اپتا ارقاۋى: ارميانى قۇدىرەتتەندىرۋ ارمانىنىڭ ورىندالۋىن پارمەندى زاتتىق، تەحنيكالىق تىرەكپەن قامدايىق دەپ اتاپ كورسەتتى

2014.12.05 17:27   كەلۋ قاينارى : حالىق تورابى

　　شينحۋا اگەنتتىگىنىڭ تىلشىلەرى لي شۋانلياڭ، لي چيڭحۋالار 4-قاراشادا بەيجيڭنەن حابارلايدى. بۇكىل ارميانىڭ جابدىقتاۋ قىزمەتى ءماجىلىسى جەلتوقساننىڭ 3-، 4-كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ، مەملەكەتتىڭ جالپى تۇلعالىق حاۋىپسىزدىك كوزقاراسىن دايەكتىلەندىرىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن مىقتى يگەرىپ، ينفورماتسيامەن جەتەكشىلىك ەتۋگە، جۇيە قۇرىلىسىنا، دەربەس جاڭالىق جاراتۋعا، باياندى دامۋعا، ءبىرتۇتاس جوسپارلاپ جاپپاي ءمان بەرۋگە، ءتۇيىندى كورنەكتىلەندىرۋگە تاباندى بولىپ، بورىش وتەۋدىڭ تالابىنا ۇيلەسەتىن جابدىقتاۋ جۇيەسىن ورناتۋدى جەدەلدەتىپ، ارميانى قۇدىرەتتەندىرۋ ارمانىنىڭ ورىندالۋىن پارمەندى زاتتىق، تەحنيكالىق تىرەكپەن قامدايىق دەپ اتاپ كورسەتتى.

　　شي جينپيڭ سوزىندە ارميامىزدىڭ جابدىقتاۋ ىستەرىندە قول جەتكىزگەن تاريحي تابىستارىن تولىق تۇراقتاندىردى. ول بىلاي دەدى: قارۋ-جاراق ارميانىڭ وسىزاماندانۋىنىڭ ماڭىزدى بەلگىسى، مەملەكەتتىڭ حاۋىپسىزدىگى مەن ۇلتتىڭ گۇلدەنۋىنىڭ ماڭىزدى تىرەگى. وزىق جابدىقتاردى مەڭگەرگەن حالىقتىق ارميا قۇرۋ پارتيامىزدىڭ تالىقپاي قۇلشىناتىن نىساناسى. سوعىستا جەڭىسكە جەتۋ ماسەلەسىندە حالىق شەشۋشى فاكتور. سونىمەن بىرگە اسكەري تەحنيكالاردىڭ ۇزدىكسىز دامۋىنا بايلانىستى قارۋ-جاراق فاكتورىنىڭ دا ماڭىزدىلىعى ارتىپ بارا جاتقانىن، ادام فاكتورى مەن قارۋ-جاراق فاكتورىنىڭ بايلانىسى بارعان سايىن قويۋلاپ بارا جاتقانىن، ادام مەن قارۋ-جاراقتىڭ جوعارى دارەجەدە ءبىر تۇلعالانعاندىعىن، قارۋ-جاراق فاكتورىنا ءمان بەرۋدىڭ ادام فاكتورىنا ءمان بەرگەندىك ەكەندىگىن كورە ءبىلۋ كەرەك.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى