پياۋ جينحۇي وڭتۇستىك كورەيا مەن سولتۇستىك كورەيانىڭ تەزىرەك كەلىسسوز وتكىزۋىن ءۇمىت ەتتى

2015.01.13 14:29   كەلۋ قاينارى : حالىق تورابى

　　شينحۋا اگەنتتىگى، 12 – قاڭتار، سەۋل. وڭتۇستىك كورەيانىڭ زۇڭتۇڭى پياۋ جينحۇي 12 - قاڭتاردا چيڭۋاتايدا جاڭا جىلدىق تىلشىلەردى قابىلداۋ جينالىسىن وتكىزىپ، وڭتۇستىك كورەيا مەن سولتۇستىك كورەيانىڭ تەز ارادا كەلىسسوز وتكىزۋى، وڭتۇستىك كورەيا مەن جاپونيا ديپلوماتياسىن ىلگەرىلەتۋ قاتارلى ىستەر جونىندە پوزيتسيا ءبىلدىردى، سونداي – اق، چيڭۋاتاي حۇجاتىنىڭ سىرتقا جايىلۋى وقيعاسى جونىندە كەشىرىم سۇرادى.

　　وڭتۇستىك كورەيا مەن سولتۇستىك كورەيانىڭ كەلىسسوز وتكىزۋى جونىندە پياۋ جىنحۇي: ەكى ەلگە ءبولىنىپ قالعانداردىڭ جاستارىنىڭ ۇلعايىپ كەلە جاتقاندىعىن ەسكەرىپ، وڭتۇستىك پەن سولتۇستىككە ءبولىنىپ قالعان وتباسىنداعىلاردىڭ باس قوسۋىن تيتتەي دە كەشىكتىرۋگە بولمايدى. سولتۇستىك كورەيا ءبىر بەكىمگە كەلە الماۋدى قويىپ، وڭتۇستىك كورەيانىڭ كەلىسسوز وتكىزۋ جونىندەگى ۇسىنىنا بەلسەنە ات سالىسىپ، كوكتەم مەرەكەسىنىڭ الدى - ارتىندا ءبولىنىپ قالعان وتباسىنداعىلاردىڭ باس قوسۋ قيمىلىن وتكىزۋ، سولتۇستىك كورەيا تۇرعىندارىنىڭ تۇرمىس ورەسىن جوعارىلاتۋ سياقتى ماسەلەلەر جونىندە تالقى جۇرگىزىپ، «بىرلىككە كەلۋدىڭ قاقپاسىن» اشۋ كەرەك، - دەدى.

　　(اۋدارماسىن قاداعالاۋشى: بىلىمبەك ورالبەك ۇلى)

　　كەلۋ قاينارى: حالىق تورابى