ۇلتتىق كەستەشىلىك سەلبەستىك كوپيراتيۆى كەستەشىلەردى بايۋ جولىنا باستادى

2015.06.02 15:49   كەلۋ قاينارى : حالىق تورابى

　　ءبىز سانا كەستەشىلىك سەلبەستىك كوپيراتيۆىنە كەلىپ، شاعىن، قاراپايىم، كەستە تىگۋ بولمەسىنىڭ الۋان تۇردەگى قازاقى بۇيىمدارعا تولعانىن كوردىك، بۇل الەۋمەتتىك اۋماقتاعى ايەل جولداستاردىڭ كوبى وسى سەلبەستىك كوپيراتيۆىنە مۇشە بولعان، ولار وسى كەستەشىلىككە سۇيەنىپ، جىلىنا 30 دا 40 مىڭ يۋان اينالاسىندا كىرىس كىرگىزەدى.

　　بيىل 35 جاستاعى جازيگۇل بادان قىزى، سانا كەستەشىلىك سەلبەستىك كوپيراتيۆىنىڭ جاۋاپتىسى، 2004-جىلى شىلدەدە، التاي ايماقتىق دەنساۋلىق ساقتاۋ مەكتەبىنەن وقۋ تاۋسىپ، 2008-جىلى قازاننان، 2013-جىلعا دەيىن، توپتەرەك قالاشىق ۇكىمەتتە يگىلىك سيپاتتى قىزمەت ورنىندا ىستەگەن، توقتام مەرزىمى تولعاننان كەيىن، 2013-جىلى قىركۇيەكتە، جيبايحۇي ساۋدا بازارىندا 100 مىڭ يۋان قارجىمەن «سانا كيىم-كەشەك دۇكەنىن» اشىپ، كاسىپ جاراتادى، ءارى ايىنا 1500 يۋان ەڭبەكاقى بەرەتىن بولىپ، ءبىر ادامدى كاسىپتەندىرىپ، كيىم دۇكەنىنىڭ جىلدىق تابىسىن 50 مىڭ يۋانعا جەتكىزەدى؛ 2014-جىلى شىلدەدە، 200 مىڭ يۋان قارجىمەن «سانا كەستەشىلىك سەلبەستىك كوپيراتيۆىن» تىزىمگە الدىرىپ، اۋىل قىستاق سەميا ايەلدەرىنەن 18 ادامدى كاسىپتەندىرىپ، ادام باس سايىن ايلىق كىرىسىن 6000 يۋاننان اينالدىرىپ، سەلبەستىك كوپيراتيۋىنىڭ ايلىق كىرىسىن 50 مىڭ يۋانعا جەتكىزگەن.

　　2014-جىلى قىركۇيەكتە، 300 مىڭ يۋان قارجىمەن ساۋىر الەۋمەتتىك اۋماعىندا «سانا تۇراقتى باعالى ەرەن بازارىن» اشىپ، ءارى ايىنا ءار ادامعا 2200 يۋان ەڭبەكاقى بەرەتىن بولىپ، ەكى ادامدى كاسىپتەندىرىپ، ساۋدا بازارىنىڭ ايلىق تابىسىن 60 مىڭ يۋانعا جەتكىزگەن؛ 2014-جىلى قازاندا، 100 مىڭ يۋانمەن جەمەنەي اۋدانىنداعى كونە شەكارا تۇرعىندار ساۋدا بازارىندا «سانا ۇلتتىق كەستەشىلىك بۇيىمدار دۇكەنىن» اشىپ، ءارى ايىنا 2500 يۋان ەڭبەكاقى بەرەتىن بولىپ، 2 ادامدى كاسىپتەندىرىپ، ساۋدا دۇكەنىنىڭ ايلىق كىرىسىن 20 مىڭ يۋانعا جەتكىزگەن. 2003-جىلدان باستاپ، قازاقى ۇلتتىق قولونەر كەستەشىلىگىن ۇيرەنە باستاعان، ۇيرەنۋ بارىسىندا ۇزدىكسىز تىرىسۋمەن قاتار، ۇلتتىق ەرەكشەلىككە باي تۇسكيگىز، سىرماق، ءتور كورپە، كيىم، تاقيا، ءۇي اسەمدىك بۇيىمدارى جانە ساياحات ەستەلىك بۇيىمدارىن جاساۋ قاتارلى كەستەشىلىك تەحنيكاسىن جەتتىك يگەرىپ، ءداستۇرلى قولونەرگە وسىزامان ايشىعىن بەرىپ، ادەتتەگى جوعارى مەكتەپ بىتىرگەن وقۋشىدان قازاقى ۇلتتىق كەستەشىلىك كاسىپتىك سەلبەستىك كوپيراتيۆىنىڭ جاۋاپتىسى ءارى الەۋمەتتىك اۋماقتاعى ايەل كاسىپكەرلەردىڭ باستاماشىسىنا اينالدى.

　　جازيگۇل بادان قىزى تىلشىگە: ءبىز وسى ۇلتتىق كەستەشىلىك كاسىپتىك سەلبەستىك كوپيراتيۆىن قۇرعاننان كەيىن، الەۋمەتتىك اۋماقتاعى ايەل جولداستار بارلىعى كاسىپتەندى، ءار ادامنىڭ ايلىق كىرىسى 2000 يۋانعا جەتتى، ءارى ونەرگە دە ىسىلا ءتۇستى،-دەدى.

　　بيل 40 نەشە جاستاعى تورعىن توپتەرەك قالاشىعىنىڭ قاراپايىم تۇرعىنى، بىلتىر قىستا ول اۋىلدا وتكىزىلگەن تەگىن كەستەشىلىك كۋرسىنە قاتىناسقان، ءارى كەستەشىلىك سەلبەستىك كوپيراتيۆىنە مۇشە بولعان، ءار توقساندا 10 مىڭ يۋان كىرىس تاۋىپ، قۋانىشقا بولەندى، ول بىلاي دەدى: بۇرىن ۇلتتىق كەستەشىلىك كاسىپتىك سەلبەستىك كوپيراتيۆى جوق كەزدە ءبىز ايەلدەر ۇيدە قولىمىز بوس بولاتىن، ءار كۇنى شاي قايناتۋ، ءۇي تازالاۋمەن عانا بولۋشى ەدىك، قازىر ۇلتتىق كەستەشىلىك سەلبەستىك كوپيراتيۆى قۇرىلدى، ءبىزدە كاسىپتەنىپ، اقشا تاپتىق، راسىندا وتە قۋانىشتامىز،-دەدى.

　　جازيگۇل بادان قىزىنىڭ تانستىرۋىنشا، ۇلتتىق كەستەشىلىك سەلبەستىك كوپيراتيۆى 2014- جىلى اقپاندا قۇرىلعاننان بەرى، از ساندى ادامداردىڭ شوعىرلى، كوپ ساندىلارىنىڭ سەميادا جۇمىس جۇرگىزۋى سىندى ءوندىرىس فورماسىن قالىپتاستىرعان. سەلبەستىك كوپيراتيۆىندەگى كەستەشىلدەردىڭ ەڭ جاسى 26 دا بولسا، ەڭ ۇلكەنى 45 جاستا بولىپ، بارلىعى قازاق ايەلدەرى. قازىر شوعىرلى ءوندىرىسپەن شۇعىلداناتىن كەستەشىلەر 10 نەشە ادام بولسا، سەميادا جۇمىس جۇرگىزەتىندەرى 55 ادامعا جەتكەن. جىڭشكەلىكپەن، الۋان ءتۇرلى، وزىندىك ىستيلگە باي وندىرىلگەن كەستەشىلىك بۇيىمدارى التاي، قابا، بۋىرشىن سىندى كورشىلەس اۋدانداردا ساتىلسا، ءتىپتى قازاقستاندا دا ءوز بازارىن تاپقان. ۇلتتىق كەستەشىلىك سەلبەستىك كوپيراتيۆى الارمانداردىڭ قاجەتى نەگىزىندە، كەستەشىلىك ونەرىن كەمەلدەندىرىپ، وندىرىلگەن بۇيىمدار ءتۇرى 30 دان اسقان. ۇلتتىق كەستەشىلىك سەلبەستىك كوپيراتيۆىنىڭ ءار ايداعى جۇمسكەرلەردىڭ ەڭبەكاقىسى، ماتەريال اقىسىن شىعارىپ تاستاعاننان كەيىنگى تازا كىرىسى ورتا ەسەپپەن 100 مىڭ يۋان اينالاسىندا بولىپ، ءبىر ءبولىم وتباسى ايەلدەرىنىڭ كىرىسىن ارتتىرۋمەن قاتار، ۇلتتىق مادەنيەتتىڭ جارشىسى بولا ءبىلدى.

　　كوز الدا، جازيگۇل بادان قىزىنىڭ سانا ۇلتتىق كەستەشىلىك سەلبەستىك كوپيراتيۆى اۋدانىمىزدا ايەلدەردى كاسىپ كوزىن اشىپ، كىرىسىن ارتتىرىپ قانا قالماستان، باسقا اۋىل-قالاشىقتاعى 30 دام استام ايەلدەردىڭ كاسىپ كوزىن اشىپ، كاسىپتەنۋىنە باستاماشى بولدى، جىلىنا 2000 نان ارتىق كەستە، كانۋا، ءبىز كەستە، قۇراما كەستە قاتارلى كەستەشىلىك، قولونەر بۇيىمدارىن ءوندىرىپ، جىلدىق كىرىسىن 300 مىڭ يۋانعا جەتكىزدى.

　　كەلۋ قاينارى: حالىق تورابى