63 باتىر داڭق تاقتاسىنان ورىن الدى! ورتالىق ساياسي - زاڭ كوميتەتى ەكى ماۋسىمداعى ”ادىلەت جولىندا ايانباعان باتىرلار“ تىزىمدىگىن جاريالادى
2023.03.28 15:25 كەلۋ قاينارى : حالىق تورابى
3 - ايدىڭ 27 - كۇنى ورتالىق ساياسي - زاڭ كوميتەتى جۇڭگو چاڭ - ان تورابى مەن ورتالىق ساياسي - زاڭ كوميتەتىنىڭ چاڭ - ان سەمسەرى الەۋمەتتىك تەكشەسىندە 2022 - جىلدىڭ 4 - توقسانىنداعى جانە 2023 - جىلدىڭ 1 – توقسانىنداعى ”ادىلەت جولىندا ايانباعان باتىرلار تىزىمدىگىن“ جاريالادى، جيىنى 63 ادام.
الدىڭعى قاتاردا تۇرعان باتىرلاردىڭ ىشىندە 85 جاستاعى سۋعا كەتكەن قارتتى دەر كەزىندە قۇتقارىپ، اتى - ءجونىن قالدىرماي، ينتەرنەتتە ”ادام قۇتقارعان باتىرعا ىزدەۋ سالىنعان“ اسەرلى اڭگىمەسى بەيجيڭ قالاسىنا جىلۋ سيلاعان ۋاڭ جياندۇڭ؛ سۋعا باتقان بۇقارانى قۇتقارۋ جولىندا ەرلىكپەن قۇربان بولعان دۋ شيانليڭ، ۋاڭ چيڭلۇڭ، يىن ۋىنجين، داۆادۇنجۋ؛ پىشاق الىپ ادام ولتىرگەن قىلمىس كۇماندىسىمەن ەرلىكپەن شايقاس جاساپ قۇربان بولعان گو جيڭچۇن؛ مۇگەدەك بولا تۇرا حاۋىپ - قاتەردەن قورىقپاي، بۇقارانى قۇتقارعان ليۋ شياۋسى، جوۋ جياچي، شىڭ فالين؛ فيزيولوگيالىق كەزدەگى جاعدايىمەن ساناسپاي مۇزدى كولگە سەكىرىپ ءتۇسىپ، قارتتى قۇتقارعان مەيىر باعىشتاۋشى كومەكشى ساقشى جاڭ شينيۋان؛ اتالى - نەمەرەلى ۇشەۋى قاقاعان ايازدا سۋعا كەتكەن بۇقارانى بەلسەنە قۇتقارعان ۋاڭ چۇنلين، ۋاڭ جىسۇڭ، ۋاڭ جىحۋان؛ مۇزداي سۋىق تەڭىز تولقىنىندا دەنەسىن كوپىر ەتىپ 8 ساياحاتشىنى قۇتقارعان ۋاڭ ياڭ؛ قىلمىس كۇماندىسىنىڭ جالعاستى قارۋلانىپ قانقۇيلىلىق ىستەۋىن شۇعىل تەجەگەن چي چياڭ قاتارلى 5 ادام، ني گۋانلين قاتارلى 2 ادام، جاڭ شۇن قاتارلى 2 ادام، ياڭ شاۋشان قاتارلى 4 ادام؛ ويلانباستان جۇك اۆتوكولىگىنىڭ دوڭگەلەگىنىڭ استىندا قالعان بالانى قۇتقارامىن دەپ قولى كەسىلگەن ران تيلان قاتارلىلار.
ۇلىلىق قاراپايىمدىلىقتان تۋادى، قاراپايىمدىلىقتان ۇلىلىق تۋادى. ۇعىسۋعا قاراعاندا، ”ادىلەت جولىندا ايانباعان باتىرلاردىڭ توقساندىق تىزىمدىگىن“ ورتالىق ساياسي - زاڭ كوميتەتى ۇيىمداستىرعان، جۇڭحۋا ادىلەت جولىندا ايانباعاندار قور قوعامى ۇستىنە الىپ وتكىزگەن؛ بىلتىر 9 – ايدىڭ 29 – كۇنى، 2022 - جىلدىڭ 3 - توقسانىنداعى ادىلەت جولىندا ايانباعان 76 ادامدى تۇڭعىش رەت جاريالاپ، قوعامنىڭ ءارسالاسىندا كۇشتى اڭىس قوزعادى. وسى رەت جاريالانعان 2022 - جىلدىڭ 4 - توقسانىنداعى جانە 2023 - جىلدىڭ 1 - توقسانىنداعى ”ادىلەت جولىندا ايانباعان باتىرلار تىزىمدىگى“ ۇنەمىلىك تاڭداۋ، جەر - جەردىڭ كورسەتۋى، كوللەكتيۆ باعالاۋ سياقتى تارتىپتەر ارقىلى سايلاندى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
