ليۆياداعى اسكەري كازارما شابۋىلعا ۇشىرادى

جارالانعاندار مەن قازا بولعاندار سانى جۇزدەن استى

2016.01.08 15:44   كەلۋ قاينارى : حالىق تورابى

　　حالىق تورابى، 8 – قاڭتار، بەيجيڭ. شينحۋا اگەنتتىگىنىڭ حابارلاۋىنشا، ليۆيانىڭ باتىسىنداعى زىليتان قالاسىنداعى اسكەري كازارما اۆتوموبيل بومبى شابۋىلىنا ۇشىراپ، كەمىندە 30 ادام قازا بولىپ، 100دەن استام ادام جارالانعان.

　　حاۋىپسىزدىك تاراۋى ءمانساپتىسىنىڭ ايتۋىنشا، جەرگىلىكتى ۋاقىت بويىنشا تاڭعى ساعات 8 اينالاسىندا ءبىر جانكەشتى شابۋىلداۋشى مۇناي كۇبىلى اۆتوموبيلمەن تەڭىز جاعالاۋى قورعاۋشى ساقشىلار كازارماسىنا باسا كوكتەي كىرىپ، بومبانى پارتىلاتقان. سول كەزدە مولشەرمەن 400دەي ساقشى تاڭعى جاتتىعۋعا جينالىپ جاتقان.

　　بۇل ءمانساپتىنىڭ ايتۋىنشا، جارالانعاندار سول ماڭداعى ەمحاناعا جەتكىزىلىپ ەمدەلۋدە، ول قازا بولعانداردىڭ سانىنىڭ جالعاستى ارتۋىنان الاڭدايدى. شيپاحانا قىزمەتكەرىنىڭ ايتۋىنشا، قازا بولعانداردىڭ سانى 50 ادامنان اسىپ كەتكەن.

　　كەلۋ قاينارى: حالىق تورابى