بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

يسپانيانىڭ بارسەلونا قالاسىندا تۋىلعان لاڭكەستىك ۋاقيعادا 13 ادام قازا بولىپ، 80 ادام جارالاندى

2017.08.18 15:38   كەلۋ قاينارى : حالىق تورابى



  حالىق تورابى، 18 – تامىز، بەيجيڭ. يسپانيانىڭ بارسەلونا قالاسىندا تۇراتىن گاتالۋنيا اۆتونوميالى ۇكىمەتى 17 – تامىز كەشتە، بارسەلونا قالاسىندا سول كۇنى جۇك اۆتوموبيىلىمەن ادام سوعۋ لاڭكەستىك ۋاقيعاسى تۋىلىپ، 13 ادام قازا بولىپ، 80 ادام جارالانعانىن، مۇنىڭ ىشىندە 15 ادامنىڭ جاراقاتى اۋىر ەكەنىن جاريالادى.

  جۇڭگونىڭ بارسەلونا قالاسىندا تۇراتىن باس كونسۋلحاناسى قازىرگە ەشقانداي جۇڭگولىق ازاماتتىڭ جارالانۋ حابارىن تاپسىرىپ الماعانىن جاريالادى.

  17 – تامىز تۇستەن كەيىن، بارسەلونا قالاسىنىڭ ورتالىعىنداعى ايگىلى ساياحات كورىنىس رايونى رامبلا جۇرگىنشىلەر كوشەسىندە ادامدار ساياحاتتاپ جۇرگەندە، ءبىر اق ءتۇستى جۇك كولىگى كەنەتتەن جۇرگىنشىلەرگە لاپ قويعان. ساقشىلار ىلە – شالا جەتىپ، بۇل رايوندى قورشاۋعا العان ءارى جۇرگىنشىلەردى ۋاقيعا تۋىلعان جەردەن جوتكەپ، لاڭكەستەردى ۇستاۋ ارەكەتىن ورىستەتكەن. جارالانعاندار دەر كەزىندە ەمحاناعا جەتكىزىلگەن.

  كورگەندەردىڭ ايتۋىنا قاراعاندا، ادامدارعا لاپ قويعان بۇل اق ءتۇستى جۇك كولىگىنىڭ قارقىنى وتە تەز بولىپ، ادامداردى سوققاندا ەشقانداي قارقىنىن باياۋلاتپاعان. جۇرگىنشىلەر قورعانۋعا دا ۇلگىرمەي، جول شەتىندەگى دۇكەندەرگە قاشىپ تىعىلعان.

  جەرگىلىكتى ساقشى جاق العاشقى تەكسەرۋىن جۇرگىزگەننەن كەيىن، بۇل ۋاقيعانىڭ لاڭكەستىك ۋاقيعاسى ەكەنىن، قاتىستى لاڭكەستىك تەكسەرۋ ءتارتىبىنىڭ جۇرگىزىلە باستاعانىن جاريالاعان. گاتالۋنيا اۆتونوميالى ۇكىمەتى ءتوراعاسىنىڭ ايتۋىنشا، قازىر ساقشى جاقتىڭ ەكى كۇماندىنى قولعا العانىن حابارلاعان.

  كەلۋ قاينارى: حالىق تورابى

【1】 【2】 
جاۋاپتى رەداكتورى : مۇحيت امانتاي ۇلى

 سۋرەت