اپتا ارقاۋى: شي جينپيڭ ينديا دۇنيە ىستەرى كوميتەتىندە ماڭىزدى لەكسيا جاسادى

2014.09.19 14:58  

　　شي جينپيڭ مىنالاردى باسا دارىپتەدى: جۇڭگو مەن ينديا دامۋ جاعىندا اناعۇرلىم ەتەنە بولاتىن، سەلبەسۋ جاعىندا باستاماشىلىق رول اتقاراتىن، ستراتەگيالىق جاقتا سايكەسەتىن الەمدىك ارىپتەستەردەن بولىپ، ۇلتتىڭ گۇلدەنۋى سىندى ۇلى ارمانعا تىزە قوسا تالپىنىپ، وڭتۇستىك ازيانىڭ دامۋى ءۇشىن اناعۇرلىم زور ەڭبەكتەر ءسىڭىرۋ كەرەك

　　تىلشىلەرىمىز دۋ شاڭزى، لۇي پىڭفيلەر 18 – قىركۇيەكتە جاڭا دەليدەن حابارلايدى. مەملەكەت ءتوراعاسى شي جينپيڭ 18 – قىركۇيەكتە ينديا دۇنيە ىستەرى كوميتەتىندە «ۇلتتىڭ ۇلى گۇلدەنۋى سىندى ۇلى ارمانعا تىزە قوسا تالپىنايىق» دەگەن تاقىرىپتا ماڭىزدى لەكسيا جاسادى. شي جينپيڭ جۇڭگو مەن ينديانىڭ دوستىق سەلبەستىگىن بايانداي كەلىپ، جۇڭگو مەن ينديانىڭ دامۋ جاعىندا اناعۇرلىم ەتەنە بولاتىن، سەلبەسۋ جاعىندا باستاماشىلىق رول اتقاراتىن، ستراتەگيالىق جاقتا سايكەسەتىن الەمدىك ارىپتەستەردەن بولۋى كەرەكتىگىن باسا دارىپتەدى. شي جينپيڭ جۇڭگونىڭ دامۋ نىساناسىن تانىستىرىپ، جۇڭگونىڭ بەيبىت دامۋ جولىن بايانداپ، جۇڭگو مەن وڭتۇستىك ازيانىڭ سەلبەسۋ بولاشاعى جونىندە وي تولعاپ، جۇڭگونىڭ وڭتۇستىك ازياداعى ەلدەرمەن تاتۋ – ءتاتتى بىرگە جاساسىپ، وڭتۇستىك ازيا رايونىنىڭ دامۋى ءۇشىن زور ەڭبەكتەر ءسىڭىرۋدى قالايتىندىعىن ءبىلدىردى.

　　جەرگىلىكتى ۋاقىت تۇستەن كەيىن ساعات 4 تەن 30 مينۋت وتكەندە شي جينپيڭ ينديانىڭ ورىنباسار زۇڭليى انساريدىڭ سەرىك بولۋىندا لەكسيا جاساۋ زالىنا كىرگەندە بۇكىل زالداعىلار ورىندارىنان تۇرىپ قارسى الدى. قىزۋ شاپالاق ءۇنى ىشىندە شي جينپيڭ لەكسيا جاسادى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى