مەملەكەتتىك اقپارات - باسپا ءسوز باسقارماسى: ينتەرنەتتەگى ويىندارعا ءار كۇنى تىركەلگەندە، ءبىرىنشى رەت اقشا جۇمساعاندا، قايتالاي اقشا جۇمساعاندا تيىمدىلىك جاساۋ ارقىلى شىرعالاۋ سيپاتىنداعى سيلىق بەرۋ تاسىلدەرىن قولدانۋعا بولمايدى
2023.12.25 16:48 كەلۋ قاينارى : حالىق تورابى
12 - ايدىڭ 22 - كۇنى، مەملەكەتتىك اقپارات - باسپا ءسوز باسقارماسى «ينتەرنەتتەگى ويىنداردى باسقارۋ ءادىسىن (جوبا جايلى پىكىر الىناتىن نۇسقا)» جاريالاپ، قوعامداعىلاردان اشىق تۇردە پىكىر قابىلدادى. مۇندا بىلاي دەپ اتاپ كورسەتىلگەن: ينتەرنەتتەگى ويىندارعا ءار كۇنى تىركەلگەندە، العاش رەت اقشا جۇمساعاندا، قايتالاي اقشا جۇمساعاندا تيىمدىلىك جاساۋ سىندى شىرعالاۋ سيپاتىنداعى سيلىق بەرۋ تاسىلدەرىن قولدانۋعا بولمايدى. ينتەرنەتتەگى ويىنداردى شىعارعان، ساۋدالاعان ورىندار دابىرالاۋ، باسەكەلەستىرىپ ساتۋ قاتارلى تاسىلدەر ارقىلى ۆيرتۋال قۇرالداردى ساۋدالاۋ ارەكەتىنە شارت - جاعداي ازىرلەۋىنە نەمەسە ونى ىرقىنا قويا بەرۋىنە بولمايدى. ينتەرنەتتەگى بارلىق ويىنداردا قولدانۋشىلاردىڭ اقشا جۇمساۋ شەگىن بەلگىلەۋ ءارى قىزمەت وتەۋ ەرەجەسىندە ونى اشىق جاريالاۋ قاجەت، تۇتىنۋ بارىسىندا ۇستامسىزدىق ىستەگەن قولدانۋشىلارعا ەسكەرتۋ كاتەكشەسى ارقىلى ەسكەرتۋ بەرۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
