«شەكسىز مەيىر»كينوسىنىڭ ءىشىنارا كورىنىستەرى ۇرىمجىدە تۇسىرىلۋدە

2013.12.05 14:09   كەلۋ قاينارى : ءتاڭىرتاۋ تورابى

　　التاي ايماعى شىڭگىل اۋدانىنداعى ۇيعۇر انا ءانيپا الىماحۇن نەشە ونداعان جىلداردان بەرى 6 ۇلتتان 19 بالانى اسىراپ، ەرجەتكىزەدى، ونىڭ ىزگى ىستەرى جۇڭگونى اسەرلەندىرىپ، ىلگەرىندى-كەيىندى ورتالىق تەلەۆيزياسى جاعىنان «2009-جىلعى جۇڭگونى اسەرلەندىرگەن ون كەيىپكەر»، «شينجياڭداعى ون ۇزدىك انا»، «مەملەكەتتىك ءمورال ۇلگىسى» سىندى داڭقتارعا يە بولدى. 2013-جىلى، تيانشان كينو ستۋدياسى انيپا انانىڭ اسەرلى اڭگىمەلەرىن ارقاۋ ەتە وتىرىپ، «شەكسىز مەيىر »اتتى كينو ءتۇسىردى. بۇل كينو قازىر سوڭعى قۇراستىرۋ كەزەڭىنە ءوتتى، مەجەمەن كەلەر جىلى مامىردا بۇكىل ەلدەگى كورەرمەندەرمەن جۇزدەسەدى.

　　تيانشان كينو ستۋدياسىنىڭ باستىعى گاۋ حۋاڭگاڭنىڭ تانىستىرۋىنا قاراعاندا، «شەكسىز مەيىر» كينوسى 40 جىلدىق وتكىنشى تاريحتى بەينەلەگەن، ورتا سۋرەتى كوپ، انيپانىڭ ءار ۇلتتان قۇرالعان 19 بالانى اسىراپ الۋى، ولاردىڭ بالا شاعى مەن ەسەيگەن كەزدەرى ەكى كەزەڭگە ءبولىنىپ سۋرەتتەلەدى، مۇندا انيپانىڭ بالالارىن سومداعان ارتيستەردىڭ ءوزى 38 گە جەتەدى، ونىڭ ۇستىنە، 19 بالا ارتيس شەشەلەرىنىڭ قارايلاسۋىنا مۇقتاج بولعان، ارتيستەر شوعىرى بۇرىن بولىپ كورىلمەگەن دەۋگە بولادى. بۇل فيلىمدى جىڭىشكەلىكپەن جاساۋ ءۇشىن، تيانشان كينو ستۋدياسىنىڭ باس جاسامپازدىق ۇيىرمەسى انيپانىڭ ۇيىنە بارىپ، ولاردىڭ تۇرمىسىن كورىپ، سەزىندى. كينو 3-قازاننان باستاپ رەسمي الىنا باستادى. كەزەكتە، شىڭگىل اۋدانىنان تۇسىرىلەتىن سىرتقى كورىنىستەر الىنىپ بولىپ، ويلاعانداي ناتيجەگە جەتتى. قۇراستىرۋ جۇمىستارى بىتكەننەن كەيىن، مولشەرمەن 2014-جىلى مامىردا قويىلادى.

　　«شەكسىز مەيىر» كينوسىنىڭ سەنەرياسىن جازعان يىن جيان، حۋاڭ گاڭ؛ رەجيسسەرى شەريزات ياحۇپ، جاڭ شين؛ وپەراتور جەتەكشىسى گىرتۋ، باقىت ياحۇپ، اسەمونەر جەتەكشىسى جاڭ شياۋچۇن. باستى رولداردا: قۇندىز زايتاش ءانيپا رولىندا، باقتيار ءازيز ءابيبول رولىندا.

　　تومەندە «شەكسىز مەيىر»كينوسىنان الىنعان سۋرەتتەر(سۋرەتتەردى تيانشان كينو ستۋدياسى قامدادى)