شينجياڭدا 28-شىلدەدەن بۇرىن تۋىت دەمالىسى اياقتالماعاندار 158 كۇندىك تۋىت دەمالىسى ساياساتىنان يگىلىكتەنە الادى
2017.08.17 14:52 كەلۋ قاينارى : حالىق تورابى
حالىق تورابى، 17 – تامىز، بەيجيڭ. 28 - شىلدەدەن بۇرىن تۋىت دەمالىسىن دەمالىپ بولماعان انالار جاڭادان وزگەرىس ەنگىزىلگەن «شينجياڭ ۇيعۇر اۆتونوميالى رايوندىق جان سانى جانە جوسپارلى تۋىت ەرەجەسىندەگى» (تومەندە قىسقاشا ەرەجە دەلىنەدى) بەلگىلەمە بويىنشا 60 كۇن ۇزارتىلعاننان كەيىنگى 158 كۇندىك تۋىت دەمالىسىنان يگىلىكتەنە الادى.
ءتىلشىنىڭ 15 – تامىز ءۇرىمجى قالالىق جوسپارلى تۋىت كوميتەتىنەن ۇعىسۋىنشا، مەيلى ءبىر نەمەسە ەكى بالالى بولسىن، تەك «زاڭ جانە بەلگىلەمەگە ساي بالالى بولعان» انالار تۇگەلدەي 158 كۇندىك تۋىت دەمالىسىنان يگىلىكتەنەدى.
28 - شىلدەدە جاڭادان وزگەرىس ەنگىزىلگەن ەرەجە شىققاننان بەرى، كوپتەگەن تۋىت دەمالىسىنداعى انالار الاڭداۋلى بولعان.
«مەن ‹ەرەجە› شىعۋدان بۇرىن ياعني 28 - شىلدەدەن بۇرىن بالالى بولعانمىن، بۇل تيىمدىلىكتەن يگىلىكتەنە الامىن با؟»، «مەنىڭ تۋىت دەمالىسىم اياقتالۋعا جانە ءبىر اي قالدى، مەن دە بۇل تيىمدىلىكتەن پايدالانىپ قالا الامىن با؟» دەگەن سۇراقتار كوپشىلىكتىڭ ەڭ كوڭىل بولەتىن قىزعىن تاقىرىبىنا اينالدى.
بۇدان بۇرىن، «شينجياڭ ۇيعۇر اۆتونوميالى رايونىنىڭ جان سانى جانە جوسپارلى تۋىت ەرەجەسىنە» ساي، زاڭدىق ۇيلەنۋ جاسىنان 3 جىل كەشىگىپ تۇڭعىش رەت ۇيلەنگەندەر كەشىگىپ ۇيلەنگەن دەپ سانالىپ، مەملەكەت بەلگىلەگەن نەكە دەمالىسىنان سىرت، 20 كۇن دەمالىس بەرىلسە؛ ايەل جۇمىسشى- قىزمەتشىلەر العاشقى رەتكى كەشىگىپ بالالى بولعاندا، مەملەكەت بەلگىلەگەن تۋىت دەمالىسىنان سىرت، 30 كۇن تۋىت دەمالىسى بەرىلەتىن. بۇل كەشىگىپ ۇيلەنگەندەرگە نەكە دەمالىسى 20 كۇن بولىپ، ەڭ سوڭىنداعى جالپى دەمالىسى 23 كۇن بولعان؛ تۇڭعىش كەشىگىپ بالالى بولعاندا تۋىت دەمالىسى 30 كۇن قوسىلىپ، ەڭ سوڭىنداعى تۋىت دەمالىسى 128 بولسا، ەكىنشى رەت بالالى بولعاندا تۋىت دەمالىسى 98 كۇن بولاتىن.
الايدا، جاڭادان وزگەرىس ەنگىزىلگەن «جان سانى جانە جوسپارلى تۋىت زاڭىندا» «كەشىگىپ ۇيلەنۋ»، «كەشىگىپ بالالى بولۋ» ۇعىمىن كۇشىنەن قالدىرعاننان كەيىنگى، «شينجياڭ ۇيعۇر اۆتونوميالى رايوندىق جان سانى جانە جوسپارلى تۋىت ەرەجەسىندە» قاتىستى مازمۇندارعا وزگەرىس ەنگىزىلدى.
ءۇرىمجى قالالىق دەنساۋلىق ساقتاۋ جانە جوسپارلى تۋىت كوميتەتىنىڭ جوسپارلى تۋىت نەگىزگى ساتى قىزمەت باسقارماسىنىڭ باسقارما باستىعى حى شياۋپيڭ: «بۇگىندە، جاڭادان وزگەرىس ەنگىزىلگەن «ەرەجەنىڭ» جاريالانۋىنا ىلەسىپ، ساياسات كولەمىندەگى العاش ۇيلەنگەن ەرلى-زايىپتىلاردىڭ بارلىعى 23 كۇندىك نەكە دەمالىسىنان يگىلىكتەنسە، قايتا ۇيلەنگەندەرمەن اجىراسىپ قايتا قوسىلعاندار تەك 3 كۇندىك نەگىزدىك نەكە دەمالىسىنان يگىلىكتەنە الادى. بۇدان سىرت، زاڭدىق جانە بۇل ەرەجەگە ۇيلەسەتىن بالالى بولعان ايەل جۇمىسشى- قىزمەتكەرلەر تۇڭعىش نەمەسە ەكىنشى رەتكى بالالى بولعان جاعدايدا دا 158 كۇندىك تۋىت دەمالىسىنان يگىلىكتەنسە؛ ەر جاققا 15 كۇندىك كۇتىمدەۋ دەمالىسى بەرىلەدى. جاڭادان وزگەرىس ەنگىزىلگەن «ەرەجەنىڭ» ءتىپتى دە جاقسى اتقارىلىپ، كوپتەگەن تۋىت جاسىنداعى انالاردىڭ بۇل تيىمدىلىكتەن يگىلىكتەنۋى ءۇشىن، 28 - شىلدەدەن بۇرىن تۋىت دەمالىسى اياقتالماعاندار، 158 كۇندىك جاڭا تۋىت دەمالىسىنان يگىلكتەنە الادى» دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
