شي جينپيڭ: جياۋ يۇيلۋ سياقتى اۋداندىق پارتكوم شۋجيى بولىڭىزدار

پارتيا، حالىق، جاۋاپكەرشىلىك جانە قىراعىلىق ءاردايىم جۇرەكتەرىڭىزدە جاتتالسىن

2015.01.13 14:19   كەلۋ قاينارى : حالىق تورابى

　　حالىق گازەتى، 12 – قاڭتار، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - قاڭتار تۇستەن بۇرىن بەيجيڭدە اڭگىمە ءماجىلىسىن باسقارىپ اشىپ، ورتالىق پارتيا مەكتەبىنىڭ 1 - كەزەكتى اۋداندىق پارتكوم شۋجيلارىنىڭ ءبىلىم جەتىلدىرۋ كلاسىنداعى كۋرسانتتارمەن اڭگىمەلەستى ءارى ماڭىزدى ءسوز سويلەدى. ول بىلاي دەپ باسا دارىپتەدى: اۋدان دارەجەلى ۇكىمەتتەردىڭ ارقالايتىن جاۋاپكەرشىلىگى بارعان سايىن ارتۋدا، اسىرەسە جاپپاي دوڭگەلەك داۋلەتتى قوعام قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن باسقارۋ، پارتيانى جاپپاي قاتاڭ باسقارۋ بارىسىندا ماڭىزدى رول اتقارىپ وتىر. جياۋ يۇيلۋ جولداس ءوزىنىڭ ءىس جۇزىندىك ارەكەتى ارقىلى تاڭداۋلى كوممۋنيست پەن تاڭداۋلى اۋداندىق پارتكوم شۋجيىنىڭ شۇعىلالى وبرازىن جاراتتى. اۋداندىق پارتكوم شۋجيى بولعان ادام جياۋ يۇيلۋ سياقتى شۋجي بولىپ، قاي - قاشاندا كوڭىلىندە پارتيا، حالىق، جاۋاپكەرشىلىك جانە قىراعىلىق بولۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق پارتيا مەكتەبىنىڭ باستىعى ليۋ يۇنشان اڭگىمە ماجىلىسكە قاتىناستى.

　　شي جينپيڭ باسا دارىپتەپ بىلاي دەدى: كادرلاردا جاۋاپكەرشىلىك بولۋ كەرەك، جاۋاپكەرشىلىگى قانشالىق ۇلكەن بولسا سونشالىق ءىرى ءىستى تىندىرا الادى. ارقالاعان مىندەتىن قاۋلاعان جىگەر، كوكىرەك كەرنەگەن شىنايى ىنتامەن ويداعىداي وتەپ، حالىقتى يگىلىككە بولەۋى كەرەك. ءبىر جىل، ەكى جىل، ءۇش جىل ىستەسە دە ەشبىر ناتيجە جاراتپاۋعا، بۇكىل اۋداننىڭ دامۋى مەن بەت - بەينەسىندە ەشبىر وزگەرىس بولماۋعا، جىل سايىن بۇرىنعى كونە سۇردەكپەن جۇرە بەرۋگە بولمايدى. بەلگىلەنگەن قىزمەتتىك ورنالاستىرۋدى سوڭىنا دەيىن يگەرىپ، باسىنان اياعىنا دەيىن تابىستى ورىنداۋ كەرەك. «مەن بولماسام دا ءىس تابىستى بولادى» دەپ بىلەتىن ويمەن بەينە كۇش جالعاپ جۇگىرۋ جارىسىنا تۇسكەن سياقتى ۇتىلامالى تاياقشانى قولدان قولعا تابىستى جەتكىزۋ كەرەك.

　　(اۋدارماسىن قاداعالاۋشى: بىلىمبەك ورالبەك ۇلى)

　　كەلۋ قاينارى: حالىق تورابى