ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «جالپى حالىقتىق مەنشىكتەگى جاراتىلىستىق بايلىق مال-مۇلىك مەنشىك ۇقىعىنا ۋاكىلدىك ەتۋ مەحانيزمىن تۇيىندە سىناق ەتۋ جوباسىن» باسىپ تاراتتى
2022.03.18 15:26 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 17 - كۇنى، بەيجيڭ. ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى بىرنەشە كۇننىڭ الدىندا «جالپى حالىقتىق مەنشىكتەگى جاراتىلىستىق بايلىق مال-مۇلىك مەنشىك ۇقىعىنا ۋاكىلدىك ەتۋ مەحانيزمىن تۇيىندە سىناق ەتۋ جوباسىن» باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتى تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: جاراتىلىستىق بايلىق مال - مۇلىك ۇقىعى ءتۇزىمى رەفورماسىن ءبىر تۇتاس ىلگەرىلەتىپ، جالپى حالىقتىق مەنشىكتەگى جاراتىلىستىق بايلىقتى، مال - مۇلىكتى مەنشىكتەنۋشىلەردىڭ قىزمەت جاۋاپكەرلىگىن تياناقتاندىرىپ، جالپى حالىقتىق مەنشىكتەگى جاراتىلىستىق بايلىق مال-مۇلىك مەنشىك ۇقىعىنا ۋاكىلدىك ەتۋ مەحانيزمىن ورناتۋ جونىندە ىزدەنىس جاساپ، تۇيىندە سىناق ەتۋ قىزمەتىن ورىستەتۋ كەرەك.
«جوبادا» مىنالار دارىپتەلدى: سىناق ءتۇيىنى قىزمەتىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، مەنشىكتەنۋشىنىڭ جاۋاپكەرلىگىن نەگىزگى جەلى، جاراتىلىستىق بايلىق ءتىزىمىن نەگىز، تەكسەرۋ - باقىلاۋ مەن ۇقىقتى تۇراقتاندىرىپ تىركەۋدى نەگىز، مال - مۇلىك ۇقىعى تۇلعالارىن تياناقتاندىرۋدى ءتۇيىن ەتىپ، جاراتىلىستىق بايلىق مال - مۇلكىنىڭ جاي - جاپسارىن كۇش سالا انىقتاپ، مەنشىكتەنۋشىنىڭ ۇقىعىن زاڭ بويىنشا اتقارىپ، ءونىمدى باسقارىپ - قورعاپ، باعالاۋدى، باقىلاۋدى كۇشەيتىپ، مەملەكەتتىك مەنشىككە الۋشىنىڭ ۇقىق - مۇددەسىن شىن مانىندە تياناقتاندىرىپ جانە قورعاپ، جاراتىلىستىق بايلىق مال - مۇلكىنىڭ جوعارى ءونىمدى جايعاسۋىن جانە قۇنىن ساقتاپ، قۇنىن ارتتىرۋىن جەبەپ، ەكولوگيالىق وركەنيەت قۇرىلىسىن ىلگەرىلەتۋگە جانە ەكولوگيالىق وركەنيەت قۇرىلىسىن ىلگەرىلەتۋگە پارمەندى تىرەك ازىرلەۋ كەرەك.
«جوبادا» مىنالار اتاپ كورسەتىلدى: جالپى حالىقتىق مەنشىكتەگى جاراتىلىستىق بايلىقتى، مال - مۇلىكتى مەنشىكتەنۋشىلەردىڭ مىندەتى − بارلىعىن قۋاتتاۋ، ۇقىعىن جۇرگىزۋ، بورىشىن وتەۋ، جاۋاپكەرلىكتى ارقالاۋ، ۇقىق - مۇددەسىن تياناقتاندىرۋ.
«جوبادا» مىنالار ايقىن بەلگىلەندى: جالپى حالىقتىق مەنشىكتەگى جەر، كەن ونىمدەرى، تەڭىز - مۇحيت، ورمان، جايىلىم، سازدىق، سۋ، مەملەكەتتىك باقشا سىندى 8 ءتۇرلى جاراتىلىستىق بايلىق، مال - مۇلىككە (جاراتىلىستىق ەكولوگيالىق كەڭىستىكتى قامتيدى) قاراتا مەنشىك ۇقىعىن ۋاكىلدىك ەتۋدى تۇيىندە سىناق ەتۋ ورىستەتىلەدى. ءبىرىنشى، مەنشىك ۇقىعىن جۇرگىزۋ ۇلگىسىن ايقىنداۋ كەرەك، مەملەكەتتىك كەڭەس مەملەكەت اتىنان جالپى حالىقتىق مەنشىكتەگى جاراتىلىستىق بايلىق مەنشىك ۇقىعىن جۇرگىزىپ، جاراتىلىستىق بايلىق مينيسترلىگىنە جالپى حالىقتىق مەنشىكتەگى جاراتىلىستىق بايلىق مال - مۇلكىن مەنشىكتەنۋشىلەردىڭ مىندەتىن ءبىر تۇتاس وتەۋگە ۇقىق بەرىپ، ءىشىنارا مىندەتتى جاراتىلىستىق بايلىق مينيسترلىگى تىكەلەي اتقارادى، ءىشىنارا مىندەتتى جاراتىلىستىق بايلىق مينيسترلىگى ولكە دارەجەلى، قالا، ايماق دارەجەلى ۇكىمەتكە ۋاكىلەتتىكپەن اتقارۋدى مىندەتتەيدى، زاڭدا ايىرىم بەلگىلەمە بارلارى سول بەلگىلەمە بويىنشا اتقارىلادى. ەكىنشى، جاراتىلىستىق بايلىق تىزىمدىگىن جاساۋ ءارى مىندەتتەۋشى مەن ۋاكىلەتتىك ەتۋشىنىڭ ۇقىق پەن جاۋاپكەرلىگىن ايقىنداۋ كەرەك، جاراتىلىستىق بايلىق مينيسترلىگى قاتىستى تاراۋلارمەن بىرگە ورتالىق ۇكىمەتتىڭ مەنشىك ۇقىعىن تىكەلەي جۇرگىزەتىن جاراتىلىستىق بايلىق تىزىمدىگىن جاساۋ، سىناق ءتۇيىنى ەتىلگەن رايوندار ولكە دارەجەلى جانە قالا، ايماق دارەجەلى ۇكىمەتتەردىڭ مەنشىكتەنۋشىنىڭ مىندەتىن ۋاكىلەتتىكپەن وتەيتىن جاراتىلىستىق بايلىق تىزىمدىگىن جاساۋ كەرەك. ءۇشىنشى، مىندەتتەمەلى ۋاكىلەتتىك ۇقىق پەن جاۋاپكەرلىككە قاراي زاڭ بويىنشا ۇقىق جۇرگىزىپ، مىندەتتى اتقارۋ كەرەك، قاتىستى تاراۋلار، ولكە دارەجەلى جانە قالا، ايماق دارەجەلى ۇكىمەتتەر مەنشىكتەنۋشىنىڭ مىندەتى بويىنشا مەنشىك ۇقىعىن باسقارۋ جۇيەسىن ورناتادى جانە كەمەلدەندىرەدى. ءتورتىنشى، تۇرلىشە بايلىق تۇرلەرىنىڭ مىندەتتەمەلى باسقارۋ نىساناسى مەن قىزمەت ءتۇيىنىن زەرتتەۋ جانە قاراستىرۋ كەرەك. بەسىنشى، مىندەتتەمەلى ۋاكىلەتتىكتى سايكەستىرۋ ءتۇزىمىن كەمەلدەندىرىپ، مەنشىكتەنۋشىنىڭ مىندەتىن وتەۋدى باعالاۋ مەحانيزمىن ورناتۋ جونىندە ىزدەنىس جاساپ، ۋاكىلەتتىك ەتۋشىگە مىندەتتەلگەن مال - مۇلىكتى باسقارۋ جانە مىندەت وتەۋ احۋالىن مالىمدەۋ قىزمەت مەحانيزمىن ورناتۋ كەرەك.
«جوبادا» مىنالار العا قويىلدى: ولكەلەر (اۆتونوميالى رايون، توتە قاراستى قالا) مەن شينجياڭ ءوندىرىس - قۇرىلىس بيڭتۋانىندا تۇيىندە جارىسپالى سىناق ەتۋ كەرەك. 2023 - جىلعا بارعاندا ءبىر تۇتاس جۇرگىزۋ، تۇرگە ءبولىپ اتقارۋ، دارەجەگە ءبولىپ ۋاكىلدىك ەتۋ، ۇقىق پەن جاۋاپكەرلىك تەڭ بولۋ سىندى مەنشىك ۇقىعىن ۋاكىلدىك ەتۋ مەحانيزمى نەگىزىنەن ورناتىلادى، مال - مۇلىك ۇقىعى تۇلعاسى جاپپاي تياناقتاندىرىلادى، باسقارۋ ۇقىعى مەن جاۋاپكەرلىگى اناعۇرلىم ايقىندالادى، مال - مۇلىكتىڭ جاي - جاپسارى نەگىزىنەن اداقتالادى، بايلىقتى قورعاۋ اناعۇرلىم پارمەندى بولادى، مال - مۇلىكتى ورنالاستىرۋ اناعۇرلىم ءونىمدى بولادى، پايدا باسقارۋ ءتۇزىمى اناعۇرلىم كەمەلدەندىرىلەدى، باعالاۋ ولشەمى العاشقى قادامدا ورناتىلادى، مەنشىكتەنۋشىنىڭ ۇقىق - مۇددەسى ءونىمدى قورعالادى، كوشىرىپ پايدالانۋعا، جالپىلاستىرۋعا بولاتىن ءبىر توپ رەفورما تابىسى قالىپتاستىرىلىپ، مەنشىكتەنۋشىنىڭ قىزمەت جاۋاپكەرلىگى جاپپاي ءبىر تۇتاس اتقارىلادى، وزگەرىس ەنگىزىلەدى.
«جوبادا» مىنالار تالاپ ەتىلدى: جەر - جەر، قاتىستى تاراۋلار سىناق ءتۇيىنى قىزمەتىن دەن قويا ۇيىمداستىرۋى، ىلگەرىلەتۋى كەرەك. جاراتىلىستىق بايلىق مينيسترلىگى باستاماشى بولعان تۇيىندە سىناق ەتۋ قىزمەتىنىڭ تاراۋلار ارا سايكەستىرۋ مەحانيزمىن ورناتۋ، تۇيىندە سىناق ەتىلگەن رايوندار سايكەستى سايكەستىرۋ مەحانيزمىن ورناتىپ، قاتىستى قىزمەتتەردى ىلگەرىلەتۋ كەرەك. پارىقتى ىزدەنىس جاساۋعا دەم بەرىپ، بايقالعان ماسەلەلەردى دەر كەزىندە تۇزەتىپ، كەلەلى ىستەرگە بايلانىستى ءتارتىپ بويىنشا پارتيا ورتالىق كوميتەتىنەن، مەملەكەتتىك كەڭەستەن دەر كەزىندە نۇسقاۋ سۇراپ، مالىمەت بەرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
