نەكە جاسى ەڭ ۇزاق ەرلى – زايىپتىلار 89 جىل وتاسقان

ەكەۋىنىڭ جاسىن قوسقاندا 211 جاس بولادى

2014.11.27 15:43   كەلۋ قاينارى : حالىق تورابى

　　انگليالىق كارام اتتى قارت پەن ونىڭ ايەلى كاتاريدىڭ ءبىر شاڭىراق استىندا تۇرىپ جاتقانىنا 89 جىلدىڭ ءجۇزى بولدى، ولار جۋىردا عانا انگلياداعى ۇيلەرىندە 109 جاسقا جانە 102 جاسقا تولعان تۋىلعان كۇندەرىن تويلادى.

　　انگليا «كۇندەلىك پوچتا گازەتىنىڭ» 24 – قاراشادا حابارلاۋىنشا، انگليالىق 100 جاستان اسقان كارام چاند جانە كاتاري چاند اتتى قارتتاردىڭ باستارىنا شاڭىراق كوتەرگەنىنە 89 جىلدىڭ ءجۇزى بولىپ، ولار الەمدەگى نەكە جاسى ەڭ ۇزاق ەرلى – زايىپتىلار ەسەپتەلەدى. 22 – قاراشا كۇنى ولار انگليانىڭ برادفورد ايماعىنداعى ۇيلەرىندە بالا – شاعالارىمەن بىرگە ەكەۋىنىڭ 109 جاسقا جانە 102 جاسقا كەلگەن تۋىلعان كۇندەرىن تويلادى.

　　حابارعا قاراعاندا، ەكى قارت 1925 – جىلى ءۇندىستاندا ۇيلەنگەن، 1965 – جىلى انگلياعا كوشىپ كەلگەن. ولار 8 پەرزەنت كورگەن، قازىر 28 نەمەرەسى مەن 23 شوبەرەسى وزدەرىمەن بىرگە تۇرادى.

　　ولاردىڭ ۇلى پاۋل چاند اكە – شەشەسىنىڭ عاسىرعا جۋىق نەكەسىن ماقتانىش تۇتادى، ولاردىڭ ۇزاق جاساۋىنىڭ سىرى وتكەن 20 جىل ىشىندە قام – قايعىسىز تۇرمىس كەشىرگەندىكتەن دەپ قارايدى.

　　چاند كاريانىڭ ايتۋىنشا، ونىڭ ۇزاق ءومىر ءسۇرۋىنىڭ سىرى ەشقاشان ءوزىنىڭ تۇرمىستان ءلاززاتتانۋىنا شەك قويمايتىنىندا. ول ادەتتە نە جەۋ، نەنى جەمەۋگە باس قاتىرمايدى، تەك قالىپتى مولشەردە بولسا بولعانى. كۇندەلىكتى كەشكى اس الدىندا ول ءبىر تال تەمەكى تارتادى، اپتا سايىن ءۇش، ءتورت رومكا ۆيسكي نەمەسە براندي ىشەدى.

　　كەلۋ قاينارى: حالىق تورابى