جايىربەك مۇحامەتحان ۇلى

2014.10.13 15:27   كەلۋ قاينارى : حالىق تورابى

　　1966-جىلى شينجياڭنىڭ نىلقى اۋدانىندا تۋىلعان، 1983-جىلى شينجياڭ ۋنيۆەرسيتەتىنىڭ ادەبيەت فاكۋلتەتىندە قازاق ادەبيەتى ماماندىعى بويىنشا وقۋ بىتىرگەن. 2011-جىلى لۋشۇن ادەبيەت ينستيتۋتىندا ورتا جاس، جاس جازۋشىلاردىڭ 16-كەزەكتى جوعارى دارەجەلى زەرتتەۋ-تالقى كۋرسىندا وقىعان. 1988-جىلدان قازىرگە دەيىن «شينجياڭ گازەتى» قازاق رەداكسياسىندا اۋدارماشى، رەداكتور، ءتىلشى بولىپ، جۇمىس جاساپ كەلەدى. تەتە اعا رەداكتور، جۇڭگو از ۇلت جازۋشىلارى ءىلمي قوعامىنىڭ، شينجياڭ جازۋشىلار، اۋدارماشىلار، اقپاراتشىلار قوعامىنىڭ مۇشەسى. «جانىمنىڭ جارىعى» اتتى ولەڭدەر جيناعى، «ءتىل−تىنىس، ءسوز− ىرىس» اتتى ماقالالار كىتابى باسىلعان. «شينجياڭ ەنتسيكلوپەدياسى»، «جۇڭگو بالالار ەنتسيكلوپەدياسى» تومدارىن ءتارجىمالاۋ -رەداكسيالاۋ جۇمىسىنا قاتىسقان. قازاقستاننىڭ «ەگەمەن قازاقستان»، «ايقىن» گازەتتەرىندە، «جالىن» جۋرنالىندا ءتول تۋىندىلارى، «الەم ادەبيەتى» جۋرنالىندا اۋدارما تۋىندىسى جارىق كورگەن، ««ۇلتتار ادەبيەتى»، «جۇڭگو ۇلتتارى»، «شينجياڭ حالىق قۇرىلتايى»، «ياچەيكا تۇرمىسى»، «زاڭ اياسىندا»، «اقپارات ارناسى» جۋرنالدارىنىڭ ۇسىنىس ەتىلگەن رەداكتورى، اۋدارماشىسى.

　　كەلۋ قاينارى: حالىق تورابى