حالىق تورابى، 15 – مامىر، بەيجيڭ. ءتىلشىنىڭ 14 –مامىر كۇنى گۋاڭجوۋ قالالىق جابايى حايۋاناتتاردى قورعاۋ قىزمەت وتەۋ ورتالىعىنان ۇعىسۋىنشا، شيزاڭ چياڭتاڭ بارىسىن زەرتتەۋ – قورعاۋ سەلبەستىك ورنى رەتىندە، اتالعان ورتالىق 2017 – جىلى جەلتوقسان ايىنان بيىلعى ءساۋىر ايىنا دەيىن شيزاڭنىڭ سولتۇستىگىندەگى چياڭتاڭ مەملەكەت دارەجەلى جاراتىلىستىق قورىق رايونى مەن سىمۋسو مەملەكەت دارەجەلى جاراتىلىستىق قورىق رايونىنان قىزىل ينفرا ساۋلەلىك فوتو اپپاراتپەن ماتەريال جيناۋ مىندەتىن ءساتتى اياقتاتقان. اتالعان ورتالىقتىڭ قىزمەتكەرى لياڭ شۇيچاڭنىڭ تانىستىرۋىنشا، وتكەن 5 ايدا 3800 شارشى كيلومەتر جەردەگى 270 ورىننان 2000عا تارتا بارىستىڭ كەسكىن ماتەريالىن جيناعان. بۇدان سىرت سىلەۋسىن، سابانشى، تيبەت تۇلكىسى قاتارلى سيرەك كەزدەسەتىن حايۋاناتتاردى فوتوعا تۇسىرگەن.
كەلۋ قاينارى: حالىق تورابى