پامير ۇستىرتىندەگى «كوشپەلى مادەنيەت سالتاناتى»

2020.06.10 13:35   كەلۋ قاينارى : حالىق تورابى

　　شينجياڭ تاسقورعان تاجىك اۆتونوميالى اۋدانى ويىن – ساۋىق ۇيىرمەسىنىڭ ونەرپازدارى ىرىسقام قىستاعىندا قىستاق تۇرعىندارىنا ويىن قويۋدا (6 – ايدىڭ 6 – كۇنى ۇشقىشسىز ۇشاقپەن تۇسىرىلگەن سۋرەت)

　　شينجياڭ تاسقورعان تاجىك اۆتونوميالى اۋدانى پامير ءۇستىرتىنىڭ شىعىس بولەگىنە ورنالاسقان، اۋداندا تالعار تاۋلار مەن تەرەڭ شاتقالدار مول، اۋىل – قىستاقتار بىتىراي ورنالاسقان. دابدار اۋىلى ىرىسقام قىستاعى اۋدان قالاشىعىنان 204 كيلومەتر قاشىقتىقتا. اۋداندىق ويىن – ساۋىق ۇيىرمەسىنىڭ ونەرپازدارى اۋداننان شىققان سوڭ، 5 ساعات جول ءجۇرىپ، اۋدان قالاشىعىنان ەڭ شالعاي بۇل قىستاققا اقىرى جەتتى.

　　تاۋ – اسىپ، تاس باسىپ، قىستاق تۇرعىندارىنا سالتاناتتى ويىن نومىرلەرىن جەتكىزدى.

　　ويىن – ساۋىق مازمۇنىنىڭ قۇرامىندا تاجىك ۇلتىنىڭ بۇركىت ءبيى، ۇلتتىق ءانى قاتارلى مەملەكەت دارەجەلى بەيزاتتىق مادەني مۇرالاردى ورىنداۋ قامتىلۋدان سىرت، كەدەيلىكتەن ارىلتۋدان قامال الۋ، حالىققا ءتيىمدى ساياسات قاتارلى ءتۇرلى فورمالارداعى جاندى دا تارتىمدى ويىن نومىرلەرى قامتىلعان، ويىن نومىرلەرىنىڭ ارالىعىندا ءتۇرلى بىلىمدەردەن سۇراۋ – جاۋاپتار ورنالاستىرىلعان. ويىن قويىلعان الاڭنان قايتا – قايتا شاپالاق ءۇنى كوتەرىلىپ، كوڭىلدى كۇلكى ۇزىلمەدى، بۇكىل قىستاقتاعى كارى – جاس بۇرالا بيگە باسىپ، قىزىق – دۋماننىڭ شاتتىعىنا شومدى.

　　وتتەگى سيرەك بولعانىمەن، كورىنىسى كوركەم پامير ۇستىرتىندە تاسقورعان اۋداندىق ويىن – ساۋىق ۇيىرمەسى جىل سايىن ەكى رەت اۋىل – قىستاققا بارىپ ويىن قويۋدى، ءار جولى، ءسوزسىز، بۇكىل اۋدانداعى 40 نەشە اكىمشىلىك قىستاقتى تۇگەل قامتۋدى جالعاستىرىپ كەلەدى. ولار ءان – ءبي ارقىلى قىستاق تۇرعىندارىنىڭ تۇرمىسىن ارلەندىرىپ، شالعايداعى تاۋلى قىستاقتىڭ مادەني تۇرمىسىن جانداندىرىپ، اتا – مەكەننىڭ دامۋى مەن وزگەرىسىنە ماداق ايتىپ كەلەدى. شينحۋا اگەنتتىگىنىڭ ءتىلشىسى حۋ حۋحۋ فوتوسى

　　كەلۋ قاينارى: حالىق تورابى