ءۇندىستاننىڭ سولتۇستىك بولەگىندە تۋىلعان دۇربەلەڭدە قازا بولعانداردىڭ سانى 10 ادامعا جەتتى

2016.02.22 14:49   كەلۋ قاينارى : حالىق تورابى

　　حالىق گازەتى، 21 – اقپان، جاڭا دەلي. ءۇندىستاننىڭ استاناسى جاڭا دەليگە جۋىق ماڭداعى حاريانا شتاتىندا تۋىلعان بۇلىك ءبىر اپتاعا جالعاستى، جەرگىلىكتى ساقشى جاعىنىڭ ايتۋىنشا، قازا بولعانداردىڭ سانى 10 ادامعا جەتىپ، بۇلىك بارىسىندا 150 ادام جارالانعان.

　　ءۇندىستان ۇكىمەتى الدىڭعى اپتادا ءتارتىپتى ساقتاۋ جانە تۇنگى ءجۇرىس – تۇرىسقا تيىم سالۋ ءۇشىن اسكەري قوسىندار جىبەرسە دە، نەشە كۇننەن بەرى جاستاردىڭ قالىڭ شوعىرى اتالعان شتاتتىڭ جەر – جەرىندە قاتىناس جولدارىن بوگەپ، ساقشى اۆتوكولىكتەرى مەن اۆتوبۋستاردى ورتەۋدە، مەيمانحانا جانە پويەز بەكەتى سىندى الەۋمەتتىك ورىنداردا ءورت قويۋدا. ساقشى، حاۋىپسىزدىك قوسىندارى مەن بۇلىكشىلەر توبى ارسىندا قاقتىعىس تۋىلىپ، ءۇندىستان بۇلىك تۋىلعان جەردە ءتارتىپتى ساقتاۋ ءۇشىن تىك ۇشاقپەن نەشە ءجۇز اسكەردى اۋەدەن ءتۇسىردى.

　　بۇلىكشىلەر جاڭا دەليدى سۋمەن قامدايتىن ءبىر كانالدى ءۇزىپ تاستاعاندىقتان، جاڭا دەليدىڭ سۋمەن قامداۋ جاعدايى قيىن كۇيگە ءتۇستى. وسى وڭىردەن جاڭا دەليگە باراتىن بىرنەشە نەگىزگى تاس جولدى توسىپ تاستاپ، ەكى اراداعى قاتىناس تۇرالادى. سول جەردەگى اۆتوكولىك زاۆودى جۇمىس توقتاتىپ، مەكتەپتەر وقۋ توقتاتتى.

　　كەلۋ قاينارى: حالىق تورابى