تيانشان تاۋىن اتتاعان دوستىق __جۇڭگو ەمدەۋ اترەتىنىڭ قازاقستاننىڭ ىندەتكە توتەپ بەرۋىنە كومەكتەسۋ ەستەلىگى

2020.04.24 15:13   كەلۋ قاينارى : حالىق تورابى

　　شينحۋا اگەنتتىگىنىڭ 4 – ايدىڭ 23 – كۇنى نۇر – سۇلتان قالاسىنان بەرگەن حابارى، تيانشان تاۋىن اتتاعان دوستىق __ جۇڭگو ەمدەۋ اترەتىنىڭ قازاقستاننىڭ ىندەتكە توتەپ بەرۋىنە كومەكتەسۋ ەستەلىگى، شينحۋا اگەنتتىگىنىڭ ءتىلشىسى رىن جۇن، جاڭ جيە

　　4 - ايدىڭ 23 – كۇنى جۇڭگونىڭ قازاقستانعا كومەككە كەلگەن ىندەتكە توتەپ بەرۋ ەمدەۋ اترەتى قازاقستان الماتى حالىقارالىق اۋەجايىنان ەلگە قايتتى، ولار قازاقستان قورعانىس مينيسترلىگىنىڭ اسكەري ۇشاعىنا وتىرىپ، تيانشان تاۋىنان ۇشىپ ءوتىپ، شينجياڭنىڭ ءۇرىمجى قالاسىنا قايتتى.

　　قازاقستاندا 15 كۇن قاربالاس جۇمىس ىستەگەن جۇڭگو ەمدەۋ اترەتىنىڭ 10 مۇشەسى نۇر – سۇلتان، قاراعاندى، الماتى سياقتى 3 جەرگە بارىپ، ىندەتكە توتەپ بەرۋدەگى باعالى تاجىريبەلەرىن قازاقستاننىڭ ىندەتكە توتەپ بەرۋ الدىڭعى شەبىندەگى قىزمەتكەرلەرىنە جەتكىزدى.

　　وسى مەزگىلدە، قازاقستانداعى ىندەت جاعدايى بارعان سايىن ءورشىپ، ىندەتكە شالدىققاندار سانى 764 ادامنان 2191 ادامعا جەتتى. ەمدەۋ قىزمەتكەرلەرىنىڭ ىندەتپەن جۇعىمدالۋ مولشەرى ىندەتكە شالدىققانداردىڭ 30 پايىزىنا جەتتى. قازاقستان دەنساۋلىق ساقتاۋ مينيسترى ەلجان ءبىرتانوۆ بىلاي دەدى: جۇڭگونىڭ ەمدەۋ ماماندارىن قازاقستانعا كەلىپ ىندەتكە قارسى تۇرۋعا ۇسىنىس ەتۋ دەر كەزىندە جاسالعان دۇرىس شەشىم بولدى.

　　ىندەتكە توتەپ بەرۋ ءورت وشىرۋگە ۇقسايدى. جۇڭگو ەمدەۋ اترەتى 4 – ايدىڭ 9 – كۇنى كەشتە ۇرىمجىدەن قازاقستاننىڭ استاناسى نۇر - سۇلتان قالاسىنا جەتىپ، كەلەسى كۇننەن باستاپ قاربالاس ساپارىن باستادى. تۇڭعىش ايالداماسى قازاقستان مەملەكەتتىك الەۋمەتتىك دەنساۋلىق ساقتاۋ ورتالىعى. جۇڭگو ماماندارى قازاقستان جاقپەن ىشكەرىلەي تالقى جۇرگىزىپ، قازاقستانداعى ىندەتتىڭ دامۋىن جانە ودان ساقتانۋدىڭ قيىن تۇيىندەرىن ەگجەي ـ تەگجەيلى ۇعىستى. وسىدان كەيىن كوپتەگەن شيپاحانالار مەن اۋاشالاۋ مەيمانحانالارىن ارالاپ، تەكسەرۋ جۇرگىزىپ، ىندەتتەن ساقتانۋ جانە ونى ەمدەۋ، كلينيكالىق ەمدەۋ، الەۋمەتتىك اۋماقتىڭ سالاماتتىقتى باسقارۋى سياقتى جاقتاردان ماسەلەلەردى بايقادى ءارى شەشۋ جوباسىن العا قويدى.

　　نۇر - سۇلتان 9 ـ ۋنيۆەرسال شيپاحاناسىنا بارعاندا، ەمدەۋ اترەتى باستىعىنىڭ ورىنباسارى، شينجياڭ ۇيعۇر اۆتونوميالى رايوندىق حالىق شيپاحاناسى باستعىنىڭ ورىنباسارى لۋ چىن ينفەكسيالانۋ قاتەرىن مۇمكىندىكتىڭ بارىنشا ازايتۋدى ۇسىنىس ەتتى. مىسالى، ناۋقاس پەن ەمدەۋ قىزمەتكەرلەرى ۇقساماعان جولمەن ءجۇرىپ، اۋرۋ ءوڭىرىن «تازا ءوڭىر» جانە «بىلعانعان ءوڭىر» دەپ ءبولىپ، تۇتاس شيپاحانانى مەرزىم بويىنشا ديزەنفەكسيالاپ تۇرۋ، بارلىق ەمدەلۋشى مەن وتباسىنداعىلار ماسكى تاعۋى كەرەك. 9 ـ ۋنيۆەرسال شيپاحانانىڭ باستىعى سىماعۇلوۆ بىلاي دەدى: جۇڭگونىڭ تاجىريبەسى باعا جەتپەس اسىل، «ءبىز جۇڭگو ماماندارىنىڭ ۇسىنىسىن قابىلداپ، اناعۇرلىم قاتاڭ قورعانۋ شارالارىن اتقارامىز.»

　　ناق مايداندا تەكسەرۋدەن سىرت، ەمدەۋ اترەتى ءار كۇنى بەينە ەكران ءماجىلىسىن اشىپ، قازاقستاننىڭ ىندەتكە توتەپ بەرۋ ءبىرىنشى شەبىندەگح قىزمەتكەرلەرمەن اڭگىمەلەستى. شينجياڭ ىلە قازاق اۆتونوميالى وبلىستىق دوستىق شيپاحاناسىنىڭ سالماقتى اۋرۋلاردى ەمدەۋ ءبولىمىنىڭ مەڭگەرۋشىسى شۇي مين بىلاي دەپ تانىستىردى: قازاقستان جاقپەن 30 نەشە مايدان بەينە ەكران اۋىس – كۇيىس جاساۋ جيىنىن اشتىق، ورتا ەسەپپەن كۇنىنە 2 دە 3 مايدان، ەڭ كوپ بولعاندا 4 مايدان بولىپ، قازاقستان دەنساۋلىق ساقتاۋ مينيسترلىگىنىڭ قىزمەتكەرلەرىن، ءار وبلىس اكىمشىلىگىنىڭ جاۋاپتىلارىن، ءبىرىنشى شەپتەگى ەمدەۋ قىزمەتكەرلەرىن، ىندەتتى تىزگىندەۋ قىزمەتكەرلەرىن قامتىعان وبيەكتىلەرگە 10 مىڭ ادام ـ رەت تاربيەلەۋ الىپ باردىق.

　　شينجياڭ ۇيعۇر اۆتونوميالى رايوندىق حالىق شيپاحاناسى سالماقتى اۋرۋلاردى ەمدەۋ ءبولىمى مەڭگەرۋشىسىنىڭ ورىنباسارى جاڭ داچۋان بىلاي دەدى: وسى رەت قازاقستانعا كەلىپ اۋىس ـ كۇيىس جاساۋ ارقىلى ولاردىڭ قازاقستانداعى ارىپتەستەرمەن تاجىريبە جانە ءبىلىم ورتاقتاسۋىنا، ءوزارا ۇيرەنۋىنە وراي تۋدىردى. شيپاگەرلەر اراسىندا كەڭەسۋ ناۋقاستىڭ ءتىپتى دە جاقسى ەمدەلۋىنە پايدالى. ىندەت كەڭ تارالعان كەزدە ءار ەل شيپاگەرلەرىنىڭ ىنتىماقتاسا وتىرىپ، ءبىر نيەتپەن ىندەتكە توتەپ بەرۋ توتەنشە ماڭىزدى.

　　لۋ چىن تىلشىگە بىلاي دەدى: جۇڭگو مەن قازاقستاننىڭ ماماندارى تاعى قازاقستاننىڭ جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ جوباسى جونىندە زەرتتەۋ ـ تالقى جۇرگىزدى، قازاقستان جاق جۇڭگو جاقتىڭ «تورتتە ەرتە بولۋ»، «تورتتە شوعىرلى بولۋ» سىندى ساقتانۋ ـ تىزگىندەۋ پرينسيبىن ەرەكشە قۇپتادى. قازاقستان دەنساۋلىق ساقتاۋ مينيسترىنىڭ ورىنباسارى اقتايەۆا تالقىدان كەيىن بىلاي دەدى: قازاقستان جاق جۇڭگو ماماندارىنىڭ ۇسىنىسىن زەرتتەيدى ءارى 6 ـ رەتكى ەمدەۋ جوباسىنا ەنگىزۋدى ويلاستىرادى.

　　جۇڭگو ماماندارىنىڭ بۇكپەسىز كومەگىنە قاراتا قازاقستان جاق «قورجىنىمىز قوماقتى، توقىعانىمىز مول بولدى» دەدى. قاراعاندى وبلىستىق مەديتسينا ۋنيۆەرسيتەتى باستىعىنىڭ ورىنباسارى كوشەرۆا بىلاي دەدى: جۇڭگونىڭ ىندەتكە توتەپ بەرۋ تاجىريبەسى باسا ءمان بەرۋگە تاتيدى. ىندەت جويىلعاننان كەيىن، ول جۇڭگو جاقپەن عىلىمي اۋىس - كۇيىستى، اسىرەسە جاس زەرتتەۋشىلەردىڭ اۋىس – كۇيىسىن تەرەڭدەتىپ، ءوزارا ساپاردا بولۋدى ءۇمىت ەتتى.

　　4 – ايدىڭ 22 - كۇنى قازاقستان دەنساۋلىق ساقتاۋ مينيسترى ەلجان ءبىرتانوۆ ەمدەۋ اترەتىمەن كەسكىن ارقىلى سويلەستى، جۇڭگو ەمدەۋ اترەتىنىڭ قازاقستاننىڭ ىندەتكە توتەپ بەرۋىنە قوسقان وراسان زور ۇلەسىنە العىس ايتتى. قازاقستان دەنساۋلىق ساقتاۋ مينيسترلىگى ەمدەۋ اترەتىنىڭ مۇشەلەرىنە داڭق كۋالىگى مەن وردەن تاراتتى.

　　الەۋمەتتىك جەلىلەردە قازاقستاندىق توراپتاستار: «جۇڭگو شيپاگەرلەرىنىڭ حاۋىپ ـ قاتەرگە قاراماي بىزگە كومەكتەسكەنىنە العىس ايتامىز»، «ءاربىر جۇڭگو شيپاگەرىنە ۆوتكا جانە ەلىمىزدىڭ ءداستۇرلى تاعامى <بەسبارماق> ۇسىنامىز» دەدى.

　　نۇر - سۇلتان 2 ـ قالالىق شيپاحانانىڭ قىزمەتكەرى اسەمگۇل وسپانوۆا تىلشىگە بىلاي دەدى: قازاقستاندا مىنانداي ءبىر ماقال بار: بىرلىك ءتۇبى – تىرلىك، دەنساۋلىق − زور بايلىق. قازىر قازاقستان ىندەتكە توتەپ بەرۋدىڭ ەڭ شەشۋشى مەزگىلىندە تۇر، قازاقستان مەن جۇڭگونىڭ قول ۇستاسا سەلبەسۋى، قازاقستانعا سەنىم جانە ءۇمىت باعىشتايدى.

　　جۇڭگونىڭ قازاقستاندا تۇراتىن باس ەلشىسى جاڭ شياۋ بىلاي دەدى: جۇڭگو ەمدەۋ اترەتىنىڭ قازاقستانعا كومەككە كەلۋى __ ەكى ەلدىڭ سەلبەسىپ، ىندەتكە توتەپ بەرۋىنىڭ جاندى كارتيناسى، ەكى ەل قاتىناسىنىڭ دامۋ تاريحىندا، ءسوز جوق، تەرەڭ اسەر قالدىرادى.

　　جۇڭگو مەن قازاقستاندى جالعاپ تۇرعان تيانشان تاۋى ەكى دوس كورشىنىڭ ىندەتكە بىرگە توتەپ بەرۋدە ءبىر - بىرىنە قارايلاسىپ، ءبىر جاعادان باس، ءبىر جەڭنەن قول شىعارعان دوستىعىنا كۋا بولدى.

　　كەلۋ قاينارى: حالىق تورابى