تۇڭعىش كەزەكتى «سايرام كولى فوتوسۋرەت مەرەكەسى» وتكىزىلدى

حابارىن جازىپ، سۋرەتىن تۇسىرگەن: باقىتبەك ءجۇمادىل ۇلى

2013.06.05 14:22   كەلۋ قاينارى : حالىق تورابى

　　«تاۋ اراسىنداعى مەرۋەرت كول» اتالعان سۇلۋ سايرامنىڭ ءتىلسىم تابيعاتى مەن كوركەم كورىنىسىن الەمگە ايگىلەپ، ساياحات شارۋاشىلىعىن شالقىتۋعا جەبەۋ بولۋدى ماقسات ەتكەن بۇراتالا موڭعۇل اۆتونوميالى وبلىسى جۋىقتا تۇڭعىش كەزەكتى «سايرام كولى فوتوسۋرەت مەرەكەسىن» ۇيىمداستىرىپ وتكىزدى.

　　1-ماۋسىمنان 4-ماۋسىمعا دەيىن جالعاسقان بۇل مەرەكەنىڭ باستالۋ سالتىندا شينحۋا اگەنتتىگى، شينجياڭ فوتوسۋرەتشىلەر قوعامى، شىينجياڭ ساياحاتى جۋرنالى، شيىنجياڭ گازەتىنىڭ فوتوسۋرەت ءبولىمى قاتارلى فوتوسۋرەت جاسامپازدىعىمەن اينالىساتىن كاسىپتىك تاراۋلار مەن بۇراتالا وبلىسىنداعى فوتو اۋەسكەرلەرىنەن بولىپ 60تان ارتىق فوتوسۋرەتشى سايرام كولى ماڭىنداعى كوركەم تابيعات كورىنىسىنىڭ ەرتەلى- كەشكى كوزايىم ساتتەرى جانە سول وڭىردەگى ساياحات تۇيىندەرى مەن مالشىلاردىڭ تىرلىك- تىنىسىنان فوتو تۋىندى جاراتتى.

　　ساياحات مەرەكەسى كەزىندە بۇراتالا وبلىستىق پارتكوم ۇگىت ءبولىمى مەن سايرام كولى كورىنىس وڭىرىن باسقارۋ كوميتەتى ۇيىمداستىرعان «سۇلۋ سايرامنىڭ ءتىلسىم تابيعاتى» اتتى كوركەم فوتوسۋرەت كورگىزبەسى اشىلدى.

　　ماۋسىم ايىنىڭ باسىنان شىلدەنىڭ سوڭىنا دەيىن جالعاساتىن بۇل مەرەكە كەزىندە وبلىس دارەجەلىدەن جوعارى فوتوسۋرەت قوعامدارىنىڭ مۇشەلىك كۋالىگى بار فوتوگرافتار مەن اقپارات تىلشىلەرى سايرام كولى كورىنىس وڭىرىنە تۋىندى جاراتۋ جانە تىلشىلىك جۇمىسپەن كەلسە، سايرام كولى كورىنىس ءوڭىرىن باسقارۋ كوميتەتى ولاردىڭ جاتىپ تۇرۋى، كورىنىس ءوڭىرىنىڭ ەسىك بەلەتى قاتارلى جاقتارىندا تىيىمدىلىك جاسايتىندىعىن جاريالادى.

　　بۇدان بىلاي سايرام كولى كورىنىس ءوڭىرىن باسقارۋ كوميتەتى باس بولىپ، بۇل مەرەكەنى ءار جىلى جالعاستى ۇيىمداسترىپ وتكىزىپ، مەرەكە كەزىندە ەلىمىز ءىشى-سىرتىنداعى فوتوسۋرەتشىلەردىڭ سايرام كولى كورىنىس وڭرىنەن تۇسىرگەن فوتو تۋىندىلارىنان فوتو سۋرەت كورمەسىن اشىپ تاڭداۋلى تۋىندىلاردى سيلاپ وتىراتىن بولدى.

　　اۆتوردىڭ قىزمەت ورنى: ىلە حالىق راديو ستانسياسى

　　كەلۋ قاينارى: حالىق تورابى