التايداعى بايىرعى تەرى شاڭعى قايتادان قولدانىلدى

2018.01.29 13:43   كەلۋ قاينارى : حالىق تورابى

　　حالىق تورابى، 29 – قاڭتار، بەيجيڭ. ەلىمىزدىڭ باتىس سولتۇستىگىنە ورنالاسقان شينجياڭ التاي ايماعى نولدان تومەن 30 گرادۋستا شاڭعى جانكۇيەرلەرىنىڭ قىزىعۋشىلىعىن ارتتىردى، كوزىنە ءتۇستى كوزىلدىرىك تاققان، ۇستىنە شاڭعى كيمىن كيگەندەردىڭ ىشىندە، ءداستۇرلى كيىم كيىپ، قولىنا اعاش يتەرگى، اياعىنا تەرى شاڭعى تاققان ءبىر توپ موڭعۇل جانە قازاق بالالارى بىردەن كوزگە تۇسەدى. 12 مىڭ جىلدىڭ الدىنداعى ادامزاتتىڭ شاڭعى تەۋىپ تۇرعان بەينە سۋرەتى تابىلعاندىقتان، التاي «ادامزات بايىرعى شاڭعى مەكەنى» دەپ اتالعان، جەرگىلىكتى ادامدار ىستەتكەن تەرى شاڭعى ەڭ بايىرعى شاڭعىلاردىڭ ءبىرى بولعان.

　　التاي ايماعىنىڭ سولتۇستىگىندەگى قوم اۋىلىن جىل بويى قار باسىپ جاتادى، قار ەڭ قالىڭ بولعان كەي كەزدەرى ات قۇلاعى كورىنبەي، قازىرگى زامان اۆتوكولىك سياقتى قاتىناس كولىكتەرى مۇلدەم جۇرۋدەن قالادى، سول سەبەپتى، تەر شاڭعى ءالى دە مالشىلاردىڭ جوق قاراۋدا، جولاۋشىلاۋداعى ماڭىزدى قاتىناس قۇرالى، شاڭعى تەبۋ بۇل جەردەگى ءاربىر مالشىنىڭ ءسوزسىز مەڭگەرۋگە ءتيىستى ونەرى.

　　مالشىلار ۇنەمى ءوزىنىڭ ءۇيىنىڭ ماڭايىنداعى تاۋ بوكتەرىندە جاتتىعۋ جاساپ، جارىس وزدىرعان، كەيىن كەلە اۋىل – اۋدان كولەمىندە جارىس وزدىراتىن بولعان. ۇكىمەتتىڭ قولداۋىندا، التاي ايماعى قاناس، قوم، كوكتوعاي قاتارلى جەرلەردە بايىرعى تەرى شاڭعى كومانداسىن قۇرىپ، ءار جىلى قىس ماۋسىمىندا التاي ايماعىندا ون نەشە كاسىپتىك جارىس وتكىزىپ، ءداستۇرلى ونەر سالاسىن دامىتتى، بايىرعى تەرى شاڭعى تەبۋ التاي ايماعىنىڭ ەرەكشەلىگى مەن ساياحاتشىلار ەڭ قىزىعاتىن دەنە تاربيە تۇرىنە اينالدى.

　　كەلۋ قاينارى: حالىق تورابى