شىمكەنتتەگى كيىز ءۇي فورماسىنداعى مەشىت

2014.09.17 14:11   كەلۋ قاينارى : حالىق تورابى

　　حالىق تورابى، ءوز ءتىلشىمىز نۇرعيسا قۇرمانجان ۇلىنىڭ 16 - قىركۇيەكتە شىمكەنتتەن بەرگەن حابارى. مەشىت مۇسىلمان قاۋىمنىڭ ناماز وقيتىن ورنى، مەشىت سالۋ مۇسىلمانداردىڭ قاسيەتتى ءدىنني بورىشى مەن ىقىلاستى سەنىمىن ايگىلەۋىنىڭ ايعاعى ەسەپتەلەدى. حالىق تورابى «جاڭا جىبەك جولىنا ساپار» اتىنداعى تىلشىلەر گرۋپپاسىنداعىلار ورتا ازياداعى ساپارى بارىسىندا، ءارتۇرلى مەشىتتەردى تاماشالادى، بۇل مەشىت قۇرىلىستارى ءىسلام قۇرىلىس ۇلگىسى مەن ءداستۇرلى ۇلتتىق قۇرىلىس ۇلگىلەرىن ۇشتاستىرۋمەن بىرگە، جاڭاشا قۇرىلىس ۇلگىلەرىنەن باتىلدىقپەن پايدالانىپ، وسىزامانعى قۇرىلىس ۇلگىلەرىنىڭ الۋان تۇرلىلىگىن ايگىلەگەن.

　　قازاقستانداعى شىمكەنت قالاسى تاريحتا جىبەك جولىنىڭ بويىنداعى ماڭىزدى قالالاردىڭ ءبىرى بولعان، قازىر دە قازاقستاننىڭ وڭتۇستىگىندەگى ماڭىزدى قالا. بۇل قالاداعى ەڭ ۇلكەن مەشىت ــ «وبلىس ورتالىعى مەشىتى». بۇل مەشىتتىڭ سىرتقى فورماسى مەن ىشكى قۇرىلىسى قازاقتىڭ كيىز ءۇي فورماسىندا سالىنعان بولىپ، قابىرعالارى مەن مەشىتتىڭ توبەسى قازاقتىڭ ويۋ – ورنەكتەرىمەن ناقىشتالعان. بۇل مەشىت 2007 – جىلى سالىنىپ، 2013 – جىلدان باستاپ رەسمي پايدالانىلعان، مەشىتكە 5000 ادام سيادى، مەشتتە جيىن زالى، ناماز وقۋ زالى، بۇدان سىرت 1000 اۆتوكولىك توقتايتىن الاڭى بار.

　　ۇعىسۋعا قاراعاندا، وڭتۇستىك قازاقستاندا 800گە تاياۋ مەشىت بار بولىپ، شىمكەنتتەگى مەشىت ەڭ سوڭعى ىسكە قوسىلعان مەشىتتەردىڭ ءبىرى، بۇل مەشىتتىڭ جالپى جەر اۋدانى 2.69 گەكتار، قۇرىلىس اۋماعى 8000 شارشى مەتر بولىپ، مەشتتى سالۋعا جيىنى ءبىر ميلليارد 600 ميلليون تەڭگە جۇمسالعان.

　　كەلۋ قاينارى: حالىق تورابى