«ءبىزدىڭ جۇڭگو ارمانىمىز − ەڭ كوركەم جەر ءدوربىلجىن» اتىنداعى فوتوسۋرەت كورمەسى ۇرىمجىدە اشىلدى

2014.01.16 12:49   كەلۋ قاينارى : ءتاڭىرتاۋ تورابى

اۆتونوميالى رايوندىق مادەنيەت ءۇيىنىڭ باستىعى عۇپىر ءماتىنياز اشىلۋ سالتىن باسقاردى.

　　الىمبەك نۇرالين مەن ىرىسبەك باكەش ۇلى حابارلايدى. ۆتونوميالى رايوندىق مادەنيەت ءۇيى، تارباعاتاي ايماقتىق مادەنيەت ءۇيى باس بولىپ ۇيىمداستىرعان، ءۇرىمجى قالالىق مادنيەت ءۇيى مەن ءدوربىلجىن اۋداندىق مادەنيەت ءۇيى جاۋاپتى بولىپ وتكىزگەن «ءبىزدىڭ جۇڭگو ارمانىمىز − ەڭ كوركەم جەر ءدوربىلجىن» اتىنداعى فوتوسۋرەت كورمەسى 15 - قاڭتار كۇنى ۇرىمجىدە سالتاناتپەن اشىلدى.

　　سالتقا اۆتونوميالى رايوندىق مادەنيەت مەڭگەرمەسىنىڭ شولۋشىسى ما يىڭشىڭ، تارباعاتاي ايماقتىق مادەنيەت ءۇيىنىڭ باستىعى يى جاۋدۇڭ، ءدوربىلجىن اۋداندىق مادەنيەت ءۇيىنىڭ باستىعى، بەيزاتتىق مادەنيەت مۇرالار كەڭسەسىنىڭ مەڭگەرۋشىسى جەڭىسقان ورازموللا ۇلى، ءدوربىلجىن اۋداندىق راديو - تەلەۆيزيا مادەنيەت - دەنە تاربيە مەكەمەسىنىڭ باستىعى راحات شاقان ۇلى، اعا رەداكتور، ايگىلى فوتوگراف، باسپاگەر، اۋدارماشى، جۋرناليست تۇسىپبەك ءسىلامقۇل ۇلى قاتىناستى.

　　بۇل رەتكى كورمەگە ءدوربىلجىن اۋداندىق مادەنيەت ءۇيىنىڭ قىزمەتكەرى، فوتوگراف اكبار ۇركىنباي ۇلىنىڭ فوتوسۋرەتتەرى قويىلىپ، پارتيانىڭ «وسىزامانعى مادەنيەتتى جەتەكشى ەتۋ» سىندى ابزال ساياساتىنىڭ ارقاسىندا، ءدوربىلجىن اۋدانى قول جەتكىزگەن جەمىستى جەتىستىكتەردى شىنايى بەينەلەدى. فوتو سۋرەت كوركەم ادەبيەتتىڭ ءبىر ءتۇرى، ول ەشقانداي ۇلتتىڭ، ءتىلدىڭ شەكتەمەسىنە ۇشىرامايدى. تابيعاتتىڭ تارتىمدى كورىنىسىن قالت جىبەرمەي قاداعالاپ، تابيعاتتىڭ مىڭ بوياۋىن، ءتۇن بوياۋىن دەركەزىندە فوتوعا الىپ ۇلگىرگەن، اكبار ۇركىنباي ۇلىنىڭ فوتوسۋرەتتەرى − ءدوربىلجىن اۋدانىنىڭ كوركەم كورىنىستەرى، تابيعات سۋرەتى، ۇلتتىق ەتنوگرافيا، سونداي - اق، ءداستۇرلى توي مادەنيەتى فوتولارىن قامتىپ، قازاق حالقىنىڭ تىنىستى تىرشىلىگىن، ءار قىرىنان بەينەلەپ، اسا شەبەرلىك تانىتادى.