الماتى حالىقارالىق كىتاپ كورگىزبەسى

2014.05.30 11:41   كەلۋ قاينارى : حالىق تورابى

　　حالىق تورابىنىڭ قازاقشا ارناسىنىڭ 30 – مامىردا بەرگەن حابارى. الماتى حالىقارالىق كىتاپ كورگىزبەسى ءال فارابي اتىنداعى قازاقستان ۇلتتىق ۋنيۆەرسيتەتىنىڭ ادەبيەت فاكۋلتەتى اتالعان ۋنيۆەرسيتەتتىڭ قۇرىلعاندىعىنىڭ 70 جىلدىعىنا بايلانىستى ۇيىمداستىرعان بولىپ، 29، 30 – مامىر كۇنى الماتى قالاسىندا وتكىزىلدى. بۇل جولعى حالىقارالىق كىتاپ كورگىزبەسىنە جۇڭگو، تۇركيا، يران قاتارلى كوپتەگەن مەملەكەتتەردەن باسپا سالاسىنداعى ۋاكىلدىك ورىندار كەلىپ قاتىناستى.

　　ۇلتتار باسپاسى كورگىزبەدە توردەن ورىن الىپ، كورگىزبەنىڭ ءدال ورتاسىنان جايعاستى. مۇحتار شاقانوۆ الىستان ات شارشاتىپ كەلگەن ۇلتتار باسپاسىنىڭ جاقىنعى جىلداردان بەرگى شىعارعان ادەبي باسىلىمدارىنا كوز تىكتى ءارى جوعارى باعا بەردى، سونىمەن قاتار ۇلتتار باسپاسىنان كەلگەن قىزمەتكەرلەرمەن شنايى تۇردە اڭگىمەلەستى.

　　ءال فارابي اتىنداعى قازاقستان ۇلتتىق ۋنيۆەرسيتەتىنىڭ تاريح فاكۋلتەتىنىڭ پروفەسسورى مەن قازاقستان قوعامدىق عىلىمدار اكادەمياسىنىڭ باسشىلارى ۇلتتار باسپاسىنان شىققان تاريحي باسىلىمدارعا قىزعىندىلىق تانىتتى. ۇلتتار باسپاسى اتالعان ۋنيۆەرسيتەتتىڭ كىتاپحاناسىنا كىتاپ ۇسىندى ءارى ەكى جاق ىشكەرلەي ىستەستىك ورناتۋ تۋرالى العاشقى بەكىمگە كەلدى.

　　بۇل رەت ۇلتتار باسپاسى قازاق ءتىلى، كورەيءتىلى، موڭعۇل ءتىلى، تيبەت ءتىلى، حانزۋ ءتىلى، ۇيعۇر ءتىلى بولىپ، التى تىلدە ادەبي باسىلىمدار مەن دىبىس – كەسكىن ماتەريالدارىن كورگىزبەگە الىپ كەلدى. كورگىزبەگە كەلگەن قوناقتار مەن وقىرماندار ۇلتتار باسپاسىنىڭ بۇل كىتاپتارىنا جوعارى باعا بەرىپ، وزدەرى ۇناتقان باسىلىمدار جونىندە قىزمەتكەرلەرمەن پىكىر الماستىردى. اتالعان ۋنيۆەرسيتەتتە كورەي ءتىلىن وقىپ جاتقان ستۋدەنتتەر كورەي تىلىندەگى باسىلىمدارعا وتە قىزۋ ىنتا تانىتىپ، باسىلىمداردىڭ ساپاسى مەن باعا جاعىنداعى ارتىقشىلىعىن تىلگە تيەك ەتتى.

　　كەلۋ قاينارى: حالىق تورابى