وڭتۇستىك كورەيادا دەمالىس ورنىنداعى سپورت سارايىنىڭ توبەسى ءتۇسىپ كەتىپ، 10 ادام قازا بولدى

2014.02.18 13:29   كەلۋ قاينارى : حالىق تورابى

　　ءتىلشىمىز حۋاڭ حاييان 18 – اقپاندا سەۋلدەن حابارلايدى. 17 – اقپان تۇستەن كەيىن ساعات 9دان 6 مينۋت وتكەندە (وڭتۇستىك كورەيا ۋاقىتى) وڭتۇستىك كورەيانىڭ گيوڭجۋ قالاسىنداعى دەمالىس ورنىنىڭ سپورت سارايىندا بۋسان شەتەل ءتىلى ۋنيۆەرسيتەتىنىڭ جاڭا وقۋشىلاردى قارسى الۋ جينالىسى وتكىزىلىپ جاتقاندا سارايدىڭ توبەسى ءتۇسىپ كەتىپ، شىرعالاڭدا 9 ستۋدەنت پەن قيمىلدى ۇيىمداستىرعان سەرىكتىكتىڭ ءبىر قىزمەتكەرى قازا بولىپ، 100دەن استام ادام جارالانعان.

　　وڭتۇستىك كورەيا بىرلەسپە اگەنتتىگىنىڭ حابارلاۋىنشا، بۇل رەتكى شىرعالاڭدا جيىنى 113 وقۋشى زيانعا ۇشىراعان، مۇندا 3 وقۋشىنىڭ ءولى – تىرىسىنەن ءالى حابار جوق، قيراندىنىڭ استىندا ءالى قامالىپ جاتقان بولۋى مۇمكىن. مۇنان سىرت، قيمىلدى ۇيىمداستىرعان سەرىكتىكتىڭ 11 قىزمەتكەرىمەن دە بايلانىس ءۇزىلىپ قالعان.

　　حابارعا قاراعاندا، بۇل سپورت سارايىنىڭ كولەمى 990 تەكشە مەتر. سپورت سارايىنىڭ توبەسى نەشە كۇننەن بەرى جاۋعان قالىڭ قاردىڭ سالماعىن كوتەرە الماعاندىقتان، وسىنداي شىرعالاڭ تۋىلعان بولۋى مۇمكىن. قازىر ىزدەستىرۋ - قۇتقارۋ جۇمىسى جالعاستى اتقارىلۋدا.

　　كەلۋ قاينارى: حالىق تورابى