شي جينپيڭ قازاقستان پرەزيدەنتى نازاربايەۆپەن كەزدەستى

2017.05.15 15:11   كەلۋ قاينارى : حالىق تورابى

　　حالىق تورابى، 15 – مامىر، بەيجيڭ. 14 – مامىر، مەملەكەت ءتوراعاسى شي جينپيڭ بەيجيڭ حالىق سارايىندا، «ءبىر بەلدەۋ ءبىر جول» حالىقارالىق سەلبەستىك فورۋمىنا قاتىناسقالى كەلگەن قازاقستان پرەزيدەنتى نازاربايەۆپەن كەزدەستى. شينحۋا اگەنتتىگىنىڭ ءتىلشىسى ياۋ داۋەيدىڭ فوتوسى.

　　شي جينپيڭ بىلاي دەدى: جۇڭگو – قازاقستان ديپلوماتيالىق قارىم – قاتىناس ورناتقان 25 جىلدان بەرى، ەكى ەلدىڭ قاتىناسى ۇشقان قۇستاي دامىدى. ەكى جاق باسشىلارى تىعىز قارىم – قاتىناستا بولىپ، ساياسي سەنىمدىلىگى ءتىپتى دە بەكەمدەلدى، ناقتىلى سەلبەستىگى جاپپاي ىلگەرىلەدى. جۇڭگو جاق قازاقستانمەن ديپلوماتيالىق قارىم – قاتىناس ورناتقانىنا 25 جىل تولۋ ورايىمەن، تاتۋ كورشى رۋحىن ايگىلەپ، ستراتەگيالىق سەلبەستىكتى كۇشەيتىپ، ءوزارا ءتيىمدى سەلبەستىكتى تەرەڭدەتىپ، قول ۇستاسا وتىرىپ جۇڭگو – قازاقستان جان – جاقتىلى ستراتەگيالىق سەرىكتەستىك قاتىناسىن ونان ارى بيىككە كوتەرىپ، ءتىپتى دە تەرەڭدەتىپ، ءتىپتى دە كەڭەيتۋگە قادام تاستاۋدى قالايدى. ەكى جاق زاڭ اتقارۋداعى حاۋىپسىزدىك سەلبەستىگىن كۇشەيتىپ، «ءۇش ءتۇرلى كۇشكە» قاتاڭ سوققى بەرۋ كەرەك. جۇڭگو جاق قازاقستان جاقتىڭ حالىقارالىق بەيبىتشىلىك جانە حاۋىپسىزدىك ىستەرى جاعىنداعى اناعۇرلىم زور رول ساۋلەلەندىرۋىن قولدايدى، قازاقستان جاقپەن بىرلەسكەن مەملەكەتتەر ۇيىمى، شاڭحاي ىنتىماقتاستىق ۇيىمى، ازيا ءوزارا سەلبەستىك جانە سەنىمدىلىك شارالار ءماجىلىسى اياسىندا سەلبەستىگىن ءتىپتى تەرەڭدەتۋدى ٴءۇمىت ەتەدى.

　　شي جينپيڭ تاعى بىلاي دەدى: مەن 2013 – جىلى قازاقستانعا ساپارلاي بارعان كەزدە، تۇڭعىش رەت جىبەك جولى ەكونوميكا بەلدەۋىن قۇرۋ دارىپتەمەسىن ورتاعا قويدىم، قازىر قازاقستاندى قامتىعان 100 نەشە مەملەكەت پەن حالىقارالىق ۇيىم بەلسەندى قولداۋ كورسەتتى. 4 جىلدان بەرى، جۇڭگو – قازاقستان ەكى ەل «ءبىر بەلدەۋ ءبىر جول» دارىپتەمەسى توڭىرەگىندە بەلسەندى سەلبەستىك ورناتىپ، سەلبەستىكتىڭ كومەسكى كۇشىن ساۋلەلەندىرىپ، «ءبىر بەلدەۋ ءبىر جول» دارىپتەمەسىن بىرلىكتە دامىتۋدا ىشكەرىلەي توعىسىپ، ءٴبىر – ٴءبىرىن جەبەۋدىڭ جاڭا كەزەڭىنە قادام تاستادى. جۇڭگو جاق قازاقستان جاقپەن بىرلىكتە «ءبىر بەلدەۋ ءبىر جول» دارىپتەمەسىن دامىتۋدى جەدەلدەتىپ، ءتىپتى كوپ تابىستاردى ەكى ەل حالقىنىڭ يگىلىگىنە جاراتۋعا پەيىلدى.

　　نازاربايەۆ بىلاي دەدى: «ءبىر بەلدەۋ ءبىر جول» حالىقارالىق سەلبەستىك فورۋمى ءساتتى اشىلعانىن قۇتتىقتايمىن، ءتوراعا شي جينپيڭ جاساعان لەكسيا بۇگىنگى تاڭداعى حالىقارالىق قوعام ءدوپ كەلىپ وتىرعان كوپتەگەن ماسەلەلەرگە جاقسى جاۋاپ قايتاردى. قازاقستان «ءبىر بەلدەۋ ءبىر جول» دارىپتەمەسىن باتىل قولداپ، «ءبىر بەلدەۋ ءبىر جول» دارىپتەمەسى مەن «نۇرلى جول» دامۋ ستراتەگياسىن بەلسەندى تۇردە ۇشتاستىرىپ، وسى تاقىرىپ توڭىرەگىندە ەكى ەل ساۋداسى، اۋىل شارۋاشىلىعى، كەن كاسىبى، تەمىر جول، عىلىم – تەحنيكا قاتارلى سالالارداعى ناقتىلى سەلبەستىكتى تەرەڭدەتۋگە پەيىلدى. قازاقستان جاق جۇڭگو جاقپەن حالىقارالىق جانە رايوندار حاۋىپسىزدىگى مەن دامۋ سالاسىنداعى سەلبەستىكتى كۇشەيتىپ، شاڭحاي ىنتىماقتاستىق ۇيىمىنىڭ ورنىقتى دامۋىن جەدەلدەتىپ ءارى بەلسەندى رولىن ساۋلەلەندىرۋدى قالايدى. ۋاڭ حۋنيڭ، لي جانشۋ، ياڭ جيەچى قاتارلىلار كەزدەسۋگە بىرلىكتە قاتىناستى.

　　كەلۋ قاينارى: حالىق تورابى