- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۋرىلتوعاي اۋداندىق 1-ورتا مەكتەپ 1-جىلدىعىندا وقيتىن وتباسى قيىنشىلىعى اۋىر 3 وقۋشىعا كومەك قاراجات ۇسىندى
2014.10.09 15:44 كەلۋ قاينارى : شينجياڭ حالىق راديو ستانسياسى تورابى
پارتيانىڭ بۇقارالىق لۋشيان تاربيەسى مەن ءامالياتتىق قيمىلى جاپپاي ورىستەتىلگەن بۇگىنگى كۇندە، حالىق ءۇشىن قالتىقىسىز قىزمەت ەتىپ، «ءبىر جاق قيىنشىلىققا جولىققاندا كوپ بولىپ كومەكتەسەتىن» جۇڭحۋا ۇلتتارىنىڭ وسكەلەڭ ءمورالى مەن اسقاق ادامگەرشىلىك اسىل قاسيەتىن ءار كەز ءامالي ارەكەتى ارقىلى ايگىلەپ، اجالىنا اراشاشى، اۋرۋىنا مەدەت بولىپ كەلە جاتقان بۋرىلتوعاي اۋدانى اردا اۋىلىنىڭ پەنسيونەرى «مەملەكەتتىك 1-مامىر ەڭبەك وردەنىنىڭ» يەگەرى ءماۋىلشارىپ قاپا ۇلى جاڭا وقۋ ماۋسىمى ەندى عانا باستالعان قوڭىر كۇزدە بۋرىلتوعاي اۋداندىق 1-ورتا مەكتەپ 1-جىلدىعىندا وقيتىن وتباسى قيىنشىلىعى اۋىر 3 وقۋشىعا ءوز جانىنان ءبىر مىڭ 800 يۋان كومەك قاراجات ۇسىنىپ، ولاردىڭ الاڭسىز ءبىلىم الۋىنا دەم بەردى.
قاراپايىم مالشى وتباسىندا دۇنيەگە كەلىپ، قاراپايىم حالىق ورتاسىندا تابانى كۇرەكتەي 40 جىل قىزمەت ەتكەن ءماۋىلشارىپ شيپاگەر حالىقپەن تىنىستاس، تاعدىرلاس بولىپ كەتكەن. قازىر دەمالىستا بولسا دا، جەكەلىك ءۇيىنىڭ ءبىر بولمەسىن «ەمحانا» تاعى ءبىر بولمەسىن «ءدارىحانا» ەتىپ پايدالانىپ، باسى اۋىرىپ، بالتىرى سىزداعان تالاي جانعا مەدەت بەرىپ، دۇيىم جۇرتتىڭ القاۋى مەن العىسىن الىپ كەلەدى. جىعىلعاندى سۇيەپ، جىلاعاندى ۋاتىپ، جەتىم جەسىرلەر مەن جوق-جىتىكتەرگە قول ۇشىن بەرۋ ول كىسىنىڭ قاسيەتتى بويتۇمارى ەدى. قازىرگە دەيىن، ەل ىشىندەگى تابيعي اپاتتار مەن قيىنشىلىق قىسپاعىندا قالعاندارعا اتاعان كومەك اقشاسى 200 مىڭ يۋاننان اسسا، قازاق شيپاگەرلىك سالاسىنا قوسقان ەسەلى ەڭبەگى ءوز الدىنا ءبىر توبە. «جۇڭگو ايگىلى ادامدارىنىڭ كورنەكتى سيلىعىن» العان ول بىلتىر عانا رەسەيدە اشىلعان «حالىقارالىق قازاق شيپاگەرلىگىن زەرتتەۋ عىلىمي تالقى ماجىلسىنە» ارناۋلى ۇسىنىسپەن قاتىناسقان بولاتىن. وسى رەت مەكتەپ باسشىلارىمەن الدىن الا حابارلاسىپ، ءبىر قازاق، ەكى حانزۋ وقۋشىنىڭ ورتا مەكتەپ بىتىرگەنگە دەيىن ءار ماۋسىمىنا، جەكە-جەكە 600 يۋاننان كومەك اقشا بەرىپ تۇراتىنىن ءبىلدىردى. بۇل كۇندەرى ءماۋىلشارىپتىڭ كومەگىندە وقىپ جاتقان وقۋشىلارىنىڭ سانى نەشە ونعا جەتەتىندىگىنە حالىق كۋا!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
