الدىڭعى 2 ايدا شينجياڭنىڭ ادەتتەگى الەۋمەتتىك مەجە ەسەپ كىرىسى 33 ميلليارد 40 ميلليون يۋان بولدى
سايكەس مەزگىلدەگىدەن ％50تەن استام ارتتى
2022.03.17 15:23 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي 3 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋعا قاراعاندا، بيىل 1 - ايدان 2 - ايعا دەيىن اۆتونوميالى رايوننىڭ ادەتتەگى الەۋمەتتىك مەجە ەسەپ كىرىسى جالپى 33 ميلليارد 40 ميلليون يۋان بولىپ، سايكەس مەزگىلدەگىدەن 11 ميلليارد 70 ميلليون يۋان ارتىپ، سايكەس مەزگىلدەگىدەن ％50.4 ارتقان، جالپى مولشەرى مەن ارتۋ قارقىنى ۇقساس مەزگىلدەگىمەن سالىستىرعاندا، تۇگەلدەي تاريحي تىڭ ورە جاراتقان.
مۇنىڭ ىشىندە سالىق كىرىسى 25 ميلليارد 40 ميلليون يۋان بولىپ، سايكەس مەزگىلدەگىدەن ％42.2 ارتىپ، ادەتتەگى الەۋمەتتىك مەجە ەسەپ كىرىسىنىڭ ％75.8ىن ۇستاعان؛ سالىققا جاتپايتىن كىرىس 8 ميلليارد يۋان بولىپ، سايكەس مەزگىلدەگىدەن ％83.7 ارتقان.
اۆتونوميالى رايوندىق قازىنا مەڭگەرمەسى مەملەكەت قويماسى باسقارماسىنىڭ باستىعى لۋ تۇڭ بىلاي دەپ تالداۋ جاسادى: اۆتونوميالى رايون شارۋاشىلىق - ساۋدا ورتاسىن ۇزدىكسىز ساپالىلاندىرىپ، مەملەكەتتىڭ سالىقتى ازايتۋ، اقىنى تومەندەتۋ ساياساتىن قاتاڭ تياناقتاندىرىپ، 2021 - جىلعى كومىر، ەلەكتر جانە جىلۋمەن قامداۋ كاسىپورىندارىنىڭ، جاساۋ كاسىبىندەگى ورتا، شاعىن، ۇساق كاسىپورىنداردىڭ قاتىستى سالىق اقىسىن بيىل تاپسىرۋعا كەشەۋىلدەتىپ، ساياساتتىڭ پايداسىن ۇزدىكسىز جارىققا شىعارىپ، بازار نەگىزگى تۇلعالارى كۇن سايىن جاندانىپ، كاسىپورىننىڭ پايدا تابۋ قابىلەتى ۇزدىكسىز جوعارىلاپ، سالىق كىرىسى زور مولشەردە ارتتى. سونىمەن قاتار كومىر، مۇناي سياقتى بايلىق تۇرىندەگى ونىمدەردىڭ باعاسىنىڭ جوعارى بولۋىنىڭ اسەرىندە بايلىق سالىعى ％124.3 ارتتى، بەي مەتال، ءتۇستى مەتال، حيميالىق بۇيىمدار جانە مۇناي اشۋ سياقتى سالالاردىڭ سالىق كىرىسى جەكە - جەكە ％242.7، ％126.3، ％122.4 جانە ％109.5 ارتتى.
مۇنان تىس، اۆتونوميالى رايون ۇكىمەت سيپاتىنداعى بايلىقتى، مال - مۇلىكتى بار كۇشپەن جانداندىرىپ، بايىنعولين موڭعۇل اۆتونوميالى وبلىسى، قىزىلسۋ قىرعىز اۆتونوميالى وبلىسى، اقسۋ ايماعى جانە حوتان ايماعى سياقتى جەرلەردەگى پايدالانباعان مۇناي، گاز وڭىرلەرىن ماڭدايشالىق اسىپ ساتىپ، كەن ونىمدەرى بايلىعى ارناۋلى كىرىسىنەن ءبىر ميلليارد 980 ميلليون يۋان كىرگىزىپ، ادەتتەگى الەۋمەتتىك مەجە ەسەپ كىرىسىنىڭ 8.1 پايىز ارتۋىن جەبەدى.
”اۆتونوميالى رايوننىڭ ارتقان قۇن سالىعى، كاسىپورىنداردىڭ تابىس سالىعى جانە جەكەلەردىڭ تابىس سالىعى سىندى 3 ۇلكەن نەگىزگى سالىق ءتۇرى ％40.7 ارتىپ، ادەتتەگى الەۋمەتتىك مەجە ەسەپ كىرىسىنىڭ 22 پايىز ارتۋىن جەبەدى. بۇل رايونىمىز ەكونوميكا، ءوندىرىس اينالىم بۋىندارىنىڭ بارعان سايىن ىركىلىسسىزدەنىپ، بازار تۇلعالارىنىڭ ومىرشەڭدىك كۇشىنىڭ ونان ارى كۇشەيگەنىن تۇسىندىرەدى“. اۆتونوميالى رايوندىق قازىنا مەڭگەرمەسى مەملەكەت قازىناسى باسقارماسىنىڭ ورىنباسار باستىعى باي دۇڭدۇڭ بىلاي دەدى: ”ادەتتەگى مەجە ەسەپ كىرىسىنىڭ ارتۋى زور كولەمدە سالىقتى ازايتىپ، اقىنى تومەندەتۋ العى شارتىندا قولعا كەلگەن، بازار تۇلعالارىنىڭ اۋىرتپاشىلىعىن ارتتىرعانى جوق، وسىنىڭ بارلىعى رايونىمىز ەكونوميكاسىنىڭ جاندانۋدان جاقسارۋعا بەت العان جاعدايعا الدەقاشان وتكەندىگىن جانە ونى ۇزدىكسىز ساقتايتىندىعىن بىلدىرەدى“.
قازىنالىق كىرىستىڭ ارتۋى، ءسوز جوق، قازىنالىق شىعىستى تىرەكپەن قامداپ، سول ارقىلى ناقتى ەكونوميكاعا ءتىپتى دە جاقسى تيىمدىلىك جاساپ، حالىق تۇرمسىىن جاقسارتۋدى جەبەيدى. الدىڭعى 2 ايداعى قازىنانىڭ ءتۇيىندى قامتاماسىز ەتۋ شىعىسىنان قاراعاندا، اۆتونوميالى رايون جەرگىلىكتى زايومنان 13 ميلليارد 10 ميلليون يۋاندى جاڭادان كوبەيتىپ تاراتىپ، قاتىناس، سۋ يگىلىگى سياقتى ءتۇيىندى نىسان قۇرىلىستارىن قولداۋعا پايدالانعان. ”اۆتونوميالى رايون تىكە تۇسىرىلەتىن قارجىدان 96 ميلليارد 880 ميلليون يۋان ورنالاستىرىپ، نەگىزگى ساتىعا توتە ءتۇسىرىپ، كاسىپورىنعا، حالىققا تيىمدىلىك جەتكىزدى، بۇل، ءسوز جوق، بازار تۇلعالارىنىڭ قارجى قىسىمىن ءونىمدى جەڭىلدەتىپ، بازار تۇلعالارىنىڭ تولىسىپ - جەتىلۋىن جەبەيدى“، - دەدى باي دۇڭدۇڭ.
ەندى ءبىر جاعىنان، اۆتونوميالى رايوننىڭ حالىق تۇرمىسى شىعىسى 56 ميلليارد 30 ميلليون يۋان بولىپ، ادەتتەگى الەۋمەتتىك مەجە ەسەپ شىعىسىنىڭ ％73.8ىن ۇستاپ، ％70 جوعارى بولۋدى ۇزدىكسىز ساقتادى. مۇنىڭ ىشىندە وقۋ - اعارتۋ شىعىسى سايكەس مەزگىلدەگىدەن ％55.9 ارتتى، قاتىناس - تاسىمال شىعىسى سايكەس مەزگىلدەگىدەن ％97.7 ارتتى، ەنەرگيا ۇنەمدەپ، ورتانى قورعاۋ شىعىسى سايكەس مەزگىلدەگىدەن ％89.5 ارتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
