تەڭگەنىڭ بەتىنە سۋرەتى باسىلعان قازاقستان قۇرىلىستارى

2014.10.09 15:48   كەلۋ قاينارى : حالىق تورابى

　　بايتەرەكتىڭ تۇنگى كورىنىسى

　　حالىق تورابى، 16 – قىركۇيەك، بۇحارا. (نۇرعيسا قۇرمانجان ۇلى) الەمدەگى كوپتەگەن ەلدەردىڭ اقشالارىنىڭ بەتىنە سول ەلدىڭ ۋاكىلدىك سيپات الاتىن قۇرىلىستارى مەن ايگىلى ادامدارىنىڭ سۋرەتى باسىلادى. قازاقستان تەڭگەسىنىڭ بەتىنە استانا مەن الماتىداعى اسەم قۇرىلىستاردىڭ سۋرەتى باسىلعان، ءتىلشى قازاقستانداعى ساپارى بارىسىندا تەڭگەنىڭ بەتىنە سۋرەتى باسىلعان قۇرىلىستاردى ارنايى فوتوعا ءتۇسىرىپ قايتتى.

　　ءبىرىنشى رەت باسىلعان تەڭگە 1993 – جىلى قاراشادا رەسەي رۋبليىنىڭ ورنىن باستى. ول كەزدە قازاقستان تەڭگەسىنىڭ وڭ تەرىس بەتىنە ءابۋ - ءناسىر ءال - فارابي قاتارلى قازاقستاننىڭ ايگىلى ادامدارىنىڭ بەينەسى باسىلعان. ەكىنشى رەتكى باسىلعان تەڭگە 2006 – جىلى 15 – قاراشادا تاراتىلدى، بۇل تەڭگەنىڭ وڭ بەتىنە بايتەرەك، قازاقستان قوناق ءۇيى، زۇڭتۇڭ سارايى، تاۋەلسىزدىك مونۋمەنتى، بەيبىتشىلىك سارايى، حان شاتىر قاتارلى قۇرىلىستاردىڭ سۋرەتى باسىلعان.

　　تەڭگەگە جالعان جاساۋدان ساقتانۋدىڭ جوعارى تەحنيكاسى پايدالانىلعان، حابارعا قاراعاندا، ا ق ش «بۇقارالىق عىلىم» جۋرنالىنىڭ تورابى 2012 – جىلى جالعان جاساۋ ەڭ قيىن 7 ءتۇرلى قاعاز اقشانى باعالاپ شىققان، مۇندا قازاقستاننىڭ ون مىڭ تەڭگەلىك اقشاسى ءبىرىنشى ورىنعا تابان تىرەگەن. وسى سوماداعى تەڭگەگە حاۋىپسىزدىك تالشىعى ىستەتىلگەن، بۇل تالشىق اقشانىڭ ەكى بەتىنەن دە كورىنەدى، وندا ەرەكشە بەلگى بار ءارى ءمولدىر كەلەدى، مۇنداي حاۋىپسىزدىك تالشىعى پايدالانىلعان قاعاز اقشانى جالعاننان جاساۋ ەڭ قيىن.

　　كەلۋ قاينارى: حالىق تورابى