مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى
لي كىچياڭ زۇڭلي سەرت بەرۋدى باقىلادى
2022.03.17 16:55 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 16 - كۇنى، بەيجيڭ. مەملەكەتتىك كەڭەس 3- ايدىڭ 16- كۇنى جۇڭنانحايدا نەگىزگى زاڭعا سەرت بەرۋ سالتىن وتكىزدى. مەملەكەتتىك كەڭەستىڭ زۇڭليى لي كىچياڭ سەرت بەرۋدى باقىلادى.
«جۇڭحۋا حالىق رەسپۋبليكاسىنىڭ نەگىزگى زاڭى» مەن «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىنىڭ نەگىزگى زاڭعا سەرت بەرۋىن ۇيىمداستىرۋ ادىسىنە» ساي، مەملەكەتتىك كەڭەس تاياۋدا تاعايىنداعان 27 تاراۋ مەن ورىننىڭ 32 جاۋاپتىسى زاڭ بويىنشا نەگىزگى زاڭعا سەرت بەردى.
تۇستەن بۇرىن ساعات 11 دە مەملەكەتتىك كەڭەستىڭ مۇشەسى، مەملەكەتتىك كەڭەستىڭ باس حاتشىسى شياۋ جيە نەگىزگى زاڭعا سەرت بەرۋ سالتىنىڭ باستالعانىن جاريالادى. بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن ورىندادى. وسىدان كەيىن سەرت بەرۋشىلەر قولدارىن نەگىزگى زاڭ جيناعىنا قويىپ تۇرىپ، سەرتتى وقىدى، باسقا سەرت بەرۋشىلەر ساپ تۇزەپ، سەرتتى ىلەسىپ وقىدى.
سەرت بەرگەننەن كەيىن لي كىچياڭ كوپشىلىكتىڭ نەگىزگى زاڭعا ادال بولىپ، زاڭعا بويسۇنىپ، قىزمەت مىندەتىن ادا ەتىپ، جۇمىستى قۇلشىنا ىستەۋىن ءۇمىت ەتتى. ول مىنالاردى تالاپ ەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، سەرتتى ەستە بەرىك ساقتاپ، ۋادەنى ورىنداۋ كەرەك. قۇلشىنا ناقتى ءىس تىندىرىپ، جاۋاپكەرلىك ارقالاپ، مىندەت پەن بورىشتى قاشان دا كوكەيگە بەرىك ساقتاپ، ارەكەتتە ايگىلەپ، وبيەكتيۆ زاڭدىلىققا قۇرمەت ەتىپ، ناقتى ىستەپ، العا ۇمتىلىپ، جاسامپازدىقپەن قىزمەت ىستەۋ كەرەك. ارتۋدى ورنىقتىرۋدى اناعۇرلىم كورنەكتى ورىنعا قويىپ، ارتۋدى ورنىقتىرۋدى، قۇرىلىمدى رەتتەۋدى، رەفورمانى ىلگەرىلەتۋدى ءبىر تۇتاس جوسپارلاپ، ەكونوميكالىق اينالىمنىڭ ۇيلەسىمدى ارالىقتا بولۋىن جالعاستىرۋ كەرەك. حالىققا باقىت جاراتۋدى كوزدەپ، مەملەكەتتىڭ ءىس جۇزىندىك جاعدايىن يگەرىپ، شىندىقتى ءىس جۇزىنەن ىزدەپ، حالىقتىڭ جاعدايىن ۇعىسىپ، حالىقتىڭ تىلەگىنە قۇلاق اسىپ، ناقتى ساياسي ناتيجە ارقىلى حالىقتىڭ ىرىس- قۇتىن ارتتىرۋ كەرەك. اكىمشىلىكتى زاڭ بويىنشا قاتاڭ جۇرگىزىپ، زاڭعا قۇرمەت ەتۋدىڭ، زاڭدى ۇيرەنۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىلەرى بولىپ، بۇقارانىڭ زاڭدى ۇقىق - مۇددەسىن قامتاماسىز ەتىپ، زاڭمەن جونگە سالىناتىن ۇكىمەت قۇرىلىسىن ىلگەرىلەتۋ كەرەك. ونەمى ايناعا قاراپ، ءوزىمىزدى تەكسەرىپ تۇرۋىمىز قاجەت. كىرشىكسىزدىك قاسيەتتى ماڭگى ساقتاپ، بولماشى، ۇساق ىستەردە دە دەربەس ءارى ساق بولىپ، تۋراشىل بولىپ، پاكتىكتى ساقتاۋ كەرەك. ءبىر نيەت، ءبىر تىلەكتە بولىپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ جولىندا قاجىماي - تالماي كۇرەس جۇرگىزۋ كەرەك.
مەملەكەتتىك كەڭەس زۇڭليىنىڭ ورىنباسارلارى حان جىڭ، حۋ چۇنحۋا، ليۋ حى، مەملەكەتتىك كەڭەستىڭ مۇشەلەرى ۋەي فىڭحى، ۋاڭ يۇڭ، ۋاڭ ي، جاۋ كىجى، سونداي - اق مەملەكەتتىك كەڭەستىڭ قاتىستى تاراۋلارىنداعى نەگىزگى جاۋاپتى جولداستار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
