لي كىچياڭ قىرعىزستان پرەزيدەنتى اتامبايەۆپەن كەزدەستى

2016.11.03 14:50   كەلۋ قاينارى : حالىق تورابى

　　حالىق گازەتى، 2 – قاراشا، بيشكەك. (ۋ لىجۇن، چۇي سۇڭ) مەملەكەتتىك كەڭەس زۇڭليى لي كىچياڭ 2 – قاراشا كۇنى بيشكەكتەگى پرەزيدەنت سارايىندا قىرعىزستان پرەزيدەنتى اتامبايەۆپەن كەزدەستى.

　　لي كىچياڭ الدىمەن مەملەكەت ءتوراعاسى شي جينپيڭنىڭ پرەزيدەنت اتامبايەۆكە جولداعان ىقىلاستى سالەمىن جەتكىزدى. لي كىچياڭ بىلاي دەدى: جۇڭگو – قىرعىزستان ىرگەلەس جاتقان تاتۋ كورشىلەر. بيىل ماۋسىمدا ەكى ەل باسشىلارى شاڭحاي سەلبەستىك ۇيىمىنىڭ تاشكەنتتەگى باسشىلار ءماجىلىسى مەزگىلىندە كەزدەسىپ، ماڭىزدى جاقتاردا ورتاق تانىمدارعا كەلگەن. جۇڭگو جاق ءوزارا قۇرمەتتەۋ، تەڭ تۇرعىدا مامىلە جاساۋ، ءوزارا تيىمدىلىك جاراتىپ، يگىلىككە بىرلىكتە كەنەلۋ پرينسيپىندە باستان – اقىر تاباندى بولىپ، قىرعىزستان جاقپەن ساياسي جاقتاعى ءوزارا سەنىمدىلىكتى تەرەڭدەتىپ،ناقتى ىستەردەگى سەلبەستىكتەردى كۇشەيتىپ، گۋمانيتارلىق سالاداعى بارىس – كەلىستەردى تەرەڭدەتىپ، حالىقارالىق جانە وڭىرلىك ىستەردە سايكەسۋدى كۇشەيتىپ،ەكى ەل قارىم–قاتىناسىن، سەلبەستىگىن ۇزدىكسىز دامىتۋدى جانە ەكى ەل حالقىنا باقىت جاراتۋدى ىلگەرىلەتە ءتۇسۋدى قالايدى.

　　لي كىچياڭ مىنالاردى اتاپ كورسەتتى: الەم ەكونوميكاسىنىڭ جاندانۋى باياۋلاپ، وڭىرلىك جاعداي كۇردەلىلەنە تۇسكەن جاعدايدا، جۇڭگو مەن قىرعىزستان كومەسكى كۇشتەردى اشىپ، جاڭالىق جاراتىپ، ءوندىرىس قۋاتى، نەگىزدىك قۇرىلعىلار قاتارلى ءىرى وبيەكتىلەردە سەلبەستىك ورناتۋدى كۇشەيتۋى، حاۋىپسىزدىك پەن زاڭ اتقارۋ جاعىندا سەلبەستىك اياسىن كەڭەيتۋى، ەكى جاقتىڭ ساۋدا – ساتتىق پەن قارجىلاندىرۋ سوماسىنىڭ ارتۋىن ىلگەرىلەتىپ، وڭىرلىك بايلانىستى كۇشەيتۋگە جانە حاۋىپسىزدىك پەن ورنىقتىلىققا جەبەۋشى بولىپ، بىرگە دامۋدى ىسكە اسىرۋعا تاماشا ورتا جاراتۋى كەرەك.

　　كەلۋ قاينارى: حالىق تورابى