شينجياڭ شۋاڭحى قالاسى رەسمي قۇرىلدى

2014.02.27 13:22   كەلۋ قاينارى : حالىق تورابى

　　شينجياڭ ءوندىرىس – قۇرىلىس بيڭتۋانىنىڭ ساياسي كوميسسارى چى جۇن (وڭدا) مەن شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى شاۋكەت يمين 26 – اقپاندا وتكىزىلگەن ۋيۆەسكا ءىلۋ سالتىنا قاتىناستى. سول كۇنى شينجياڭ ۇيعۇر اۆتونوميالى رايونى شۋاڭحى قالاسى رەسمي قۇرىلدى. 2014 – جىلى قاڭتاردا مەملەكەتتىك كەڭەس شينجياڭ ۇيعۇر اۆتونوميالى رايونى بۇراتالا موڭعۇل اۆتونوميالى وبلىسىندا اۋدان دارەجەلى شۋاڭحى قالاسىن قۇرۋدى ماقۇلداپ، اتالعان قالا شينجياڭ ءوندىرىس – قۇرىلىس بيڭتۋانى 5 – ديۆيزياسىنىڭ باسقارۋىنا قارايتىن بولدى. شۋاڭحى قالاسى شينجياڭ ءوندىرىس – قۇرىلىس بيڭتۋانى قۇرىلعان 60 جىلدان بەرى، شىحىزى، ۋجياچۇي، ارال، تۇمسىق، بەيتۇن، تيەمىنگۋان قاتارلى قالالاردان كەيىن جەتىنشى بولىپ قۇرىلعان قالا. جاڭا قۇرىلعان شۋاڭحى قالاسى مەملەكەتتىك 1 – دارەجەلى وتكەل ــ الاتاۋ ساعاسى وتكەلىنەن تەك 51 كيلومەتر عانا قاشىقتىقتا، بۇراتالا، الاتاۋ ساعاسى قالالارىمەن بىرلىكتە اتالعان وڭىردەگى ەكونوميكالىق «التىن اتىراۋدى» جانە شەكارا وڭىردەگى قالا شوعىرىن قالىپتاستىرادى. شينحۋا اگەنتتىگىنىڭ ءتىلشىسى

　　كەلۋ قاينارى: حالىق تورابى