بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

«ۇلتتار ادەبيەتى» جۋرنالىنىڭ 2013 – جىلعى ۇزدىك شىعارمالارعا سيلىق تاراتۋ سالتى وتكىزىلدى

قازاق قالامگەرلەرىنەن جايىربەك مۇحامەتحان ۇلى، ءلاززات ورازقان قىزى، جاڭاگۇل قاداي قىزى قاتارلىلار سيلىققا يە بولدى

2013.12.30 14:02   كەلۋ قاينارى : حالىق تورابى



  سيلىق تاراتۋ سالتىنان كورىنىس.

  حالىق تورابى قازاقشا ارناسىنىڭ 30 - جەلتوقساندا بەيجيڭنەن بەرگەن حابارى. «ۇلتتار ادەبيەتى» جۋرنالىنىڭ 2013 - جىلدىق ۇزدىك شىعارمالارعا جانە جۇڭگو از ۇلت جازۋشىلارىنىڭ «مەنىڭ جۇڭگو ارمانىم» اتىنداعى تۋىندى قابىلداۋ قيمىلىندا ۇزدىك باعالانعان شىعارمالارعا سيلىق تاراتۋ سالتى بەيجيڭدە وتكىزىلدى. جۇڭگو جازۋشىلار وداعى پارتگرۋپپاسىنىڭ مۇشەسى، شۋجيچۋىنىڭ شۋجيى باي گىڭشىڭ، جۇڭگو جازۋشىلار وداعى پارتگرۋپپاسىنىڭ بۇرىنعى ورىنباسار شۋجيى، موڭعۇلدىڭ ايگىلى جازۋشىسى مالاچينفۋ، جۇڭگو جازۋشىلار باسپا توبى پارتكومىنىڭ ورىنباسار شۋجيى، باسقارۋ كوميتەتىنىڭ ورىنباسار مەڭگەرۋشىسى اكبار ءماجيت ۇلى جانە گى شياۋجىڭ، «ۇلتتار ادەبيەتى» جۋرنالىنىڭ باس رەداكتورى شى ينيڭ، جۇڭگو ۇلتتار اۋدارما مەكەمەسىنىڭ باستىعى لي جيانحۇي قاتارلىلار سيلىق تاراتۋ سالتىنا قاتىناستى.

  ۇعىسۋعا قاراعاندا، «ۇلتتار ادەبيەتى» جۋرنالىنىڭ 2013 – جىلعى ۇزدىك شىعارمالاردى باعالاۋشىلار كوميسسياسى سىنشى، جازۋشى، رەداكتور، اۋدارماشى بولىپ، جيىنى 22 ادامنان ۇيىمداسىپ، مۇقيات سارالاپ، سوڭىندا بەلەت تاستاۋ تاسىلىمەن «ۇلتتار ادەبيەتى» جۋرنالىنىڭ حانزۋشا، موڭعۇلشا، تيبەتشە، ۇيعۇرشا، قازاقشا، چاۋشيانشا 6 تىلدەگى باسىلىمىنان 23 ۇزدىك شىعارمانى سارالاپ شىققان. جۇڭگو از ۇلت جازۋشىلارىنىڭ «مەنىڭ جۇڭگو ارمانىم» اتىنداعى تۋىندى قابىلداۋ قيمىلىندا 16 ۇلت وكىلدەرىنىڭ 30 شىعارماسى باعالانعان.

  جۇڭگو جازۋشىلار وداعى پارتگرۋپپاسىنىڭ مۇشەسى، شۋجيچۋىنىڭ شۋجيى باڭ گىڭشىڭ جۇڭگو جازۋشىلار وداعى پارگرۋپپاسى مەن شۋجيچۋى اتىنان «ۇلتتار ادەبيەتى» جۋرنالى مەن سيلىققا يە بولعان جازۋشىلاردى قىزۋ قۇتتىقتادى ءارى اۋدارماشىلار مەن رەداكتورلاردىڭ قۇلشىنىستارىنا ريزاشىلىعىن ءبىلدىردى.

  بۇل جولى قازاق قالامگەرلەرىنەن جايىربەك مۇحامەتحان ۇلىنىڭ «قۇلىپتاس ويۋشىنىڭ تاعدىرى» اتتى اۋدارماسى مەن ءلاززات ورازقان قىزى «شىلكارلىك ايەل زاڭزوم» اتتى اۋدارما شىعارماسى جانە جاڭاگۇل قاداي قىزىنىڭ «قوس بارماق قىز» اتتى شىعارماسى سيلاندى. جايىربەك مۇحامەتحان ۇلى بەيجيڭدەگى سيلىق تاراتۋ سالتىنا قاتىناستى.

 

【1】 【2】 【3】 【4】 【5】 【6】 【7】 【8】 【9】 【10】 【11】 【12】 
جاۋاپتى رەداكتورى : نۇرعيسا قۇرمانجان ۇلى

 سۋرەت