انگليانىڭ باس ءۋازىرى تەرەسا مەي سايلاۋدىڭ مەرزىمىنەن بۇرىن وتكىزىلەتىنىن جاريالادى

2017.04.19 14:09   كەلۋ قاينارى : حالىق تورابى

　　انگليانىڭ باس ءۋازىرى تەرەسا مەي 18 – ساۋىردە ىشكى ىستەر ماجىلىسىنەن كەيىن مالىمدەمە جاريالاپ، 8 – ماۋسىمدا سايلاۋدى مەرزىمىنەن بۇرىن وتكىزۋدى جوسپارلاپ وتىرعانىن جاريالادى ءارى پارلامەنتتەن 19 – ساۋىردە شەشىم قابىلداۋدى تالاپ ەتتى. انگليا زاڭىنا ساي، قازىرگى ۇكىمەتتىڭ مىندەت وتەۋ مەرزىمى 2020 – جىلى اياقتايدى، سايلاۋدى مەرزىمىنەن بۇرىن وتكىزۋ ءۇشىن پارلامەنتتىڭ تومەنگى پالاتاسىنىڭ 2/3 بولەگىنىڭ داۋىسىنا يە بولۋ كەرەك. قازىر انگليا پارلامەنتىندە دەپۋتاتتارى ەڭ كوپ كونسەرۆاتيۆتەر پارتياسى مەن ەڭبەكشىلەر پارتياسى سايلاۋدى مەرزىمىنەن بۇرىن وتكىزۋدى قولدايدى، سوندىقتان، پارلامەنتتىڭ تەرەسا مەي ورتاعا قويعان سايلاۋدى مەرزىمىنەن بۇرىن وتكىزۋ جوباسىن ماقۇلداۋىنىڭ مۇمكىندىگى زور.

　　كەلۋ قاينارى: حالىق تورابى