لي كىچياڭ جۇڭگو ــ شىعىس وڭتۇستىك ازيا ەلدەرى وداعى باسىشىلارىنىڭ 16-رەتكى ماجىلىسىنە قاتىناستى

2013.10.10 13:06   كەلۋ قاينارى : حالىق تورابى

　　لي كىچياڭ جۇڭگو ــ شىعىس وڭتۇستىك ازيا ەلدەرى وداعى باسىشىلارىنىڭ 16-رەتكى ماجىلىسىنە قاتىناسقان كەزدە، جۇڭگو مەن شىعىس وڭتۇستىك ازيا ەلدەرى وداعىنىڭ ءار سالالى، تەرەڭ ساتىلى، جوعارى ورەلى، جان-جاقتىلى سەلبەستىگىن ىلگەرىلەتىپ، ەكى جاقتىلى قاتىناستىڭ تىڭ داستانىن جازۋدى جەبەۋ كەرەكتىگىن باسا دارىپتەدى.

　　تىلشىلەرىمىز ۋ يۋەجۇن، ۋاڭ حۇيلار 9-قازاندا سەريباندار-بەگاۆان قالاسىنان حابارلايدى. مەملەكەتتىك كەڭەستىڭ زۇڭلي لي كىچياڭ 9-قازان تۇستەن كەيىن برۋنەيدىڭ استاناسى سەريباندار-بەگاۆان قالاسىندا جۇڭگو ــ شىعىس وڭتۇستىك ازيا ەلدەرى وداعى باسشىلارىنىڭ 16-رەتكى ماجىلىسىنە قاتىناستى. ءماجىلىستى لي كىچياڭ مەن برۋنەيدىڭ سۇلتانى حاسسانال بىرلىكتە باسقاردى، ماجىلىسكە شىعىس وڭتۇستىك ازيا وداعىنداعى 10 ەلدىڭ باسشىسى تۇگەل قاتىناستى. ءماجىلىس جۇڭگو ــ شىعىس وڭتۇستىك ازيا ەلدەرى وداعىنىڭ قاتىناسىن تەرەڭدەتۋ جونىندە ىشكەرىلەي تالقى جۇرگىزىپ، سەلبەستىك جۇلگەسى تۋرالى ويلاردى ورتاعا قويىپ، كەڭ ورتاق تانىمعا كەلدى.

　　لي كىچياڭ بىلاي دەدى: جۇڭگو مەن شىعىس وڭتۇستىك ازيا ەلدەرى وداعى ستراتەگيالىق سەرىكتەستىك قاتىناس ورناتقان 10 جىلدان بەرى، ساياسي جاقتاعى ءوزارا سەنىمدىلىگى ۇزدىكسىز تەرەڭدەپ، ناقتىلى ىستەر جونىندەگى سەلبەستىگىنىڭ اياق-الىسى جەدەلدەپ، گۋمانيتارلىق بارىس-كەلىسى كۇن سايىن قويۋلاسىپ، حالىقارالىق فينانس داعدارىسىنىڭ سوققىسىنا توتەپ بەرۋ مەن جاراتىلىستىق اپاتتارعا توتەپ بەرۋ بارىسىندا ءوزارا قول ءۇشىن بەرىپ، اۋىر قىيىنشىلىقتاردى بىرلىكتە جەڭىپ كەلدى. بۇل جۇڭگو مەن شىعىس وڭتۇستىك ازيا ەلدەرى وداعىنىڭ سەلبەستىگى ءارقايسى جاقتاردىڭ ورتاق مۇددەسىنە ۇيلەسەتىندىگىن، بەيبىتشىلىكتى دارىپتەۋ، دامۋ جولىن قاراستىرۋ، سەلبەستىكتى جەبەۋ سىندى ءداۋىر اعىمىنا سايكەسەتىندىگىن تۇسىندىرەدى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى