U فورمالى الاڭدا سىڭار تاقتايمەن سىرعاناۋ توپتىق جارىسىندا شينجياڭ كومانداسى ەكى كۇمىس مەدالعا يە بولدى

2016.01.26 13:12   كەلۋ قاينارى : حالىق تورابى

　　حالىق تورابى، 26 – قاڭتار، بەيجيڭ. مەملەكەتتىك 13 – كەزەكتى قىسقى سپورت جارىسى U فورمالى الاڭدا سىڭار تاقتايمەن سىرعاناۋدان ايەلدەر مەن ەرلەردىڭ توپتىق جارىسىنىڭ شەشۋشى جارىسى ءتاڭىرتاۋ بوعدا شاڭعى الاڭىندا اياقتادى.

　　ايەلدەر توپتىق جارىسىندا سۇن جۋان، چيۋ لىڭ جانە سۇن جىفىڭداردان ۇيىمداسقان ءۇرىمجى ۋاكىلدەر كومانداسى 220 نومىرلىك جالپى ناتيجەمەن كۇمىس مەدالعا يە بولدى، اعا جۇلدەگەرلىكتى حاربين كومانداسى الدى، حىگاڭ كومانداسى 143.25 نومىرلىك ناتيجەمەن 3 – ورىنعا يە بولدى، شينجياڭ سانجى كومانداسى 142.25 نومىرمەن 4 – ورىنعا يە بولدى.

　　ەرلەر توپتىق جارىسىندا حاربين كومانداسىنىڭ ايگىلى سپورتشىسى جاڭ ي - ۋەي جاراقات سەبەبىنەن جارىسقا قاتىناسا الماسا دا، گو يۇي، شى ۋانچىڭ، شۇي دىچاۋلاردان ۇيىمداسقان حاربين كومانداسى 261 نومىرمەن اعا جۇلدەگەر بولدى، حۋاڭ شىيڭ، دارمەن، حۋ يلاردان ۇيىمداسقان ءۇرىمجى كومانداسى 257 نومىرمەن كۇمىس مەدالعا يە بولدى، ليۋ داۋلۇڭ، گۋ اۋ، حۇي ينيڭداردان ۇيىمداسقان قارامايلى كومانداسى 167.25 نومىرمەن 3 – ورىنعا يە بولدى.

　　كەلۋ قاينارى: حالىق تورابى