شينجياڭدىق داۋاز شەبەرى كوزىن تاڭىپ سىم ارقاننان شەگىنىپ ءوتتى

2015.05.18 14:33   كەلۋ قاينارى : حالىق تورابى

　　شينجياڭدىق داۋاز شەبەرى اسقار 16 – مامىر كۇنى ساعات 18دە جۇڭگوداعى ەڭ بيىك قوس مۇنارا ــ كۇنميڭدەگى ۋاندا الاڭىنداعى 300 مەتر بيىك قوس مۇنارا اراسىنا تارتىلعان سىم ارقاننان كوزىن تاڭىپ كەرى شەگىنىپ ءوتىپ، دۇنيە جۇزىلىك گەننيس رەكوردىن جاڭالادى. سىم ارقان قوس مۇنارانىڭ 32 – قاباتتارىنىڭ اراسىنا تارتىلعان، جەردەن 150 مەتر بيىك، اسقار قىزىل شۇپەرەكپەن ەكى كوزىن تاڭىپ، سىم ارقاننان كەرى شەگىنىپ ءجۇرىپ، 6 مينۋت 40 سەكۋندتا تۇستىك مۇنارادان تەرىستىك مۇناراعا جەتتى. ونان سوڭ، اسقار قوس مۇنارا اراسىندا بىرنەشە رەت سىم ارقاننان ءوتتى ءارى سىم ارقان ۇستىندە ونەر كورسەتتى.

　　اسقار قاشقار ايماعى يىڭىسار اۋدانىنىڭ ادامى، داۋاز شەبەرى ءادىل ەكەۋى دە داۋازشى اسەنجاننىڭ شاكىرتتەرى. 6 جاسىنان باستاپ داۋاز ونەرىنە جاتتىققان، 10 جاسىندا رەسمي ساحنادا ونەر كورسەتكەن، شينجياڭ ۇيعۇر داۋازشىلىعىنىڭ 6 – ۇرپاق داۋازشىلارىنىڭ ەڭ ۇزدىكتەرىنىڭ ءبىرى.

　　كەلۋ قاينارى: حالىق تورابى