پاكيستاندا اۋەجاي شابۋىلعا ۇشىراپ، 23 ادام قازا بولدى

2014.06.09 16:51   كەلۋ قاينارى : حالىق تورابى

　　شينحۋا تورابى، 9 – ماۋسىم، يسلاماباد. پاكيستان ارميا جاعىنىڭ مالىمدمەشىسىنىڭ 9 – ماۋسىمدا ايتۋىنشا، 8 – ماۋسىم ءتۇن ىشىندە كاراچي جينناح حالىقارالىق اۋەجايى سالاۋاتى بەلگىسىز قارۋلى ەلەمەنتتەردىڭ شابۋىلىنا ۇشىراپ، شابۋىلداۋشىلاردى قامتىعان 23 ادام قازا بولعان.

　　ارميا جاقتىڭ مالىمدەمەشىسى اسىم باگەۆانىڭ تۇيتتەردە ايتۋىنشا، ارميا جاق، ارميا جاق، اۋەجايداعى حاۋىپسىزدىك قوسىندارى جانە ساقشى جاقتىڭ بىرلەسە ارەكەتتەنۋىندە اۋەجاي وڭىرىندەگى قارۋلى ەلەمەنتتەر تازالانىپ، اۋەجايدىڭ نەگىزگى مۇلكى امان قورعالعان.

　　پاكيستان زۇڭلي كەڭسەسىنىڭ مالىمدەمەشىسىنىڭ ايتۋىنشا، 8 – ماۋسىم تۇنگى ساعات 23تەن 20 مينۋت اينالاسىندا، بۇكىلدەي قارۋلانعان 10 ادام كاراچيداعى جينناح حالىقارالىق اۋەجايىنا باسا كوكتەي كىرگەن. جەرگىلىكتى مەديالاردىڭ حابارلاۋىنشا، قارۋلى ەلەمەنتتەر 2 ۇشاقتى ورتەپ جىبەرگەن ءارى تاعى 4 ۇشاققا وق اتقان. پاكيستان ساقشى جاعىمەن بولعان اتىستا 8 قارۋلى ەلەمەنت وققا ۇشقان، 2 قارۋلى ەلەمەنت دەنەسىندەگى قوپارعىش ءدارىنى پارتىلاتقان.

　　كەلۋ قاينارى: حالىق تورابى