ۋكراينادا رەسەيدى قولداۋشىلار ۇيىمداستىرعان قارسىلىق قيمىلدىڭ سوڭى قاقتىعىسقا ۇلاستى

2014.03.03 13:45   كەلۋ قاينارى : حالىق تورابى

　　ۋكراينانىڭ شىعىسىنداعى حاركوۆ قالاسىندا جەرگىلىكتى ۋاقىت بويىنشا 1 – ناۋرىزدا رەسەيدى قولداۋشىلار قارسىلىق قيمىل ۇيىمداستىردى، قارسىلىق قيمىل باستالعان سوڭ كوپ وتپەي قاقتىعىس تۋىلدى، ەرەۋىلشىلەر جەرگىلىكتى ۇكىمەت عيماراتىنا باسىپ كىرمەك بولدى، قاقتىعىستا نەشە ون ادام جارالاندى.

　　حابارعا قاراعاندا، ۇزىن سانى 20 مىڭ اينالاسىنداعى ەرەۋىلشىلەر حاركوۆ قالاسىندا رەسەيدى قولداۋ قيمىلىن وتكىزدى، ەرەۋىلشىلەر بيلىك باسىنا جاڭا شىققان ۋكراينا جاڭا ۇكىمەتىنە قارسىلىق ءبىلدىردى، ىلە – شالا 300دەي ادام جەرگىلىكتى ۇكىمەت عيماراتىنا شابۋىل جاسادى، ەرەۋىلشىلەر تاس جانە گراناتتاردى لاقتىردى.

　　مۇنان سىرت، «بۇگىنگى رەسەي» تەلەۆيزياسىنىڭ حابارلاۋىنشا، ەرەۋىلشىلەر ۇكىمەت عيماراتىنا باسىپ كىرگەن ءارى قولدارىنا رەسەيدىڭ تۋىن ۇستاعان. تاعى ءبىر حابارعا قاراعاندا، قازىرگە دەيىن ۋكراينانىڭ مەليتوپول، ەۆپاتوريا جانە ماريۋپول قاتارلى قالالارىندا دا بىرەۋلەر رەسەيگە قولداۋ ءبىلدىرۋ ءۇشىن رەسەيدىڭ تۋىن كوتەرىپ شىققان.

　　كەلۋ قاينارى: حالىق تورابى