«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ءماسليحات كەڭەسى قۇرىلعانىنىڭ 70 جىلدىعىن قۇتتىقتاۋ جينالىسىندا سويلەنگەن ءسوز
2022.03.16 16:10 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 15 - كۇنى، بەيجيڭ.
«ىزدەنۋ» جۋرنالىنىڭ 3 - ايدىڭ 16 - كۇنى باسپادان شىعاتىن 6 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ءماسليحات كەڭەسى قۇرىلعانىنىڭ 70 جىلدىعىن قۇتتىقتاۋ جينالىسىندا سويلەنگەن ءسوز» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: جاڭا داۋىردە حالىق ساياسي كەڭەسى قىزمەتىن كۇشەيتۋدە جانە جاقسارتۋدا جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگوشا سوتسياليزمدە تاباندى بولۋ مەن دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى، «ەكى 100 جىلدىق» كۇرەس نىساناسىن جۇزەگە اسىرۋعا قىزمەت وتەۋدى قىزمەت نەگىزگى جەلىسى، يدەيالىق - ساياسي جەتەكشىلىكتى كۇشەيتۋدى، كەڭ كولەمدە ورتاق تانىم ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپتا تاباندى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن جوعارىلاتىپ، ورتاق تانىمدى اناعۇرلىم جاقسى ۇيىستىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەسى قىزمەتىنە قويعان تالاپتارىن تياناقتاندىرۋ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ۇيىستىرۋ ساياسي جاۋاپكەرلىگىن ارقالاپ، جاپپاي سوتسياليستىك وسىزاماندانعان قۇدىرەتتى ەل قۇرۋعا ۇلەس قوسۋ كەرەك.
ماقالادا بىلاي دەپ اتاپ كورسەتىلدى: حالىق ساياسي كەڭەسى − جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، پارتيا نازارياسىن، دەموكراتيالىق ساياسي نازارياسىن جۇڭگونىڭ ءىس جۇزىندىك جاعدايىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالاداعى قايراتكەرلەرگە باسشىلىق ەتىپ ساياسي ءتۇزىم جاعىندا جۇرگىزگەن ۇلى جاسامپازدىعى. 70 جىلدان بەرى جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى ىنتىماق پەن دەموكراتيا سىندى ەكى ۇلكەن نەگىزگى تاقىرىپتان جازباي، پارتيا مەن مەملەكەتتىڭ وزەكتى مىندەتىنە قىزمەت ەتىپ، جاڭا جۇڭگونى قۇرۋ جانە سوتسياليستىك توڭكەرىس، قۇرىلىس، رەفورما سىندى ءاربىر تاريحي مەزگىلدە توتەنشە ماڭىزدى رولىن ساۋلەلەندىردى.
ماقالادا بىلاي دەپ اتاپ كورسەتىلدى: پارتيانىڭ 18 - قۇرىلتايىنان بەرى ءبىز تاجىريبەلەردى قورىتىندىلاپ، حالىق ساياسي كەڭەسى قىزمەتىنە ءبىرقىدىرۋ جاڭا تالاپ قويدىق. ءبىرىنشى، پارتيانىڭ حالىق ساياسي كەڭەسى قىزمەتىنە باسشىلىعىن كۇشەيتۋ. ەكىنشى، حالىق ساياسي كەڭەسىنىڭ سيپاتىن تۇراقتاندىرۋدى دۇرىس يگەرۋ. ءۇشىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرۋ. ءتورتىنشى، ەلىمىزدىڭ جاڭاشا پارتيا تۇزىمىندە تاباندى بولۋ جانە ونى كەمەلدەندىرۋ. بەسىنشى، حالىقتىڭ تىلەگى مەن كۇشىن جاپپاي ۇيىستىرۋ. التىنشى، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرلىكتى ادا ەتۋ. جەتىنشى، حالىق ساياسي كەڭەسى حالىق ءۇشىن بولۋدا تاباندى بولۋ. سەگىزىنشى، رەفورما جاساپ، جاڭالىق اشۋ رۋحىمەن مىندەت وتەۋ قۋاتى قۇرىلىسىن ىلگەرىلەتۋ. اماليات حالىق ساياسي كەڭەسى ءتۇزىمىنىڭ كوپ جاقتا وزگەشە ابزالدىققا يە ەكەنىن دالەلدەدى.
ماقالادا مىنالار اتاپ كورسەتىلدى: جاڭا جاعدايدا، ءبىز، ءسوز جوق، حالىق ساياسي كەڭەسى تۇزىمىندە تاباندى بولىپ، حالىق ساياسي كەڭەسى ىستەرىن ويداعىداي دامىتىپ، بىرلىكساپ قىزمەتىن ورىستەتۋدىڭ جاۋاپكەرلىك ارقالاۋىن كۇشەيتىپ، ءتىپتى دە كوپ ادامداردى پارتيانىڭ توڭىرەگىنە ىنتىماقتاستىرۋىمىز كەرەك. قازىرگى جانە مۇنان كەيىنگى ءبىر مەزگىلدە حالىق ساياسي كەڭەسى، وتە - موتە، تومەندەگى قىزمەتتەردى جاقسى يگەرۋى كەرەك. ءبىرىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرۋ. جۇڭگونىڭ سوتسياليستىك تۇزىمىندە، ىستەردى اقىلداسۋعا بولادى، كوپتىڭ ءىسىن كوپ اقىلداسىپ، تۇتاس قوعام رازى بولاتىن جانە تالاپ ەتكەن ەڭ ۇلكەن ورتاق بولگىشتى تابۋ − حالىق دەموكراتياسىنىڭ شىندىعى. سوتسياليستىك كەڭەس دەموكراتياسىن دامىتۋدا دەموكراتيالىق ورتالىقتاندىرۋ ءتۇزىمىنىڭ ابزالدىعىن ويداعىداي قولدانىپ، «ىنتىماق − سىن − ىنتىماق» سىندى تاڭداۋلى ءداستۇردى ساۋلەلەندىرىپ، كەڭەسكە كەڭ جول اشىپ، كوپ پاراساتىن ساۋلەلەندىرىپ، تۇرلىشە يدەيالىق كوزقاراستاردىڭ تولىق بەينەلەنۋى مەن ىشكەرىلەي اۋىس - كۇيىس جاساسۋىن جەبەۋ، باسقالارعا زورلاپ تاڭۋدان گورى ءوزارا قۇرمەت ەتەتىن، تەڭ تۇرعىدا كەڭەسەتىن، اركىم ءوز ءسوزىن سويلەۋدەن گورى قاعيداعا بويسۇناتىن، ءتارتىپتى تۇردە كەڭەسەتىن، اسىرا سىلتەمەي، قاسارىسپاي، كەشىرىمدى، سيىسىمدى بولاتىن، شىنايى نيەتپەن كەڭەسىپ ءارى اقتارىلا اڭگىمەلەسەتىن، اركىم ءوز كوزقاراسىن باياندايتىن ءارى پاراساتتى، سالماعى بار، زاڭدى، ەرەجەگە نەگىزدەلگەن تاماشا كەڭەس رايىن قالىپتاستىرۋ كەرەك. ەكىنشى، يدەيالىق - ساياسي جەتەكشىلىكتى كۇشەيتىپ، كەڭ كولەمدە ورتاق تانىم ۇيىستىرۋ. حالىق ساياسي كەڭەسى ۇتىمدى قىزمەت ارقىلى پارتيانىڭ ءارقايسى قىزمەتتەرگە باسشىلىعىندا تاباندى بولۋدىڭ جانە ونى كۇشەيتۋدىڭ ماڭىزدى شەبىنە، پارتيانىڭ جاسامپاز نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرىنا، ورتاق يدەيالىق - ساياسي نەگىزدە قايشىلىقتاردى شەشۋدىڭ جانە ورتاق تانىم ۇيىستىرۋدىڭ ماڭىزدى ارناسىنا قۇلشىنا اينالدىرۋ كەرەك. بىركەلكىلىك پەن كوپ تۇرلىلىكتىڭ قاتىناسىن دۇرىس ءبىر جاقتى ەتۋ كەرەك. ءۇشىنشى، مۇشەلەردىڭ جاۋاپكەرلىك ارقالاۋىن كۇشەيتۋ. قالىڭ ساياسي كەڭەس مۇشەلەرى وتان ءۇشىن مىندەت اتقارۋ، حالىق ءۇشىن جاۋاپكەرلىكتى ادا ەتۋ ىنتا - ىقىلاسىنان جازباي، ءىستى كوڭىل تورىنە قويىپ، جاۋاپكەرلىك ارقالاپ، مۇشەلىك مىندەت جاۋاپكەرلىگىن مۇقيات اتقارۋى كەرەك، ساياسي تۇرعىدا ءدۇدامال بولۋعا، ساياسي پرينسيپتەن اۋىتقۋعا بولمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
