ىلەدە ۇلىستىڭ ۇلى كۇنىن تويلاۋعا ارنالعان «ناۋرىزىم ــ مەرەكەم» اتتى ساۋىق كەش دۋماندى ءوتتى

حابارىن جازىپ سۋرەتتەرىن تۇسىرگەن باقىتبەك ءجۇمادىل ۇلى

2015.03.09 17:49   كەلۋ قاينارى : حالىق تورابى

　　ساۋىق كەشتىڭ بەتاشارى

　　ىلە قازاق اۆتونوميالى وبلىسىنىڭ قوي جىلىنداعى ناۋرىز مەرەكەسىن تويلاۋعا ارنالعان «ناۋرىزىم ــ مەرەكەم» اتتى ارناۋلى تەلەۆيزيا ساۋىق كەشى 7 - ناۋرىز كۇنى قۇلجا قالاسىنداعى 4 - ديۆيزيا مادەنيەت ورتالىعىندا سالتاناتتى ءوتتى.بۇل ساۋىق كەشتى ىلە وبلىستىق پارتكوم ۇگىت ءبولىمى، مادەنيەت - دەنە تاربيە كينو - تەلەۆيزيا مەكەمەسى باس بولىپ، ىلە وبلىستىق ءان - ءبي ۇيىرمەسى، ىلە تەلەۆيزياسى قاتارلى ورىندار ۇستىنە الىپ وتكىزدى. ىلە وبلىسىنىڭ ءتورت باسشىلىق القاسىنداعى باسشىلار مەن ءبىر ءبولىم دەمالىسقا، زەينەتكە شىققان قارت كادرلار جانە 1200دەن ارتىق ءار سالا جۇرتشىلىعى بىرگە ساۋىق كەشتى تاماشالادى.

　　«بۇگىنگى باقىتتى تۇرمىس»، «اق جاۋىن»، «كوركەم ىلە»، قاتارلى ءان، ءبي نومىرلەرى مەن تەكەس اۋداندىق ويىن - ساۋىق ۇيىرمەسى دايىنداپ اكەلگەن جاستاردىڭ توپتىق ءبىيى «كوكتەم قىراندارى» حالىقتىق كوركەمونەردىڭ زامانا مادەنيەتىمەن ۇشتاسقان كەمەلدى ورەسىن بايقاتسا، كونسەرت مازمۇن جانە فورما جاقتان حالىقتىڭ باقىتتى تۇرمىسىن، دامۋعا بەت العان ورنىقتى دا بەرەكەلى قوعامنىڭ ءسان - سالتاناتىن ايقىن بەينەلەدى. وتكەن جىلى شيىنجياڭ تەلەۆيزياسى وتكىزگەن انگە قۇمار بارشانى تامساندىرعان «كۇمىس كومەي» ءان بايقاۋىنىڭ باس جۇلدەگەرى شالقار الىمبەك ۇلى مەن ءان بايقاۋىنا قوعامداعى اۋەسكەرلەردىڭ، توراپتاستاردىڭ بەلەت تاستاۋىندا ەڭ جوعاى قولداۋعا يە بولىپ، «كۇمىس كومەي ءانشى» اتالعان مىرزاتاي بەكسۇلتان ۇلى وسى رەتكى ساۋىق كەشكە شاقىرىلىپ تامىلجىتا ءان سالىپ، تىڭداۋشىسىن تانتى ەتىپ، ساۋىق كەشتىڭ مەرەيىن اسىرا تۇستى

　　ساۋىق كەشتى تاماشالاعان قالىڭ قاۋىم ويىن نومىرلەرىنىڭ مازمۇن ىرعاسىنان ىلەدەگى ءار ۇلت حالقىنىڭ بەرىك ىنتىماقتا بولىپ، بەرەكەلى دە كوركەيگەن تىنىش ىلە قۇرۋ ۇلى نىساناسىنا ءبىر نيەت، ءبىر تىلەكپەن ات سالىسىپ جاتقان رۋحاني بەينەسىن ايقىن اڭعارىپ، پارتيا مەن ۇكىمەتتىڭ وسىزامانعى مادەنيەتتى جەتەكشى ەتىپ، حالىق تۇرمىسى قۇرلىسىن جاقسارتۋدى نەگىز ەتىپ، جالپى قوعامدى زاڭمەن باسقارۋدى ىلگەرلەرتۋدەي ۇلى نىسانداردى ورىنداۋعا قۇلشىنىپ وتىرعان ابزال ساياساتىن تولىق سەزىندى.

　　كەلۋ قاينارى: حالىق تورابى