لي كىچياڭ زۇڭلي تيانجين قالالىق بينحاي جاڭا رايونىنىڭ اكىمشىلىك تەكسەرىپ بەكىتۋ مەكەمەسىنە تەكسەرۋ جۇرگىزگەن كەزدە اكىمشىلىك تەكسەرىپ بەكىتۋدىڭ 109 ءمور تاڭباسىنىڭ پەچەتتەۋگە الىنعاندىعىنىڭ كۋاگەرى بولدى

2014.09.15 17:00   كەلۋ قاينارى : حالىق تورابى

　　شينحۋا تورابىنىڭ 12-قىركۇيەكتە بەيجيڭنەن بەرگەن حابارى. شينحۋا اگەنتتىگىنىڭ «شينحۋا شولۋى» اتتى ميكرو بلوگىنىڭ حابارىنان، لي كىچياڭ زۇڭلي 11-قىركۇيەكتە تيانجين قالالىق بينحاي جاڭا رايونىنىڭ اكىمشىلىك تەكسەرىپ بەكىتۋ مەكەمەسىنە تەكسەرۋ جۇرگىزدى.

　　اكىمشىلىك ىقشامدالىپ، ۇقىق تومەنگە تۇسىرىلگەننەن كەيىنگى كەزىندە ۇقىق شەگى بار 109 ءمور تاڭبانىڭ ورنىن باسقا ءبىر ءمور تاڭبا باسقانىن كورگەندە ول كۇشىنەن قالعان ءبىر ءمور تاڭبانى قولىنا الىپ تۇرىپ، «بۇل شىمىر جاسالعان تاڭبا كەزىندە قانشاما ادامداردىڭ ىسىنە توسالعى بولدى دەسەڭشى!» دەدى. ونىڭ كۋا بولۋىمەن 109 ءمور تاڭباسى ماڭگىلىك پەچەتتەۋگە الىندى. زۇڭلي پەچەتتەۋگە الىنعان بۇل تاڭبالاردى ەندىگارى اشپاۋدى، ولاردى ءبىر جولاتا تاريحقا اينالدىرۋدى ەرەكشە تاپسىردى.

　　لي كىچياڭ زۇڭلي تيانجين قالالىق بينحاي جاڭا رايونىنىڭ اكىمشىلىك تەكسەرىپ بەكىتۋ رايونىن كوزدەن كەشىرگەن كەزدە، ۇسىنىس بويىنشا اكىمشىلىك تەكسەرىپ بەكىتۋشى قىزمەتكەرلەرمەن بىرلىكتە حالىق باسقارۋىنداعى ءبىر ەمدەۋ قۇرىلىمىنىڭ تيجارات جۇرگىزۋ كۋالىگىنە ءمور تاڭبا باستى. ول: «ەلىمىزدىڭ ەمدەۋ قۇرىلىمدارىن، ەمدەلۋگە قىزمەت وتەۋىن، ەمدەۋ بايلىعىن بۇقارانىڭ قاجەتىمەن سالىستىرعاندا ءالى دە تىم كوپتەگەن الشاقتىقتار بار، سوندىقتان حالىق باسقارۋىنداعى قۇرىلىمدار وسى ولقىلىقتاردى تولىقتاپ، ەمدەلۋگە قىزمەت وتەۋدىڭ كوپ ساتىلى بازارىن جانداندىرۋلارى ءتيىس» دەدى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى