6 – ايدا اشىلادى! تاكلاماكان شولىندەگى اينالما تەمىر جول سالىنىپ بولدى
2022.03.17 15:06 كەلۋ قاينارى : حالىق تورابى
 |
سۋرەتتە: شينجياڭ حوتان – چارقىلىق تەمىر جولى. جۇڭگو تەمىر جول توبى ءۇرىمجى مەكەمەسى بەرگەن سۋرەت
|
جۇڭگو مەملەكەتتىك تەمىر جول توبىنىڭ حابارلاۋىنشا، جۋىردا شينجياڭداعى جالپى ۇزىندىعى 825.476 كيلومەتر كەلەتىن حوتان – چارقىلىق تەمىر جولىن قوزعالىستاعى كۇيدە تەكسەرىپ وتكىزىپ الۋ قىزمەتى ءساتتى بولىپ، بيىل 6 – ايدا ىسكە قوسۋعا ءبىر قادام جاقىندادى.
تانىستىرۋعا قاراعاندا، قوزعالىستاعى كۇيدە تەكسەرىپ وتكىزىپ الۋ قىزمەتى دەگەنىمىز تەمىر جول قۇرىلىس نىسانى تىنىش كۇيدە تەكسەرىپ وتكىزىپ الۋدا تولىمدى بولعان سوڭ، تەمىر جول تاراۋلارى مەن قۇرىلىستى سالۋشى ورىن ۇيىمداستىراتىن جۇيەلى، جان – جاقتى جۇرگىزىلەتىن سىناقتان وتكىزۋ قىزمەتىن، تەمىر جول قۇرىلىس ينجەنەرياسىنىڭ حاۋىپسىز ىسكە قوسىلۋ جاعدايىنا جۇرگىزىلەتىن جالپى بەتتىك تەكسەرۋ جانە وتكىزىپ الۋ قىزمەتىن كورسەتەدى.
جۇڭگو تەمىر جول توبى ءۇرىمجى مەكەمەسى كاسىپتىك قىزمەتكەرلەردى ۇيىمداستىرىپ، ولاردى رەلس، ەلەكتر ىستەرى، ۆاگون قاتارلىلاردى جان – جاقتى تەكسەرۋگە ارنالعان پويەزگە وتىرعىزىپ، ساعاتتىق جىلدامدىعى 80 كيلومەترلىك، 100 كيلومەترلىك، 120 كيلومەترلىك ءۇش ءتۇرلى قارقىن دارەجەسى بويىنشا حوتان – چارقىلىق تەمىر جولىنىڭ تۇتاس جەلىدەگى جايلىلىعىنا، سەگنالىنا، حابارلاسۋ جاعدايىنا جانە كوپىردەن وتكەندەگى قوزعالىستاعى كۇيدەگى بارىسىنا تەكسەرۋ جۇرگىزگەن. تەكسەرۋ ساندى مالىمەتتەرى پويەزگە ورنالاستىرىلعان ارناۋلى اسپاپتار ارقىلى جيناقتالادى ءارى ساراپتالادى، وسى ارقىلى تەكسەرىپ وتكىزىپ الۋ ناتيجەسى شىعارىلىپ، پويەز جولدى ىسكە قوسۋعا عىلىمي نەگىز ازىرلەيدى.
حوتان – چارقىلىق تەمىر جولى — مەملەكەتتىك ءتۇيىندى تەمىر جول ينجەنەرياسى، جوباداعى ساعاتتىق جىلدامدىعى 120 كيلومەتر، جيىنى 20 بەكەت ورنالاستىرىلعان، شينجياڭ ۇيعۇر اۆتونوميالى رايونىنىڭ وڭتۇستىگىندەگى حوتان ايماعى مەن بايىنعولىن موڭعۇل اۆتونوميالى وبلىسىنداعى چارقىلىق اۋدانىنىڭ اراسىن جالعاستىرادى، پويەز جولدىڭ قۇرىلىسى 2018 – جىلدىڭ سوڭىندا رەسمي باستالعان، 2021 – جىلى 9 – ايدا بۇكىل جەلى بويىنشا رەلىس تولىق توسەلىپ بولعان. حوتان – چارقىلىق تەمىر جولى چارقىلىق بەكەتىندە گولمۋد – كورلا تەمىر جولىمەن تۇتاسادى، ول وڭتۇستىك شينجياڭ ءوڭىرىنىڭ باتىس سولتۇستىك، باتىس وڭتۇستىك وڭىرمەن بايلانىس جاسايتىن قولايلى تاسىمال جولى.
تاكلاماكان ءشولى — دۇنيە جۇزىندەگى ەكىنىشى ءىرى كوشپەلى ءشول، «اجال تەڭىزى» دەگەن اتى بار. حوتان – چارقىلىق تەمىر جولى اتالعان ءشولدىڭ وڭتۇستىك جيەگىنەن وتەدى، وڭتۇستىك شينجياڭ تەمىر جولىنىڭ حوتان بەكەتىنەن باستالىپ، حوتان، لوب، شەريا قاتارلى جەرلەردى باسىپ ءوتىپ، قازىرگى گولمۋد – كورلا تەمىر جولىمەن، قاشقار – حوتان تەمىر جولىمەن، وڭتۇستىك شينجياڭ تەمىر جولىمەن بىرگە تاكلاماكان ءشولىن اينالعان تەمىر جول تۇيىق اينالىمىن قالىپتاستىرادى، بۇل شينجياڭنىڭ 2020 – جىلى سولتۇستىك شينجياڭ اينالما تەمىر جولى قالىپتاسقاننان كەيىنگى تاعى ءبىر اينالما تەمىر جول بولىپ سانالادى.
حوتان – چارقىلىق تەمىر جولىندا پويەز قاتىناپ، رەسمي ىسكە قوسىلعان سوڭ، لوب، شەريا، كەريا، نيا، چەرشەن اۋدانى سىندى 5 اۋدانعا، سونداي – اق، شينجياڭ ءوندىرىس – قۇرىلىس بيڭتۋانىنىڭ كوپتەگەن تۋان – قالاشىقتارىنا پويەز جول تۇتاسپاعان تاريحتى اياقتاتىپ، وڭتۇستىك شينجياڭنىڭ ەكونوميكاسىنىڭ دامۋىن ىلگەرىلەتۋدە، اۋىل – قىستاقتى كوركەيتۋدى ىشكەرىلەي ىلگەرىلەتۋدە ماڭىزدى ءمان الادى.
كەلۋ قاينارى: حالىق تورابى
 |
سۋرەتتە: شينجياڭ حوتان – چارقىلىق تەمىر جولى. جۇڭگو تەمىر جول توبى ءۇرىمجى مەكەمەسى بەرگەن سۋرەت
|
 |
سۋرەتتە: شينجياڭ حوتان – چارقىلىق تەمىر جولى. جۇڭگو تەمىر جول توبى ءۇرىمجى مەكەمەسى بەرگەن سۋرەت
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
