بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

قىرىم ۋكراينادان تاۋەلسىزدىگىن جاريالادى

2014.03.18 14:18   كەلۋ قاينارى : حالىق تورابى



  شينحۋا اگەنتتىگىنىڭ 17 – ناۋرىزدا ۋكراينانىڭ سيمپەروپول قالاسىنان بەرگەن حابارى. ۋكراينا قىرىم اۆتونوميالى رەسپۋبليكاسى پارلامەنتى 17 – ناۋرىزدا قىرىمنىڭ تاۋەلسىزدىك جاريالاپ ەگەمەندى ەل بولۋى، مەملەكەت اتىن قىرىم رەسپۋبليكاسى دەپ اتاۋى جونىندە قاۋلى شىعاردى. وسى كۇنى 100 ورىننان قۇرالعان قىرىم پارلامەنتىنىڭ 85 مۇشەسى داۋىس بەرۋگە قاتىناستى، قاۋلىنى داۋىس بەرۋگە قاتىناسقان بارلىق ادام قۇپتادى. قىرىم پارلامەنتى تاعى رەسەي فەدەراتسياسىنا جاڭا اۆتونوميالىق تۇلعا رەتىندە رەسەي فەدەراتسياسىنىڭ قۇرامىنا ەنۋ جونىندە ۇسىنىس بەردى. قىرىم پارلامەنتى سونىمەن بىرگە سول كۇننەن باستاپ قىرىم تۇبەگىندەگى بارلىق ۇكىمەت قۇرىلىمدارىنىڭ قىرىم رەسپۋبليكاسىنا بيلىك پەن قۇرىلعىلاردى وتكىزىپ بەرۋى جونىندە قاۋلى شىعاردى. پارلامەنتتىڭ اقپارات باسقارماسى جاريالاعان حاباردا قىرىم رەسپۋبليكاسى تەڭدىك، بەيبىتشىلىك، دوستىق نەگىزىندە باسقا ەلدەرمەن قاتىناس ورناتۋدى قالايدى دەلىنگەن.

  ۋكراينا قىرىم اۆتونوميالى رەسپۋبليكاسى 16 – ناۋرىزدا وزدەرىنىڭ ورنى جونىندە جالپى حالىقتىق داۋىس بەردى. جالپى حالىقتىق داۋىس بەرۋگە دايىندالۋ جانە ونى اتقارۋ كوميسسياسىنىڭ ءتوراعاسى ماليشەۆ 17 – ناۋرىزدا جالپى حالىقتىق داۋىس بەرۋدەگى داۋىس بەلەتىن ساناۋ ناتيجەسىنە نەگىزدەلگەندە قىرىم تۇبەگىندەگى داۋىس بەرۋشىلەردىڭ %96تەن استامى قىرىمنىڭ رەسەيگە قوسىلۋىن قۇپتادى، - دەدى. (تىلشىلەر: لۋ جيڭلي، ي گاۋچاۋ)

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : نۇرعيسا قۇرمانجان ۇلى

 سۋرەت