بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

اقساي اۋدانىنىڭ مالشى - ديحاندارى ەكى قاباتتى سارايلارعا كىرە باستادى

2017.02.17 16:01   كەلۋ قاينارى : حالىق تورابى



  اقساي اۋدانىنان مارالبەك ابدىكارىم ۇلى حابارلايدى. جاقىنعى جىلداردان بەرى، گانسۋ ولكەسىنىڭ اقساي قازاق اۆتونوميالى اۋدانى ەگىن - مال شارۋاشىلىق قىستاقتارىنىڭ وتىرىقتانۋ ورتاسىن جاقسارتۋ قىزمەتىن جاڭاشا اۋىل - قىستاق پەن اۋىل - قالاشىقتى ءبىر تۇلعالاندىرۋدىڭ باستى مىندەتى رەتىندە ۇستاپ، ۇلتتىق جاڭا قىستاق رايونىنىڭ تۇرعىن ۇيلەرىن وزگەرتىپ سالۋ جانە قۇرىلعىلارىن جاڭالاۋ ينجەنەرياسىن ءتۇيىن ەتىپ، اقساي اۋدانىن «وتىرىقتاسقان، كاسىپتەسكەن، ساياحاتتاسقان» قازاقى ۇلتتىق ۇلگىدەگى جاڭا قالاشىق ەتىپ قۇرۋعا كۇش سالدى.

  اتالعان اۋدان ۇلتتىق جاڭا قىستاق رايونىنىڭ تۇرعىن ءۇي قۇرىلىسىن وزگەرتىپ سالۋ نىسانىن ءساتتى جۇرگىزۋ ءۇشىن، 2015 - جىلدىڭ اياق شەنىنەن باستاپ جوسپار جاساپ، ارناۋلى باسشىلىق شاعىن گرۋپپاسىن، نىسان كەڭسەسى، حاۋىپسىزدىكتى باقىلاۋ كەڭسەسى قاتارلى كەڭسەلەردى قۇرىپ، جاۋاپكەرشىلىكتى بەكەمدەپ، مىندەتتى ايقىنداۋ تالابىن اتقاردى. سونىمەن بىرگە اۋداندىق پارتكوم مەن ۇكىمەت بۇقارالاردى كومەك قاراجاتىنان يگىلىكتەندىرۋ قاتارلى حالىققا ءتيىمدى ساياساتتاردى زەرتتەپ ورتاعا قويىپ، وسى اۋدان نوپوسىنداعى ۇلتتىق جاڭا قىستاق رايونىنا قونىستانعان تۇرعىندارعا قاراتا، ءار سەميانىڭ جاڭالانىپ سالىناتىن تۇرعىن ۇيلەرىنىڭ ءبىر كۆادراتىنا 700 يۋاننان كومەك قاراجاتىن بەرۋ ءتيىمدى ساياساتىن ورتاعا قويسا، تۇرعىن ءۇيدى جاڭالاپ سالۋ مەزگىلىندە، ۇلتتىق جاڭا قىستاق رايونىنداعى تۇرعىندارعا ءار سەمياعا اي سايىن 60 يۋاننان ءۇي مايلاۋ كومەك اقىسىن بەرۋدى ۇيعاردى.

  بۇل رەتكى ۇلتتىق قىستاق رايونىنىڭ تۇرعىندار ۇيلەرىن جاڭالاۋدا، بۇرىنعى كونە ۇيلەر تۇتاسىمەن ەۆروپاشا ۇلگىدەگى شاعىن بولمەلى ەكى قاباتتىق ساۋلەتتى ساراي ۇيلەرگە وزگەرتىلىپ سالىنادى ەكەن. سالىنعاننان كەيىن، تۇتاسىمەن شوعىرلى جىلۋمەن قامداۋعا قوسىلماقشى. قازىرگە دەيىن 96 وتباسىنىڭ ۇيلەرى جاڭالانىپ سالىنىپ بولعان، جوسپار بويىنشا، بيىل وسى رايونداعى بارلىق ۇيلەردى جاڭالاپ سالۋ مىندەتىن ورىنداپ بولماقشى ەكەن.

  اقساي اۋدانىنىڭ ۇلتتىق قىستاق رايونىنداعى تۇرعىنداردىڭ %90ى مالشى - ديحاندار ەدى، 1954 - جىلى اقساي قازاق اۆتونوميالى اۋدانى بولىپ قۇرىلعاننان بەرى قاراي، مالشى - ديحانداردىڭ تۇرمىسى كۇن ساناپ جاقسارىپ، ەڭ العاشقى كوشى - قون تۇرمىسىنان قالادا وتىرىقتاسۋعا، قارا قوستا وتىرۋدان، ساۋلەتتى ۇيلەردە وتىرىپ جاقسى تۇرمىس كەشىرۋگە، ماي شام جاعۋدان ەلەكتر توگىن پايدالانۋعا، تەزەك جاعۋدان تابيعي گازدى پايدالانۋعا، حابارلاسۋدا ات - كولىكپەن ءجۇرىپ حابار الۋدان قازىرگى تەلەفون ارقىلى حابارلاسۋ سياقتى بەتالىستارعا قاراي بىرتىندەپ دامىپ، مىنە بۇگىن مالشى - ديحاندار ساۋلەتتى ەكى قاباتتىق سارايلاردا وتىرىپ دوڭگەلەك داۋلەتتى باياشاتتى تۇرمىس كەشىرۋدە.

  سۋرەتتە: اقساي اۋدانىنىڭ ۇلتتىق جاڭا قىستاق رايونىنداعى وزگەرتىلىپ سالىنعان ەكى قاباتتىق ساۋلەتتى تۇرعىن ۇيلەر

  

【1】 【2】 
جاۋاپتى رەداكتورى : نۇرعيسا قۇرمانجان ۇلى

 سۋرەت