شي جينپيڭ يندونەزيانىڭ زۇڭتۇڭى جوكومەن تەلەفوندا سويلەستى
2022.03.17 16:35 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 16 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 16 - كۇنى تۇستەن كەيىن يندونەزيانىڭ زۇڭتۇڭى جوكومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن يندونەزيا وركەندەپ كەلە جاتقان ءىرى ەلدەردىڭ جانە جاڭادان گۇلدەنگەن ەكونوميكالىق تۇلعالاردىڭ ۋاكىلدەرى رەتىندە دۇنيە جۇزىندەگى 100 جىلدىق وزگەرىس جاعدايى مەن عاسىرلىق ىندەت الدىندا قول ۇستاسا العا باسىپ، قيىندىقتاردان تايسالماي العا ۇمتىلىپ، ەكى جاقتى قاتىناستىڭ ساياسي، ەكونوميكا، گۋمانيتارلىق، تەڭىز سەلبەستىگى سىندى «ءتورت دوڭگەلەكتى قوزعاۋشى كۇش» جاڭا جاعدايىن قالىپتاستىرىپ، ىنتىماقتاسا وتىرىپ ىندەتكە قارسى اتتانۋ جانە بىرگە دامۋ نەگىزگى اۋەنىن ساۋلەلەندىرىپ، جۇڭگو مەن يندونەزيانىڭ تاعدىرلاس ورتاق تۇلعاسىن بىرگە قۇرۋدىڭ جالپى بەتالىسىن ايقىنداپ، وركەندەپ كەلە جاتقان ءىرى ەلدەردىڭ شىنايى سەلبەستىگىنىڭ ۇلگىسىن ورناتتى. جۇڭگو يندونەزيامەن قويۋ قارىم - قاتىناستى جالعاستىرىپ، جۇڭگو مەن يندونەزيانىڭ دوستىق سەلبەستىگىنىڭ ۇزدىكسىز تىڭ دامۋعا قول جەتكىزۋىن ىلگەرىلەتىپ، ءوڭىردىڭ جانە دۇنيە ءجۇزىنىڭ دامۋ جالپى جاعدايىنا اناعۇرلىم كوپ ورنىقتىلىق جانە وڭ ەنەرگيا قوسۋدى قالايدى.
شي جينپيڭ بىلاي دەپ دارىپتەدى: ەكى جاق ءبىزدىڭ جاڭا تيپتى ايدارشا ۆيرۋس ۆاكسيناسى سەلبەستىگىن تەرەڭدەتۋ سياقتىلار جونىندە كەلىسكەن ورتاق تانىمىمىزدى ويداعىداي تياناقتاندىرىپ، ىندەتكە قارسى اتتانۋ سەلبەستىگىن ۇزدىكسىز كۇشەيتۋى كەرەك. جاكارتا - باندۇڭ جوعارى قارقىندى تەمىر جولىنىڭ ۋاعىندا سالىنىپ بولىپ، پويەز قاتىناۋىنا كەپىلدىك ەتىپ، «وڭىرلىك جالپىلىق ەكونوميكالىق ءدالىز»، «ەكى ەلدىڭ قوس باقشاسى» سياقتى ءتۇيىندى نىسانداردى ويداعىداي اتقارىپ، «ءبىر بەلدەۋ، ءبىر جولدى» جوعارى ساپامەن بىرگە قۇرىپ، يندونەزيانىڭ دامۋى مەن ەكى ەلدىڭ سەلبەستىگىن ۇدەتە ءتۇسۋ كەرەك. يندونەزيانىڭ دامۋىنا ءتيىمدى، ەكى ەلدىڭ سەلبەستىگىنە ءتيىمدى نىساندار بولسا بولعانى، جۇڭگو بەلسەندى پوزيتسيادا بولادى. ەكى جاق دۇنيە جۇزىلىك بازاردىڭ ورنىقتىلىعى مەن قامداۋ تىزبەگىنىڭ ىركىلىسسىزدىگىن قورعاپ، دۇنيە جۇزىلىك دامۋ باستاماسىنىڭ ناقتى تياناقتانۋىن ىلگەرىلەتىپ، شىعىس وڭتۇستىك ازيا ەلدەرى وداعىن وزەك ەتكەن، اشىق، سيىسىمدى وڭىرلىك قۇرىلىمدى باتىل قورعاپ، ىنتىماقتاسا سەلبەسۋدە، ءوزارا پايدا جەتكىزىپ، تەڭ يگىلىككە كەنەلۋدە تاباندى بولۋى كەرەك. جۇڭگو يندونەزيانىڭ 20 ەل توبىنا ءتوراعا ەل بولۋ رولىن ساۋلەلەندىرىپ، نازاردى «بىرگە قالپىنا كەلتىرۋ، پارمەندى قالپىنا كەلتىرۋ» نەگىزگى تاقىرىبىنا شوعىرلاندىرىپ، بالي ارالى باسشىلار باس قوسۋىن ويداعىداي وتكىزۋىن قولدايدى.
جوكو مىنانى ءبىلدىردى: جۇڭگونىڭ مەملەكەتتىك ەكى ءماجىلىسىنىڭ ءساتتى جابىلعانىن، بەيجيڭ قىسقى وليمپيادا سپورت جارىسىنىڭ، قىسقى مۇگەدەكتەر وليمپيادا سپورت جارىسىنىڭ تابىستى بولعانىن قۇتتىقتايمىن. قازىر يندونەزيانىڭ جۇڭگومەن ەكى جاقتى ساۋداسى، قارجى قوسۋ سەلبەستىگى قاۋىرت ارتتى. يندونەزيا جۇڭگومەن بىرگە جاكارتا - باندۇڭ جوعارى قارقىندى تەمىر جولىن ۋاعىندا سالىپ، ەكى ەل حالىقتارىنا باقىت جاراتۋدى قالايدى. يندونەزيا جۇڭگومەن ءۇش جاق سەلبەستىگىن ورىستەتىپ، يندونەزيانىڭ جاڭا استانا قۇرىلىسىنا دەم بەرۋدى ءۇمىت ەتەدى. جۇڭگونىڭ يندونەزيانىڭ «وڭىرلىك جالپىلىق ەكونوميكالىق ءدالىزى» قۇرىلىسى مەن جاسىل ونەركاسىپ باقشا رايونى قۇرىلىسىن ۇزدىكسىز قولداۋىن ءۇمىت ەتەمىن. ءتوراعا شي جينپيڭ العا قويعان دۇنيە جۇزىلىك دامۋ باستاماسى بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن جۇزەگە اسىرۋعا ءتيىمدى، يندونەزيا بار كۇشپەن قولدايدى، جۇڭگومەن تىعىز بايلانىس جاساپ، باستامانىڭ تياناقتانۋىن ىلگەرىلەتىپ، دۇنيە ءجۇزىنىڭ بىرگە دامۋىن جەبەۋگە ۇلەس قوسۋدى قالايدى. يندونەزيا جۇڭگومەن پىكىرلەسۋدى، سايكەسۋدى جيىلەتىپ، 20 ەل توبىنىڭ قىزمەتىندە ەكونوميكانىڭ قالپىنا كەلۋى مەن دۇنيە ءجۇزىنىڭ دامۋىنا نازار اۋدارۋدى ىلگەرىلەتىپ، كوكەي تەستى دۇنيە جۇزىلىك ماسەلەلەردى تىزە قوسا شەشۋدى قالايدى.
ەكى جاق ۋكراينانىڭ جاعدايى جونىندە پىكىر اۋىستىرىپ، ءبىر اۋىزدان بىلاي دەپ قارادى: ءار جاق جاراسۋدى ءناسيحاتتاۋدان، كەلىسسوزدى جەبەۋدەن جازباي، كەڭ كولەمدى ادامگەرشىلىك داعدارىسىنىڭ تۋىلۋىنان ساقتانىپ، جازالاۋدىڭ دۇنيە ءجۇزى ەكونوميكاسىنا كەرى ىقپالىن تىزگىندەپ، دۇنيە ءجۇزى ەكونوميكاسىنىڭ قالپىنا كەلۋ اياق الىسىنا نۇقسان جەتكىزۋدەن ساقتانۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
