- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
130دان استام قالا قورا - جاي بازارىندا «قويماداعى قوردى» ازايتۋعا قاتىستى جاڭا ساياساتتاردى جيى شىعاردى
ءۇي باعاسى ارزانداي ما؟ ديحانداردى يلاندىرا الا ما، جوق پا؟
2016.02.22 14:58 كەلۋ قاينارى : حالىق تورابى
22 – اقپاننان باستاپ بەيجيڭ، شاڭحاي، گۋاڭجوۋ قاتارلى ءبىرىنشى قاتارداعى قالالاردان سىرت، كوپتەگەن قالالاردا قورا – جاي ساۋداسىنداعى توقتام باجىسى مەن تيجارات باجىسىن الۋ سالىستىرماسى جالپى بەتتىك تومەندەتىلەدى. ونىڭ ۇستىنە جۋىردا جاريالانعان ءۇيدىڭ العاشقى تولەم سالىسترماسىن تومەندەتۋ، تۇرعىن ءۇي جيناق قورىنا قاراجات ساقتاۋ ءوسىمىن جوعارىلاتۋ قاتارلى ساياساتتاردى قوسقاندا، جەر – جەردەگى ۇكىمەت تاراۋلارىنىڭ قورا – جاي بازارىندا «قويماداعى قوردى» ازايتۋدى ىلگەرىلەتۋدىڭ كۇشتى سەگنالىن تاراتا باستاعانىن كورەمىز.
تۇسپالداپ ەسەپتەگەندە، قازىرگە دەيىن 130دان استام قالادا «قويماداعى قوردى» ازايتۋعا قاتىستى جاڭا ساياساتتار شىعارىلدى. بۇل جاڭا ساياساتتاردىڭ مازمۇنى قانداي؟ ناتيجەسى قالاي بولماق؟
ءبىرىنشى سۇراق
جەر – جەر «قويماداعى قوردى» ازايتۋدا قانداي شارالاردى ورتاعا قويدى
جەر – جەر ورتاعا قويعان «قويماداعى قوردى» ازايتۋ ساياساتتارىن نەگىزىنەن 5 توپقا بولۋگە بولادى.
ءبىرىنشى، تۇرعىن ءۇي جيناق قورى جەر – جەردىڭ «قويماداعى قوردى» ازايتۋداعى باستى قۇرالىنا اينالدى، كوپتەگەن جەرلەردە تۇرعىن ءۇي جيناق قورىنان قارىز الۋ مولشەرى %50تەن استى. سىچۋان ولكەلىك تۇرعىن ءۇي جانە قالا – اۋىل قۇرىلىسى مەڭگەرمەسىنىڭ ساناعىنا قاراعاندا، 2015 – جىلى تۇرعىن ءۇي جيناق قورى قارىزى سىچۋان ولكەسىنىڭ ءبىر جىلداعى تاۋار ءۇي ساتىلىمىنىڭ تورتتەن بىرىندەي ۇلەس قوسىپ، «قويماداعى قوردى» ازايتۋعا ۇشتەن بىرىندەي ۇلەس قوسقان.
سىرت جەردە قارىز الۋدى جەبەۋ، قارىز بەرۋ مولشەرىن جوعارىلاتۋ، قارىز قايتارۋ جىل شەكتەمەسىن ۇزارتۋ، اقشا الۋ شارتتارىن جەڭىلدەتۋ قاتارلىلار جەر – جەردە تۇرعىن ءۇي جيناق قورى جونىندە جاڭا ساياسات بەلگىلەۋدە پايدالانعان شارالار. مىسالى: جياڭشي، گانسۋ قاتارلى ولكەلەردە تۇرعىن ءۇي جيناق قورىنان قارىز الۋدى بۇكىل ولكە بويىنشا ءبىر تۇلعالاندىرۋ ساياساتىن ءىس جۇزىندە اتقارىپ، سىرت جەردە ءۇي الۋدى بەلسەندى ىلگەرىلەتتى. كوپتەگەن ولكەلەر تۇرعىن ءۇي جيناق قورىنىڭ قامتيتىن كولەمىن كەڭەيتۋدى ورتاعا قويدى، مىسالى: سىچۋان ولكەسى بيىل قالا – قالاشىقتارداعى تۇراقتى كاسىپتەنگەن جاڭا قالا تۇرعىندارىن تۇرعىن ءۇي جيناق قورىنىڭ قامتيتىن كولەمىنە ەنگىزۋدى ىلگەرىلەتپەكشى، حۋبەي ولكەسى اۋىل – قالاشىقتاردا تۇرعىن ءۇي جيناق قورى ءتۇزىمىن ورناتۋ جانە ونى كەمەلدەندىرۋ جاعىندا ىزدەنىس جاساۋدا.
ەكىنشى، كوپتەگەن جەرلەردە ۇكىمەت تاراۋلارى باجىنى تومەندەتۋ، توقتام باجىسىنا كومەك قاراجات بەرۋ قاتارلى تاسىلدەرمەن ءۇي ساتىپ الۋشىلاردىڭ اۋىرتپالىعىن جەڭىلدەتتى
گانسۋ ولكەسى جۋىردا تۇرعىن ءۇيدى وتكەرمەلەۋ رەسميەت اقىسىن ءبىرتۇتاس %33 تومەندەتتى، جياڭشي ولكەسى قورا – جاي بازارىنداعى اكىمشىلىك ىستەر رەسميەت اقىسىن جالپى بەتتىك اداقتادى. كەيبىر ولكەلەر تاۋار ءۇي ساۋداسىنداعى توقتام باجىسىنا قازىنالىق جاقتان كومەك بەرۋ قاتارلى ءتۇرلى شارالاردى ورتاعا قويدى. مىسالى: نيڭشيادا تۇرعىن ءۇي ساتىپ العان تۇرعىنداردىڭ توقتام باجىسىنىڭ %1تىك مولشەردەن اسىپ كەتكەن بولەگىنە جەرگىلىكتى قازىنا كومەك قاراجاتىن بەرەدى؛ شينجياڭدا ساۋدالىق جەكە تۇرعىن ءۇي قارىز اقشاسىنىڭ ءوسىمى تۇرعىن ءۇي جيناق قورى قارىز اقشاسىنىڭ ءوسىمى بويىنشا ەسەپتەلىپ، كومەك قاراجاتىن بەرۋ جىل شەكتەمەسى تۇراقتاندىرىلعاننان كەيىن پارىق شىققان بولەگىنە ۇكىمەت قازىنالىق جاقتان كومەك قاراجاتىن بەرەتىن بولدى.
جياڭشي ولكەسى نانچاڭ قالاسى جۋىردا رەسمي قۇجات جاريالاپ، قورا – جاي كاسىپورىندارىنىڭ جۇمىسى بىتپەگەن قورا - جايدى ساتۋ جالپى تۇسىمىنە باجى ەسەپتەۋ ولشەمىن جالپى بەتتىك تومەندەتتى. نانچاڭ قالالىق باجى تاراۋلارىنىڭ ەسەپتەۋىنە قاراعاندا، مولشەرمەن 2016 – جىلى نانچاڭ قالاسىنىڭ جەرگىلىكتى باجى تاراۋلارى مەن مەملەكەتتىك باجى تاراۋلارى كاسىپورىنداردان تابىس باجىسىن جەكە – جەكە 600 ميلليون يۋان جانە 200 ميلليون يۋان از الىپ، 400دەن استام قورا – جاي كاسىپورنىنا تيىمدىلىك جاراتادى.
ءۇشىنشى، ديحان جۇمىسكەرلەردىڭ قالا تۇرعىنى بولۋىن تەزدەتىپ، شارت – جاعدايى بار ديحان جۇمىسكەرلەردى ءۇي الۋعا شابىتتاندىرۋ دا ماڭىزدى شارا ەسەپتەلەدى. قازىر سانشي، شاندۇڭ، گانسۋ قاتارلى ولكەلەر ديحانداردى قالادان ءۇي الۋعا شابىتتاندىراتىن ساياساتتىق شارالاردى انىق ورتاعا قويدى. مىسالى: شاندۇڭ ولكەسى قالادان ءۇي العان ديحانداردىڭ توقتام باجىسىنا كومەك قاراجاتىن بەرۋ، رەسميەت اقىسىن كەشىرىم ەتۋ، قارىز اقشاعا ءوسىمىن قوسا بەرۋ، شارۋاشىلىق اقىسىنا كومەك قاراجاتىن بەرۋ قاتارلى ساياساتتاردى ورتاعا قويۋ ارقىلى ديحان جۇمىسكەرلەردىڭ ۇزاق مەرزىم بويى تۇراقتى تۇرعىن ءۇي تۇتىنۋشىلار توبى بولۋىنا شارت – جاعداي ازىرلەدى.
ءتورتىنشى، كوپتەگەن جەرلەر لاشىقتىلار رايونىن وزگەرتىپ سالۋ، اقشاعا سىندىرىپ ورنالاستىرۋ جانە تاۋار ۇيلەردى ۇكىمەت جاعى قايتا ساتىپ الۋ قاتارلى ساياساتتار ارقىلى قورا – جاي بازارىندا «قويماداعى قوردى» ازايتۋعا دەم بەردى. مىسالى: گانسۋ ولكەسى بيىل قامتاماسىزداندىرۋ سيپاتتى 46 مىڭ تۇرعىن ءۇيدىڭ 33 مىڭىن «قورداعى» تاۋار ۇيلەردەن ساتىپ الۋدى جوسپارلادى، فۋجيان قاتارلى ولكەلەر الەۋمەتتىك مايعا بەرىلەتىن ۇيلەردى ەندىگارى جاڭادان سالمايتىنىن انىق جاريالادى.
مۇنان سىرت، سانشي، گۋاڭشي، انحۇي قاتارلى ولكەلەر اقشاعا سىندىرىپ ورنالاستىرۋ ءتاسىلىن لاشىقتىلار رايونىن وزگەرتىپ سالۋداعى ماڭىزدى ءتاسىل ەتتى، مىسالى: گۋاڭشي ولكەسىندە اقشاعا سىندىرىپ ورنالاستىرۋ تاسىلىمەن «قوردان» ازايتىلعان تاۋار ءۇي مولشەرى جالپى تاۋار ءۇي ساتىلىمىنىڭ %15تىن ۇستاعان. انحۇي قاتارلى ولكەلەردە تۇرعىن ءۇي جانە قالا – اۋىل قۇرىلىسى مەڭگەرمەلەرى اقشاعا سىندىرىپ ورنالاستىرۋ سالىستىرماسىنىڭ %50تەن كەم بولماۋىن تالاپ ەتكەن، سانشي ولكەسى ءتىپتى تاۋار ءۇي قورى مول قالالاردىڭ بۇل كورسەتكىشتى %80كە جەتكىزۋىن تالاپ ەتكەن. حىنان ولكەسى جاڭادان شىعارعان ساياساتىندا «مايعا بەرۋ مەن ساتۋدى قاتار ۇستانۋ» جاعىندا ىزدەنىس جاساپ، الەۋمەتتىك مايعا بەرىلەتىن ءۇيدى مايعا العان وبيەكتىلەردىڭ ءبىر جىلدىق مايعا الىپ تۇرۋ شەكتى مەرزىمى اياقتاعاننان كەيىن، بەلگىلەمەگە ساي كەلگەن جاعدايدا، ءوزى مايعا الىپ تۇرعان ءۇيدى تىكەلەي ساتىپ الۋىنا بولاتىنىن بەلگىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
