڭ 6 سۇيەنىشسىز قارتقا قارايلاسقان اسەرلى ىستەرى اڭىز بولىپ قالدى.
ۋاڭ فىڭ 1995 - جىلى ساقشى بولعان، كوپ وتپەي ول اماندىق جاعدايى كۇردەلى جايرانبۇلاق رايونىنا بارىپ قىزمەت ىستەۋدى ىرىقتىلىقپەن ءوتىنىش ەتىپ، ساقشى بولىمشەسىنىڭ ”اۋماق ساقشىسىنا“ اينالادى. قاراستى اۋماقتىڭ سول كەزدەگى تۇرعىندارىنىڭ كوبى سىرتتان جۇمىس ىستەۋگە كەلگەندەر، بۇكىل ەلدىڭ جەر - جەرىنەن بار، بۇقارانى ارالاپ جاعداي ۇعىسۋ، بۇقاراعا قىزمەت وتەۋ، اماندىق كومەسكى قاتەرلەرىن باقىلاۋ جانە ونى جويۋ ىستەرىمەن اينالىسقان ۋاڭ فىڭ تىنىم المادى.
1997 - جىلى قىستا ۋاڭ فىڭ جاياۋ ءجۇرىپ بۇقارانى ارالاپ جاعداي ۇعىسقاندا، جول شەتىندە جاتقان ءبىر ۇلكەن جاشىكتىڭ قوزعالعانداي بولعانىن بايقاپ، جاقىنداپ بارىپ قاراسا، ءبىر قارتتىڭ جاشىكتەگى ەسكى تور ماقتانىڭ اراسىندا ءبۇرىسىپ جاتقاندىعىن كورەدى. ”ونىڭ تياناقتى باسپاناسى جوق، تۇراقتى ەكونوميكالىق كىرىس قاينارى دا جوق، مەن ونى ساقشى ىستەرى بولمەسىنە جىلىنۋعا ەرتىپ اكەلىپ تاماقتاندىردىم“، - دەدى ۋاڭ فىڭ.
كەلەسى كۇنى ۋاڭ فىڭ ءبىر جاتاعان ءۇيدى جالعا الىپ، جيھاز جانە تۇرمىستىق بۇيىمدار ساتىپ اكەلىپ، قارتتى سول ۇيگە كوشىرەدى. سودان كەيىن قارتتىڭ ىشەر اس، كيەر كيىمىن، پايدالاناتىن بۇيىمدارىن ۋاڭ فىڭ تۇگەل جەتكىزىپ بەرەدى، ەكەۋى ۇنەمى اڭگىمەلەسىپ، سىر اقتارىسىپ، كوڭىلدى تۇرمىس كەشىرەدى.
كەيىنگى 10 جىلدا ۋاڭ فىڭ قاراستى اۋماقتان قارايلاساتىن ادامى جوق تاعى 5 قارتتى ىركەس - تىركەس الىپ كەلەدى. ولار ۋاڭ فىڭ جالعا العان ۇيدە بىرگە تۇرىپ، وزگەشە دە مەيىرلى وتباسىن قۇرايدى.
”قارتتاردىڭ تۇرمىسى قاراپايىم، ءۇي جالعا الۋ مەن زات ساتىپ الۋعا پالەندەي اقشا كەتە قويمايدى، اۋىرىپ قالسا قيىن، قاراجات شىعىنى كوبەيىپ كەتەدى“. ۋاڭ فىڭ تەمەكى - اراقتان تيىلىپ، ءوزىنىڭ شىعىنىن بارىنشا ازايتادى.
قارتتار ۋاڭ فىڭدى جاقىنىنا بالادى. ”بىرەۋ قامىڭدى جەسە جۇرەگىڭ جىليدى“، - دەدى ۋاڭ فىڭ، ول كەزدە حابار - بايلانىس شارت - جاعدايى ناشار، ول ەگەر بىرنەشە كۇن بويى كەلمەي قالسا، قارتتار قىزمەت ورنىنا بارىپ ونى ىزدەپ، جاعدايىن بىلەتىن. ءىسساپارعا شىعاردان بۇرىن ول، ءسوز جوق، قارتتارعا ايتىپ قوياتىن، نەشە كۇنگە بارادى، قاي كۇنى ورالادى، ءبارىن ايتىپ كەتەتىن.
”ءۇي قوجاسى ءبىزدىڭ وسى اراداعى قۇدىق بۇرعىلاۋ سەرىكتەستىگىنىڭ قاراماعىنداعى قورا - جاي كاسىپورنى بولاتىن، ولار جاعدايدى بىلگەن سوڭ، سۋ، توك اقىسىن جانە جىلۋ اقىسىن كەشىردى، سونداي - اق ۇنەمى تۇرمىستىق بۇيىمدار اكەلىپ تۇردى“. ۋاڭ فىڭ تۇسىنىك پەن قولداۋعا يە بولعانىنا قاتتى قۋاناتىندىعىن ايتتى.
سول كۇندەردە ۋاڭ فىڭ قاراستى اۋماقتاعى ورتا، باستاۋىش مەكتەپتەردىڭ زاڭمەن باسقارۋ ورىنباسار مەكتەپ باستىعى مىندەتىن قوسىمشا وتەدى، ”سودىر - سوتقار بالالار“ ول نازار اۋدارىپ كەلگەن ماڭىزدى ءتۇيىن. ءبىر ورەن اجىراسىپ كەتكەن اكە - شەشەسىنىڭ ەلەۋسىز قالدىرۋىمەن ۇرلىققا سالىنىپ كەتەدى، بالانىڭ پسيحولوگيالىق اقاۋدى جەڭۋىنە كومەكتەسۋ ءۇشىن، ۋاڭ فىڭ ونى وقۋعا اپارىپ - اكەپ، ونىمەن بىرگە ويناپ، سىرلاسىپ ءجۇردى. ۋاڭ فىڭنىڭ شابىتتاندىرۋىمەن سول بالا تەحنيكالىق مەكتەپكە قابىلدانىپ، قازىر باسىنا ءۇي تىگىپ، باۋىرىنا قازان اسىپ، شارۋاشىلىق قۇرىپ وتىر.
ءبىر ”سوتقار قىز بالانى“ قۇتقارۋ ءۇشىن، ۋاڭ فىڭ ءبىر QQ نومىرگە تىركەلىپ، ”حۋ - نيۋ“ دەگەن اتپەن ۇلكەن اپەكە ”رولىندا “ بالامەن پىكىر اۋىستىرىپ، ونى دۇرىس جولعا تۇسۋگە جەتەكتەدى.
10 جىلدا بالالار ەسەيىپ ازامات بولدى، ۋاڭ فىڭ ىرىقتى تۇردە ولارمەن بايلانىسىن ءۇزدى، ونداعى ماقساتى ولاردىڭ قالىپتى تۇرمىسىنا ىقپال جاساماۋ ءۇشىن ەدى. ”ولاردى ۇنەمى ەسىمە الامىن“. ۋاڭ فىڭ وسىنى ايتقان كەزدە كوپكە دەيىن ءۇنسىز قالدى.
2008 - جىلى ۋاڭ فىڭ قارامايلى رايونىنا قىزمەت اۋىستىردى. ول ۋاقىت بولا قالسا قارتتاردى كۇتىمدەۋ ورنىنا بارىپ ەرىكتى قىزمەتكەر بولىپ، قارتتارمەن بىرگە تۇشپارا ءتۇيىپ، اڭگىمەلەسىپ تۇردى. ”شىنتۋايتىندا، ەشتەڭە ىستەمەي - اق تەك بارىپ تۇرساڭ بولدى، قارتتار قاتتى قۋانادى، ولارعا كەرەگى باسقالاردىڭ كوڭىلىنەن ورىن الۋ، باسقالاردىڭ ءوزىنىڭ قامىن جەۋى“، - دەدى ۋاڭ فىڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
