اپتا ارقاۋى: ەمتيحاندا ولكە اتتاپ قارالىق ىستەگەندەردىڭ ءشيى شىقتى

2014.05.30 14:50  

　　ليۋ XX 24 – مامىردا چىڭدۋداعى ءبىر ەمتيحان ورنىندا قۇرىلىس باقىلاۋ كاسىبىنىڭ ەمتيحانىنا قاتىناستى. سول كۇنى سىچۋان ولكەسىندە 170 مىڭ وقۋشى بۇكىل مەملەكەتتىك كاسىپتىك تەحنيكالىق تولىمدىلىق ەمتيحانىنا قاتىناستى، بۇل ءبىر جىل ىشىندەگى ەڭ ىقپالدى ەمتيحانداردىڭ ءبىرى.

　　ەمتيحانعا جاۋاپ بەرمەي جاتىپ – اق، ونى ەمتيحان باقىلاۋشى نازارىنا الدى. تەكسەرۋ ارقىلى ول كيگەن قارا ءتۇستى شولاق جەڭ مايكىنىڭ ىشىندە جاسىرىنىپ جاتقان قۇپيالىق اشكەرە بولدى. ول بەلىنە ءبىر قولفون بايلاپ، قۇلاعىنا ناۋشنيك جاسىرىپ العان ەكەن.

　　سول كۇنى وسىلاي بەلىنە قولفون جاسىرىپ، ناۋشنيكتىڭ سىمىن كيىمنىڭ ىشىمەن وتكىزىپ، وسى ارقىلى ەمتيحاندا قارالىق ىستەمەك بولعان 40تان استام ادامنىڭ شيكىلىگى شىعىپ قالعان. تەكسەرۋگە قاراعاندا بۇل قارالىق ىستەۋشىلەردىڭ بارلىعى شاڭحايدان كەلگەن، ولار قارالىق ىستەۋدە تەلەفون ءماجىلىسى ورتالىعىنىڭ قىزمەتىنە پايدالانعان. قارالىق ىستەۋدە جاڭا تەحنيكالاردى قولدانۋدان سىرت، ولكە اتتاپ قارالىق ىستەۋ دە «اعىمعا» اينالىپ بارا جاتقان ءتارىزدى.

　　كەلۋ قاينارى: حالىق تورابى